Home » Malayalam News » തൃശൂര്‍ കരുവന്നൂർ സഹകരണ ബാങ്കിൽ നിന്നും 80 ലക്ഷം വായ്പയെടുത്ത മുൻ പഞ്ചായത്തംഗം ആത്മഹത്യ ചെയ്ത നിലയിൽ

തൃശൂര്‍ കരുവന്നൂർ സഹകരണ ബാങ്കിൽ നിന്നും 80 ലക്ഷം വായ്പയെടുത്ത മുൻ പഞ്ചായത്തംഗം ആത്മഹത്യ ചെയ്ത നിലയിൽ

ഹൈലൈറ്റ്:

  • കോൺഗ്രസിന്റെ മുൻ പഞ്ചായത്ത് അംഗമായിരുന്ന ഇദ്ദേഹം 25 ലക്ഷം രൂപ വായ്പ എടുത്തിരുന്നു
  • 80 ലക്ഷം രൂപ വായ്പ അടയ്ക്കാത്തതിന് മുകുന്ദന് ജപ്തി നോട്ടീസ് അയച്ചിരുന്നു
  • വ്യാഴാഴ്ച പുലര്‍ച്ചെയാണ് വീട്ടിൽ തൂങ്ങി മരിച്ച നിലയിൽ മുകുന്ദന്റെ മൃതദേഹം കണ്ടെത്തിയത്

തൃശൂർ: 300 കോടിയുടെ ക്രമക്കേട് കണ്ടെത്തിയ തൃശൂര്‍ കരുവന്നൂർ ബാങ്കിൽ നിന്നും വായ്പയെടുത്ത മുൻ പഞ്ചായത്ത് അംഗത്തെ ആത്മഹത്യ ചെയ്ത നിലയിൽ കണ്ടെത്തി. കോൺഗ്രസിന്റെ മുൻ പഞ്ചായത്ത് അംഗമായിരുന്ന ടി എം മുകുന്ദൻ ആണ് മരിച്ചത്. 59 വയസായിരുന്നു.

നടൻ കെടിഎസ് പടന്നയിൽ അന്തരിച്ചു
80 ലക്ഷം രൂപ വായ്പ അടയ്ക്കാത്തതിന് മുകുന്ദന് ജപ്തി നോട്ടീസ് അയച്ചിരുന്നു. 25 ലക്ഷം രൂപ വായ്പ എടുത്തിരുന്നു. അതിന് പിന്നാലെയാണ് മുൻ പഞ്ചായത്ത് അംഗം ജീവനൊടുക്കിയത്. വ്യാഴാഴ്ച പുലര്‍ച്ചെയാണ് വീട്ടിൽ തൂങ്ങി മരിച്ച നിലയിൽ മുകുന്ദന്റെ മൃതദേഹം കണ്ടെത്തിയത്.

വായ്പ തിരിച്ചടവുമായി ബന്ധപ്പെട്ട് നിരന്തരം സമ്മര്‍ദ്ദങ്ങളുണ്ടായിരുന്നുവെന്ന് ബന്ധുക്കള്‍ ആരോപിച്ചിരുന്നു. ഇതോടെ മുകുന്ദൻ കടുത്ത മാനസിക സമ്മര്‍ദ്ദത്തിലായിരുന്നുവെന്നും ബന്ധുക്കള്‍ ആരോപിച്ചിരുന്നു.

കോടികളുടെ വായ്പാ തട്ടിപ്പാണ് കരവന്നൂർ സഹകരണ ബാങ്കിൽ കണ്ടെത്തിയത്. ബാങ്കിലെ തട്ടിപ്പിൽ ആറ് മുന്‍ ജീവനക്കാര്‍ക്കെതിരേ കേസെടുക്കുകയും ചെയ്തു. വഞ്ചന, ഗൂഢാലോചന, വ്യാജരേഖ ചമയ്ക്കല്‍ തുടങ്ങിയ കുറ്റം ചുമത്തിയാണ് കേസെടുത്തിരിക്കുന്നത്.

സിപിഎം നേതൃത്വത്തിലുള്ള ഭരണസമിതിയാണ് ബാങ്കിന്റെ തലപ്പത്തുള്ളത്. തട്ടിപ്പ് വിവരം കണ്ടെത്തിയതിനെ തുടര്‍ന്ന് സിപിഎം നേതാക്കള്‍ ഉള്‍പ്പെടുന്ന 13 അംഗഭരണസമിതി പിരിച്ചു വിട്ടിരുന്നു. സിപിഎം ഉന്നത നേതാക്കള്‍ക്ക് ഗൂഢാലോചനയില്‍ പങ്കുണ്ടെന്ന് ബിജെപി ആരോപിച്ചു. ബാങ്ക് തട്ടിപ്പിനെതിരെ ഇഡിക്കും ആദായനികുതി വകുപ്പിനും ബിജെപി നേതാക്കള്‍ പരാതി കൊടുത്തിട്ടുണ്ട്.

അച്ചടക്കം പാലിക്കണം, രാജി അഭ്യൂഹങ്ങള്‍ക്കിടെ ബിജെപി നേതാക്കള്‍ക്ക് യെദ്യൂരപ്പയുടെ ട്വീറ്റ്
ബാങ്കിനു കീഴിലെ വ്യാപാര സ്ഥാപനങ്ങളിലും കോടികളുടെ തട്ടിപ്പു നടന്നതിന്‍റെ രേഖകളും പുറത്തുവന്നു. ബാങ്കിന്‍റെ കീഴിലുള്ള സൂപ്പര്‍മാര്‍ക്കറ്റിലേക്കു സാധനങ്ങള്‍ വാങ്ങിയതില്‍ ഒരു വര്‍ഷത്തെ കണക്കില്‍ മാത്രം ഒന്നരക്കോടിയുടെ തിരിമറിയാണു കണ്ടെത്തിയത്. കുറി നടത്തിപ്പിലും 50 കോടിയുടെ തിരിമറിയുണ്ടെന്നാണു വിവരം.

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, നിങ്ങള്‍ ഒറ്റയ്ക്കല്ല. സഹായം തേടാം ഉടനെ. ദയവായി വിളിക്കൂ: ദിശ ഹെല്‍പ്പ്‍ലൈന്‍ – 1056 (ടോള്‍ ഫ്രീ)


Source link

x

Check Also

‘പേര് ഈശോ എന്നാണെങ്കിൽ സിനിമ തിയേറ്റർ കാണില്ല; കേരളം മുഴുവൻ ഞാൻ ഇറങ്ങും’: പി സി ജോർജ്

ഹൈലൈറ്റ്: ‘ഈശോ’ എന്ന പേരിലുള്ള സിനിമയ്ക്കെതിരെ പി സി ജോർജ്. സിനിമ തിയേറ്ററുകളിൽ പ്രദർശിപ്പിക്കാൻ അനുവദിക്കില്ല. വലിയ പ്രത്യാഘങ്ങൾ നേരിടേണ്ടി ...