Home » Tamil News » கால் ஆணி, மீண்டும் மீண்டும் வராமல் இருக்க உதவும் எளிமையான வைத்தியம், எப்படி பயன்படுத்துவது?

கால் ஆணி, மீண்டும் மீண்டும் வராமல் இருக்க உதவும் எளிமையான வைத்தியம், எப்படி பயன்படுத்துவது?


கால் ஆணி என்பது ஆபத்தானது அல்ல. ஆனால் அது எரிச்சலை உண்டாக்கும். பெரும்பாலும் ஆண்களை விட பெண்கள் அதிகம் பாதிக்கிறார்கள்.
கூர்மையான பொருள்கள் கால் பாதங்களில் அழுத்தி இறங்கும் போது பாதத்திலிருந்து ரத்தம் வந்தாலும் அதன் பிறகு அந்த இடம் தடிமனாக இருக்கும். அந்த இடத்தில் எப்போதும் வலி இருந்து கொண்டே இருக்கும். இதை அகற்றிய பிறகும் அவ்வபோது தோல் வளர்ந்து மீண்டும் மீண்டும் கால் ஆணி பிரச்சனை இருக்கும். இதற்கு உதவும் வீட்டு வைத்தியம் குறித்து பார்க்கலாம்.

​கால் ஆணி

கால் ஆணி என்பது கடினமாக இருக்கலாம், மென்மையாக இருக்கலாம், விதை போன்றும் இருக்கலாம். இதில் கடினமானது சருமத்தின் சிறிய, செறிவான பகுதிகளில் அடர்த்தியான தோலின் பரந்த பகுதியில் காணப்படுகின்றன.

ஆடுற பல்லை ஸ்ட்ராங்கா வைக்க முடியுமாம்! அதுக்கு நீங்க செய்ய வேண்டிய வைத்தியமும் தெரிஞ்சுக்கங்க!

மென்மையான கால் ஆணி என்பது வெண்மை அல்லது சாம்பல் நிறத்தில் இருக்கும். இது அமைப்பில் ரப்பர் போன்று இருக்கும். பெரும்பாலும் கால் விரல்களுக்கு இடையில் தோன்றும்.

விதை ஆணி என்பவை சிறியவை. இது பாதத்தின் அடிப்பகுதியில் காணப்படும். இது தடிமனாகும் போது ஆணி கால் வலியை உண்டு செய்யும். இது எதனால் வருகிறது என்பது குறித்து இதுவரை தெளிவாக தீர்மானிக்கப்படவில்லை. இதற்கு உதவும் எளிய வைத்தியம் அதற்குரிய மூலிகைகள் எப்படி பயன்படுத்துவது என்று பார்க்கலாம்.

​அம்மான் பச்சரிசி

அம்மான் பச்சரிசி என்னும் மூலிகை செடி கேள்விப்பட்டிருக்கிறீர்களா? இந்த செடியை உடைத்தால் அதிலிருந்து பால் வரும். இந்த பாலை அப்படியே எடுத்து கால் ஆணி இருக்கும் இடத்தில் தடவி வர வேண்டும். ஒரே நாளில் ஒரு முறை தடவினால் குணம் கிடைக்காது.

கால் ஆணி இருக்கும் இடத்தில் தொடர்ந்து பயன்படுத்தி வந்தால் முதலில் அந்த இடத்தில் வலி உணர்வு குறையும். பிறகு படிப்படியாக கால் ஆணி குணமாகும்.

​மருதாணியும் மஞ்சளும்

மருதாணி இலையுடன் மஞ்சள் கலந்து பயன்படுத்தினால் கால் ஆணி குறையும். மருதாணி இலையை ஒரு கைப்பிடி எடுத்து காம்புகள் எல்லாம் நீக்கி சுத்தமாக அலசி எடுக்கவும். மஞ்சள் கிழங்கை நன்றாக கழுவி அதையும் மருதாணியுடன் சேர்த்து அரைக்கவும்.

சிறு நெல்லியளவு உருட்டி கால் ஆணி இருக்கும் இடத்தில் வைத்து அதன் மேல் மெல்லிய வெள்ளை துணியை கட்டி விடவும். மறுநாள் காலை எடுத்து மிதமான உப்பு நீரில் வைத்து சுத்தம் செய்யவும்.

