Home » Kannada News » ಮ್ಯೂಚುವಲ್‌ ಫಂಡ್‌ ಮುಚ್ಚಲು ಷೇರುದಾರರ ಅನುಮತಿ ಅಗತ್ಯ, ಕರ್ನಾಟಕ ಹೈಕೋರ್ಟ್‌ ತೀರ್ಪು ಎತ್ತಿ ಹಿಡಿದ ಸುಪ್ರೀಂ

ಮ್ಯೂಚುವಲ್‌ ಫಂಡ್‌ ಮುಚ್ಚಲು ಷೇರುದಾರರ ಅನುಮತಿ ಅಗತ್ಯ, ಕರ್ನಾಟಕ ಹೈಕೋರ್ಟ್‌ ತೀರ್ಪು ಎತ್ತಿ ಹಿಡಿದ ಸುಪ್ರೀಂ

ಹೈಲೈಟ್ಸ್‌:

  • ಫ್ರಾಂಕ್ಲಿನ್‌ ಟೆಂಪಲ್‌ಟನ್‌ ಕಂಪನಿಯ 6 ಮ್ಯೂಚುವಲ್‌ ಫಂಡ್‌ ಸ್ಥಗಿತ ಪ್ರಕರಣ
  • ಮ್ಯೂಚುವಲ್‌ ಫಂಡ್‌ ಹೂಡಿಕೆದಾರ ಸ್ನೇಹಿ ತೀರ್ಪು ನೀಡಿದ ಸುಪ್ರೀಂ ಕೋರ್ಟ್‌
  • ಮ್ಯೂಚುವಲ್‌ ಫಂಡ್‌ ಕಂಪನಿಗಳು ತಮ್ಮ ಡೆಟ್‌ ಮ್ಯೂಚುವಲ್‌ ಫಂಡ್‌ ಯೋಜನೆಗಳನ್ನು ಮುಚ್ಚುವ ಮುನ್ನ ಷೇರುದಾರರ ಅನುಮೋದನೆ ಅಗತ್ಯ ಎಂದ ನ್ಯಾಯಾಲಯ

ಹೊಸದಿಲ್ಲಿ: ಮ್ಯೂಚುವಲ್‌ ಫಂಡ್‌ ಕಂಪನಿಗಳು ತಮ್ಮ ಡೆಟ್‌ ಮ್ಯೂಚುವಲ್‌ ಫಂಡ್‌ ಯೋಜನೆಗಳನ್ನು ಮುಚ್ಚುವ ಮುನ್ನ ಷೇರುದಾರರ ಅನುಮೋದನೆ ಪಡೆಯುವುದು ಅಗತ್ಯ ಎಂದು ಸುಪ್ರೀಂಕೋರ್ಟ್‌ ತೀರ್ಪು ಬುಧವಾರ ನೀಡಿದೆ.

ಒಂದು ವೇಳೆ ಈ ನಿಯಮ ಉಲ್ಲಂಘಿಸಿದರೆ ಮಧ್ಯ ಪ್ರವೇಶಿಸುವ ಅಧಿಕಾರ ಮಾರುಕಟ್ಟೆ ನಿಯಂತ್ರಕ ಸೆಬಿಗೆ ಇದೆ ಎಂದಿದೆ. ಫ್ರಾಂಕ್ಲಿನ್‌ ಟೆಂಪಲ್‌ಟನ್‌ ಕಂಪನಿಯು 6 ಮ್ಯೂಚುವಲ್‌ ಫಂಡ್‌ ಸ್ಕೀಮ್‌ಗಳನ್ನು ಷೇರುದಾರರ ಅನುಮತಿ ಇಲ್ಲದೆ ಮುಚ್ಚದಂತೆ ಕರ್ನಾಟಕ ಹೈಕೋರ್ಟ್‌ ನೀಡಿದ್ದ ಆದೇಶದ ವಿರುದ್ಧ ಕಂಪನಿ ಸುಪ್ರೀಂ ಕೋರ್ಟ್‌ನಲ್ಲಿ ಪ್ರಶ್ನಿಸಿತ್ತು. ಈ ಪ್ರಕರಣದಲ್ಲಿ ಸುಪ್ರೀಂ ಕೋರ್ಟ್‌ ಮಹತ್ವದ ತೀರ್ಪು ನೀಡಿದೆ.

