Home » Telugu News » పురుషాంగాన్ని ఎక్కడ తాకించినా రేప్ చేసినట్లే: హైకోర్టు సంచలన తీర్పు

పురుషాంగాన్ని ఎక్కడ తాకించినా రేప్ చేసినట్లే: హైకోర్టు సంచలన తీర్పు

ప్రధానాంశాలు:

  • అత్యాచారం కేసులో కేరళ కోర్టు సంచలన తీర్పు
  • మహిళలో ఏ భాగాన్ని పురుషాగంతో తాకినా రేప్‌ కిందే లెక్క
  • దోషికి జీవితఖైదు విధిస్తూ తీర్పు

లైంగిక దాడి కేసులో కేసులో కేరళ హైకోర్టు సంచలన తీర్పు ఇచ్చింది. బాధితురాలి శరీరంలోని ఏ భాగానికి పురుషాంగాన్ని తాకించినా అది లైంగిక దాడి కిందే వస్తుందని స్పష్టం చేసింది. అంగప్రవేశం జరక్కపోయినా అత్యాచారంగానే పరిగణించాల్సి ఉంటుందని బుధవారం సంచలన తీర్పునిచ్చింది.

నిందితుడు తన పురుషాంగాన్ని బాధితురాలి తొడలపై రుద్దడం ద్వారా సంతృప్తి పొందినా అత్యాచారమేనని జస్టిస్‌ కె.వినోద్‌ చంద్రన్‌, జియాద్‌ రహ్మాన్‌లతో కూడి ధర్మాసనం పేర్కొంది. 11 ఏళ్ల బాలికపై అత్యాచారం కేసులో అంగప్రవేశం జరగనందున దాన్ని అత్యాచారంగా పరిగణించరాదని కోరుతూ నిందితుడు హైకోర్టును ఆశ్రయించాడు. ఈ కేసు విచారణ సందర్భంగా స్పందించిన న్యాయస్థానం.. స్త్రీ శరీరంలోని ఏ అవయవంలోకైనా చొచ్చుకుపోడానికి చేసే ఎలాంటి ప్రయత్నాన్నైనా అత్యాచారంగానే పరిగణించాల్సి వస్తుందని స్పష్టం చేసింది.

Also Read: బంగారం కొనడానికి వెళ్లిన కాబోయే దంపతులు.. తిరిగి వస్తుండగా ఊహించని ఘోరం

నిందితుడి తరుపున న్యాయవాది వాదనలు వినిపిస్తూ.. సెక్షన్ 375 ప్రకారం కేసులు నమోదు చేశారని, అంగప్రవేశం జరిగితేనే ఇలాంటి కేసులు పెట్టాలని అన్నారు. భారత శిక్షాస్మృతిలో అత్యాచారానికి ప్రత్యేక నిర్వచనం ఉందని ఆయన చేసిన వ్యాఖ్యలను హైకోర్టు తోసిపుచ్చింది. జననాంగం, మూత్రనాళం, నోరు వంటి వాటినే కాకుండా ఇతర భాగాలపై కూడా పురుషాంగంతో ఎలాంటి దాడి చేసినా అది లైంగిక దాడిగానే పరిగణించాలని సెక్షన్ 375(సి) చదివితే తెలుస్తుందని న్యాయవాదికి చురకలు అంటించింది. ఈ విషయంలో న్యాయస్థానాలకు విచక్షణాధికారాలు ఉన్నాయని వ్యాఖ్యానించింది.

ఆరు నెలల క్రితం జరిగిన ఘటనపై ఇప్పుడు ఎఫ్ఐఆర్ నమోదు చేయటంపై అభ్యంతరం వ్యక్తంచేస్తూ నిందితుడు కేరళ హైకోర్టులో అప్పీల్ చేశాడు. తాను ఎలాంటి లైంగికదాడి చేయలేదని, పురుషాంగం మహిళ తొడలకు మాత్రమే తగిలిందని నిందితుడు పిటిషన్లో పేర్కొన్నాడు. దీనిపై స్పందించిన పబ్లిక్ ప్రాసిక్యూటర్ తీవ్ర అభ్యంతరం వ్యక్తం చేశారు. నిందితుడు బాధితురాలికి అనేకసార్లు పోర్న్ వీడియోలు చూపించి అసభ్యంగా ప్రవర్తించేవాడని, ఆమె జననేంద్రియాలను తాకడానికి ప్రయత్నించేవాడని కోర్టుకు తెలిపారు. ఈ విషయం ఇంట్లో చెబితే తీవ్ర పరిణామాలుంటాయని హెచ్చరించేవాడని పేర్కొన్నారు.

దీనిపై స్పందించిన ఉన్నత న్యాయస్థానం.. ఆ వ్యక్తి బాధితురాలిపై లైంగికదాడికి పాల్పడినట్లుగా తాము నిర్ధారిస్తున్నట్లు స్పష్టం చేసింది. ఐపీసీ సెక్షన్ 376 (1),సెక్షన్ 375 (సి) ప్రకారం.. అప్పీలుదారు చేసినవి లైంగిక చర్యలుగా నిర్ధారించబడ్డాయని పేర్కొంది. సెక్షన్లు 354 (అత్యాచారం), సెక్షన్ 354 ఎ (1) (i) కింద అతడిని దోషిగా నిర్ధారిస్తూ దిగువ కోర్టు ఇచ్చిన తీర్పును హైకోర్టు సమర్థించింది. నిందితుడికి కింది కోర్టు విధించిన జీవిత ఖైదును యథాతథంగా అమలు చేయాలని ఆదేశిస్తూ తీర్పునిచ్చింది.


Source link

x

Check Also

రాసలీలల ఆడియో టేపు… ఖండించిన మంత్రి అవంతి… రాజకీయ ఎదుగుదలనే ఓర్వలేకనే…

Andhra Pradesh oi-Srinivas Mittapalli | Published: Friday, August 20, 2021, 2:10 [IST] మంత్రి అవంతి శ్రీనివాస్ ...