​கொடி வேலி

நாட்டு மருந்து கடைகளில் கொடிவேலி பட்டை கிடைக்கும். சித்திர மூலம் என்றும் அழைக்கப்படுகிறது. இந்த வேர்ப்பட்டையை வாங்கி வந்து தினமும் இரவு படுக்கைக்கு செல்லும் முன்பு வேர்ப்பட்டையை அரைத்து சுண்டக்காய் அளவு எடுத்து கால் ஆணி மீது வைக்கவும். சிலருக்கு இது புண்ணை உண்டாக்கலாம்.

ஆனால் அதற்காக இதை தவிர்க்க வேண்டாம். விளக்கெண்ணெயில் மஞ்சள் குழைத்து அதன் மேல் பூசி வந்தால் புண் ஆறக்கூடும். பிறகு கால் ஆணியும் குணமாகும்.

​வசம்பு

பிள்ளை வளர்த்தி என்று சொல்லகூடிய வசம்பை கொண்டு கால் ஆணி இருக்கும் இடத்தில் பற்று போடுவதன் மூலம் கால் ஆணி தவிர்க்கப்படலாம்.

மஞ்சள் உடன் வசம்பு, மருதாணி கலந்து தண்ணீர் விட்டு அரைத்து கால் ஆணி இருக்கும் இடத்தில் அடைபோல் கனமாக தட்டி அதன் மேல் கருப்பு வெற்றிலையை வைத்து வெள்ளை துணியை கொண்டு கட்டி விடவும். தினமும் படுக்கும் முன்பு இதை செய்து வந்தால் கால் ஆணி மறையக்கூடும்.

​பூண்டு வையுங்கள்

பூண்டு பல்லை தோல் உரித்து இடிக்கவும். அதில் சிட்டிகை மஞ்சள் சேர்த்து நன்றாக குழைக்கவும். இதை சாறு வரும் வரை இடித்து கால் ஆணி மீது வையுங்கள். அல்லது பூண்டை இடித்து அப்படியே சாறோடு சேர்த்து கால் ஆணி இருக்கும் இடத்தில் வைத்து தடவி கொள்ளவும்.

பிறகு அவை கீழே வராமல் இருக்க மெல்லிய வெள்ளை துணியில் கட்டி கொள்ளவும். தினமும் ஒரு வாரம் வரை இதை செய்து வந்தால் போதும். கால் ஆணி படிபடியாக குணமாகும்.

​உப்பு நீர்

கால் ஆணிக்கு மருந்துகள் வைக்கும் போது முன்பும், மருந்தை எடுத்த பிறகும் மறக்காமல் செய்ய வேண்டிய விஷயம் ஒன்று உண்டு. அகலமான பாத்திரத்தில் வெந்நீரை நிரப்பி அதில் கல் உப்பு போட்டு சில நிமிடங்கள் அப்படியே வைத்து கைகளால் அந்த இடத்தில் நன்றாக தேய்க்கவும்.

நோய் எதிர்ப்பு சக்தி அதிகரிக்க தினம் ஒரு உருண்டை நெல்லி லேகியம், எப்படி செய்வது, யாரெல்லாம் சாப்பிடலாம்?

பிறகு உலர்வான துணியில் துடைத்து விடவும். அதே போன்று மருந்து எடுக்கும் போதும் இதை பின்பற்ற வேண்டும்.மீண்டும் வராமல் இருக்க அவ்வபோது உப்பு தண்ணீரில் காலை வைத்து எடுக்கவும்.

சிறியவர்கள் முதல் பெரியவர்கள் வரை அனைவருக்கும் இந்த வைத்தியம் பலனளிக்கும். வலியும் காயமும் பெரிதாக இருந்தால் கைவைத்தியம் காட்டிலும் மருத்துவரை அணுகி சிகிச்சை பெறுவதே நல்லது.


Source link

x

Check Also

டி20 உலகக் கோப்பை: இந்த 3 பேருதான் பட்டைய கிளப்புவாங்க…தினேஷ் கார்த்திக் கணிப்பு!

மொத்தம் 16 அணிகள் பங்கேற்கும் டி20 உலகக் கோப்பை தொடர், வருகிற அக்டோபர் 17ஆம் தேதி துவங்கி, நவம்பர் 14ஆம் ...