Home » Tamil News » தேனி ஆக்கிரமிப்பு கோயிலை இடிக்க விடாமல் தடுத்த திமுக பிரமுகர்!

தேனி ஆக்கிரமிப்பு கோயிலை இடிக்க விடாமல் தடுத்த திமுக பிரமுகர்!

தேனி மாவட்டம் போடி நகராட்சிக்கு உட்பட்ட 33ஆவது வார்டில் புதுக்காலனி உள்ளது. அப்பகுதியில் ஸ்ரீ வீரகாளியம்மன் கோயில் அமைந்துள்ளது. வீரகாளியம்மனை அப்பகுதி மக்கள் வணங்கி, வழிபட்டு வருகிறார்கள்.

இந்த சூழலில் கடந்த சில ஆண்டுகளுக்கு முன்பாக அப்பகுதியைச் சேர்ந்த குபேந்திரன் என்பவர் தனக்குச் சொந்தமான இடத்தில் கோயில் உள்ளதாகக் கூறி அகற்ற முற்பட்டுள்ளார். இதற்கு புது காலனி மக்கள் கடும் எதிர்ப்பு தெரிவித்தனர்.

இதுதொடர்பாக குபேந்திரன் மதுரை உயர்நீதிமன்றக் கிளையில் வழக்குத் தொடுத்ததாகவும், அந்த வழக்கில் தீர்ப்பு வழங்கப்பட்டுள்ளதாகவும், அதில் ஆக்கிரமிப்பை அகற்ற நகராட்சி நிர்வாகம் நடவடிக்கை எடுக்க உத்தரவிட்டுள்ளதாகக் கூறப்படுகிறது.
குச்சனூர் சனீஸ்வரர் ஆடித் திருவிழாவிற்குத் தடை: கொரோனாவால் கடவுளையே தொட முடியவில்லை!
இதைத்தொடர்ந்து நகராட்சி அதிகாரிகள் காவல்துறையினரின் பாதுகாப்புடன் கோயிலை அப்புறப்படுத்த புதுக்காலனி பகுதிக்குச் சென்றனர். இதை அறிந்த அப்பகுதி மக்கள் கடும் எதிர்ப்பு தெரிவித்து அதிகாரிகளுடன் வாக்குவாதத்தில் ஈடுபட்டனர்.

மேலும் இது குறித்து தேனி திமுக வடக்கு மாவட்ட செயலாளர் தங்கத் தமிழ்ச்செல்வனிடம் தெரிவித்தனர். இதையடுத்து அங்கு தங்கத் தமிழ்செல்வன் நகராட்சி அதிகாரிகள், காவல்துறையினரிடம் பிரச்சனை குறித்துக் கேட்டறிந்தார். பொதுமக்கள், இடத்தின் உரிமையாளரிடம் பேசி சமரசம் செய்தார். இதைத்தொடர்ந்து அதிகாரிகள் திரும்பிச் சென்றனர்.


Source link

x

Check Also

‘ரஞ்சித் அண்ணா படத்துல பாடுனது சந்தோஷம்!7’ – கானா முத்து

‘புளி மாங்கா புளிப் பாட்டு’ பாடுனது நான்தான். ஆனா, பாட்டு ரீச் ஆனளவுக்கு நான் ரீச்சாகல. சொல்லப்போனா ஒரு பிரைவேட் ...