ನ್ಯಾಯಮೂರ್ತಿ ಎಸ್‌.ಅಬ್ದುಲ್‌ ನಜೀರ್‌ ಮತ್ತು ಸಂಜೀವ್‌ ಖನ್ನಾ ಅವರನ್ನು ಒಳಗೊಂಡಿದ್ದ ಪೀಠವು ಈ ತೀರ್ಪು ಪ್ರಕಟಿಸಿದೆ. ನಾವು ಶಾಸನಾತ್ಮಕ ನಿಯಮಾವಳಿಗಳನ್ನು ಪರಿಶೀಲಿಸಿದ್ದೇವೆ. ಡೆಟ್‌ ಮ್ಯೂಚುವಲ್‌ ಫಂಡ್‌ ಯೋಜನೆಗಳನ್ನು ಮುಚ್ಚಲು ಬಹುಪಾಲು ಷೇರುದಾರರ ಅನುಮತಿ ಅಗತ್ಯ ಎಂಬ ಹೈಕೋರ್ಟ್‌ ನಿಲುವನ್ನು ನಾವು ಸಮ್ಮತಿಸಿದ್ದೇವೆ,” ಎಂದು ಪೀಠವು ತಿಳಿಸಿತು.

ಹಣಕಾಸಿನ ಗುರಿ ಮುಟ್ಟಲು ಮ್ಯೂಚುವಲ್‌ ಫಂಡ್‌; ರಿಸ್ಕ್ ಇಲ್ಲದೆ ಉತ್ತಮ ರಿಟರ್ನ್ಸ್!
ಸುಪ್ರೀಂ ಕೋರ್ಟ್‌ ಕಳೆದ ಫೆಬ್ರವರಿ 12ರಂದು ಈ ಪ್ರಕರಣಕ್ಕೆ ಸಂಬಂಧಿಸಿ ಮ್ಯೂಚುವಲ್‌ ಫಂಡ್‌ ಯೋಜನೆಗಳನ್ನು ಮುಚ್ಚಲು ಇ-ವೋಟಿಂಗ್‌ ಪ್ರಕ್ರಿಯೆ ಕೈಗೊಳ್ಳುವ ಪ್ರಸ್ತಾಪವನ್ನು ಎತ್ತಿ ಹಿಡಿದಿತ್ತು. ಯುನಿಟ್‌ಗಳನ್ನು ಖರೀದಿಸಿದವರಿಗೆ 9,122 ಕೋಟಿ ರೂ.ಗಳನ್ನು ವಿತರಿಸಲು ಫೆ.2ರಂದು ಆದೇಶಿಸಿತ್ತು.

