Home » Telugu News » ఆ స్టార్ దర్శకుడితో రామ్‌చరణ్ సినిమా.. ఈసారి ఓ మంచి సందేశంతో పాటు.. కామెడీ కూడా..?

ఆ స్టార్ దర్శకుడితో రామ్‌చరణ్ సినిమా.. ఈసారి ఓ మంచి సందేశంతో పాటు.. కామెడీ కూడా..?

మెగాస్టార్ చిరంజీవి తనయుడిగా ఇండస్ట్రీలోకి అడుగుపెట్టిన రామ్ చరణ్.. ప్రతీ సినిమాకి తనని తాను నటుడుగా అభివృద్ధి చేసుకుంటూ ఓ రేంజ్ సంపాదించుకున్నారు. ఎస్ఎస్ రాజమౌళీ దర్శకత్వంలో ‘మగధీర’ అనే సినిమాతో బ్లాక్‌బస్టర్ హిట్ అందుకున్న అతను.. ఆ తర్వాత వరుస సినిమాలతో బిజీ అయ్యారు. ఈ సినిమాతో ఇండస్ట్రీ హిట్టు అందుకున్న చరణ్.. సుకుమార్ దర్శకత్వంలో ‘రంగస్థలం’ సినిమాతో కెరీర్‌లో నటనపరంగా, కలెక్షన్లపరంగా సక్సెస్‌ని చవిచూశాడు.

ఆ మధ్యలో కొన్ని ఫ్లాపులు వచ్చినప్పటికీ.. చరణ్‌కి ఉండే క్రేజ్ ఏ మాత్రం తగ్గలేదు. అందుకు కారణంగా ఆయన నటనలో చూపిస్తున్న వేరియేషన్‌యే. ఇక రంగస్థలం తర్వాత బోయపాటి శ్రీను దర్శకత్వంలో ‘వినయ విధేయా రామ’ అనే సినిమాలో రామ్ చరణ్ నటించారు. కానీ.. ఈ సినిమా అభిమానులను తీవ్రంగా నిరాశపరిచింది. ప్రస్తుతం రామ్ చరణ్ రాజమౌళీ తెరకెక్కిస్తున్న ‘ఆర్ఆర్ఆర్’ అనే సినిమాలో నటిస్తున్నారు. ఈ సినిమాలో ఆయన స్వతంత్ర సమరయోధుడు అల్లూరి సీతారామరాజ పాత్ర పోషిస్తున్నారు. దీంతో పాటు ఆయనే నిర్మాతగా వ్యవహరిస్తూ.. తన తండ్రి చిరంజీవి హీరోగా నటిస్తున్న ‘ఆచార్య’ సినిమాలో కూడా ఓ కీలక పాత్రలో ఆయన నటిస్తున్నారు.

ఈ రెండు మేజర్ ప్రాజెక్టుల తర్వాత ప్రముఖ దర్శకుడు శంకర్ డైరెక్షన్‌లో చరణ్ ఓ సినిమా చేయనున్నారు. దీన్ని శ్రీ వెంకటేశ్వర క్రియేషన్స్ బ్యానర్‌పై దిల్ రాజు నిర్మిస్తున్నారు. ఎంతో ప్రతిష్టాత్మకంగా రూపొందుతున్న ఈ సినిమాలో కియారా అడ్వాణీ హీరోయిన్‌గా నటిస్తోంది. తాజాగా ఆమె పుట్టినరోజు సందర్భంగా ఈ వార్తని అధికారికంగా ప్రకటించారు. అయితే ఈ సినిమా తర్వాత రామ్‌ చరణ్ ప్రముఖ దర్శకుడు అనిల్ రావిపూడితో కలిసి ఓ సినిమా చేయనున్నారట. ఇప్పటికే కథకు సంబంధించిన చర్చలు కూడా పూర్తి అయ్యాయని టాక్ వినిపిస్తోంది. మంచి కమర్షియల్ విలువలు, మంచి సందేశంతో పాటు.. కామెడీతో ప్రేక్షకులను నవ్వించేలా ఈ సినిమా ఉండబోతుందని తెలుస్తోంది. అనిల్ ప్రస్తుతం తెరకెక్కిస్తున్న ‘ఎఫ్ 3’ సినిమా తర్వాత ఈ సినిమా ప్రకటన వచ్చే ఛాన్స్ ఉంది.


Source link

x

Check Also

రాసలీలల ఆడియో టేపు… ఖండించిన మంత్రి అవంతి… రాజకీయ ఎదుగుదలనే ఓర్వలేకనే…

Andhra Pradesh oi-Srinivas Mittapalli | Published: Friday, August 20, 2021, 2:10 [IST] మంత్రి అవంతి శ్రీనివాస్ ...