ಮ್ಯೂಚುವಲ್‌ ಫಂಡ್‌ ಸಿಪ್‌ ಮೂಲಕ ಹೂಡಿಕೆ ಹೇಗೆ?
ಮ್ಯೂಚುವಲ್‌ ಫಂಡ್‌ ವಲಯದ ಫ್ರಾಂಕ್ಲಿನ್‌ ಟೆಂಪಲ್‌ಟನ್‌ ಕಂಪನಿಯು ತನ್ನ ಫ್ರಾಂಕ್ಲಿನ್‌ ಇಂಡಿಯಾ ಲೊ ಡ್ಯುರೇಷನ್‌ ಫಂಡ್‌, ಫ್ರಾಂಕ್ಲಿನ್‌ ಇಂಡಿಯಾ ಅಲ್ಟಾರ್‌ ಶಾರ್ಟ್‌ ಬಾಂಡ್‌ ಫಂಡ್‌, ಫ್ರಾಂಕ್ಲಿನ್‌ ಇಂಡಿಯಾ ಶಾರ್ಟ್‌ ಟರ್ಮ್‌ ಇನ್‌ಕಮ್‌ ಪ್ಲಾನ್‌, ಫ್ರಾಂಕ್ಲಿನ್‌ ಇಂಡಿಯಾ ಕ್ರೆಡಿಟ್‌ ರಿಸ್ಕ್‌ ಫಂಡ್‌, ಫ್ರಾಂಕ್ಲಿನ್‌ ಇಂಡಿಯಾ ಡೈನಾಮಿಕ್‌ ಅಕ್ರುವಲ್‌ ಫಂಡ್‌ ಮತ್ತು ಫ್ರಾಂಕ್ಲಿನ್‌ ಇಂಡಿಯಾ ಇನ್‌ಕಮ್‌ ಅಪಾರ್ಚುನಿಟೀಸ್‌ ಫಂಡ್‌ ಅನ್ನು ಮುಚ್ಚಲು ನಿರ್ಧರಿಸಿತ್ತು. ಹಣಕಾಸು ಕೊರತೆಯಿಂದಾಗಿ ಈ ಮ್ಯೂಚುವಲ್‌ ಫಂಡ್‌ ಸ್ಕೀಮ್‌ಗಳನ್ನು ಮುಚ್ಚುತ್ತಿರುವುದಾಗಿ 2020ರ ಏಪ್ರಿಲ್‌ 23ರಂದು ಘೋಷಿಸಿತ್ತು.

ಹೂಡಿಕೆದಾರರ ಸ್ನೇಹಿ ತೀರ್ಪು

ಸುಪ್ರೀಂ ಕೋರ್ಟ್‌ ಮ್ಯೂಚುವಲ್‌ ಫಂಡ್‌ ಹೂಡಿಕೆದಾರರ ಸ್ನೇಹಿ ತೀರ್ಪನ್ನು ನೀಡಿದೆ ಎಂದು ಮ್ಯೂಚುವಲ್‌ ಫಂಡ್‌ ಮಾರುಕಟ್ಟೆ ತಜ್ಞ ಹರೀಶ್‌ ರಾವ್‌ ಅವರು ತಿಳಿಸಿದ್ದಾರೆ. ಹೀಗಿದ್ದರೂ, ಭಾರತದಲ್ಲಿ ಇಂಥ ಓಪನ್‌ ಎಂಡೆಡ್‌ ಮ್ಯೂಚುವಲ್‌ ಫಂಡ್‌ ಯೋಜನೆಗಳು ಅರ್ಧದಲ್ಲಿಯೇ ಸ್ಥಗಿತವಾಗುವ ಸಾಧ್ಯತೆಗಳು ಪ್ರಾಯೋಗಿಕವಾಗಿ ಅತಿ ವಿರಳ ಎಂದೂ ತಿಳಿಸಿದ್ದಾರೆ.


Source link

x

Check Also

ಎಂಟನೇ ಅದ್ಭುತ: ಮಂಜು ಜೊತೆಗಿನ ಮುನಿಸು ಮರೆತು ‘ಓ ಗೆಳೆಯ..’ ಎಂದ ಪ್ರಶಾಂತ್ ಸಂಬರಗಿ!

ಹೈಲೈಟ್ಸ್‌: ‘ಬಿಗ್ ಬಾಸ್’ ಮನೆಯಲ್ಲಿ ನಡೆದಿದೆ ಅಚ್ಚರಿಯ ಘಟನೆ! ಪ್ರಶಾಂತ್ ಸಂಬರಗಿ ಹಾಗೂ ಮಂಜು ಪಾವಗಡ ಮಧ್ಯೆ ಮತ್ತೆ ಚಿಗುರಿದೆ ...