Home » Telugu News » అవకాడో తింటే బరువు తగ్గుతారా..

అవకాడో తింటే బరువు తగ్గుతారా..

అవకాడోని చాలా మంది ఇష్టపడతారు. దీనితో అనేక రకాల వంటకాల్ని మనం తయారు చేసుకోవచ్చు. శాండ్‌విచ్, బర్గర్, సలాడ్ ఇలా ఒకటి కాదు రెండు కాదు ఎన్నో వంటకాల్ని అవకాడోతో మనం తయారు చేసుకుతినొచ్చు. రెగ్యులర్‌గా దీన్ని డైట్ లో తీసుకోవడం కూడా మంచిది. అవకాడో ఫ్లేవర్ కూడా చాలా బాగుంటుంది. ఇది తినడానికి రుచిగా ఉంటుంది మరియు ఆరోగ్యానికి కూడా ఎంతో మంచి చేస్తుంది.

​అవకాడో డైట్‌‌తో లాభాలు:

అవకాడోని డైట్‌లో తీసుకోవడం వల్ల ఎటువంటి లాభాలు కలుగుతాయి అనేది ఇప్పుడు తెలుసుకుందాం… ఇలా వీటిని మీ డైట్‌లో తీసుకుంటే ఒకటి కాదు రెండు కాదు చాలా ప్రయోజనాలు పొందవచ్చు. అవకాడోలో మంచి కొవ్వు మరియు తక్కువ కొలెస్ట్రాల్ ఉంటుంది. అయితే ఈ రోజు మనం అవకాడో గురించి అనేక విషయాలు తెలుసుకుందాం. మరి ఇక ఆలస్యమెందుకు దీని కోసం ఇప్పుడే పూర్తిగా చూద్దాం. అవకాడో ఎక్కువగా మెక్సికో మరియు సౌత్ అండ్ సెంట్రల్ అమెరికాలో దొరుకుతుంది. ఏడు వేల సంవత్సరాల నాటి నుంచి అవకాడోని అక్కడ పండించడం జరుగుతోంది.

Also Read : ఇలా చేస్తే బ్రెస్ట్ కాన్సర్ వస్తుందట.. జాగ్రత్త..

​చర్మానికి మేలు:

అవకాడోని తీసుకోవడం వల్ల చర్మానికి చాలా మేలు కలుగుతుంది. చర్మానికి మాయిశ్చరైజర్‌గా పనిచేస్తుంది ఇది. అదే విధంగా అవకాడోలో ఎక్కువగా యాంటీ ఆక్సిడెంట్స్ ఉంటాయి. అంటే కెరోటినాయిడ్స్, విటమిన్ సి, విటమిన్ ఈ మొదలైనవి. ఇవి ఫ్రీ రాడికల్స్ నుంచి చర్మాన్ని ప్రొటెక్ట్ చేస్తాయి.

అదే విధంగా ప్రిమెచ్యూర్ ఏజింగ్ నుండి కూడా ప్రొటెక్ట్ చేస్తాయి. అవకాడోలో లినోలిక్ యాసిడ్ వుంటుంది. అదే విధంగా విటమిన్ ఏ, విటమిన్ సి, విటమిన్ డి, విటమిన్ ఇ కూడా ఉంటాయి. ఇవన్నీ కూడా చర్మాన్ని రిపేర్ చేస్తాయి. చర్మం పొడిబారిపోకుండా కాపాడుతాయి. స్కిన్‌కి మంచి మాయిశ్చరైజర్‌గా పని చేస్తాయి. ఏ చర్మానికి అయినా సరే మంచి ప్రొటెక్షన్‌ని ఇస్తాయి.

డ్రై స్కిన్, సోరియాసిస్, గాయాలు, స్కార్స్ ఇలా దేనికైనా కూడా మంచిగా అవకాడో పని చేస్తుంది. అదే విధంగా అవకాడోలో ఒమేగా 3 ఫ్యాటీ యాసిడ్స్ ఉంటాయి. ఇవి చర్మం ఎర్రగా అయిపోకుండా, ఇరిటేషన్ రాకుండా కాపాడతాయి. ఇన్‌ఫ్లమేషన్‌కి గురి కాకుండా కూడా ఇది సహాయపడుతుంది. చర్మంపై ఏమైనా గాయాలైన కూడా అవకాడో మంచిగా పని చేస్తుంది. ఇలా అవకాడో డైట్‌లో తీసుకోవడం వల్ల ఈ ప్రయోజనాలని మనం పొందొచ్చు.

​బరువుని తగ్గించే అవకాడో:

అవకాడో లో ఫ్యాట్ మరియు క్యాలరీస్ ఎక్కువగా ఉంటాయి. ఇవి బరువు తగ్గడానికి చాలా బాగా ఉపయోగపడతాయి. ఇవి ఆరోగ్యకరమైన కొవ్వు పదార్థాలు. ఆకలి తగ్గించడానికి ఇది ఉపయోగపడుతుంది. బాగా ఆకలి వేసినప్పుడు అవకాడో తీసుకోవడం వల్ల కడుపు నిండుగా అనిపిస్తుంది. అవకాడోలో అమైనో యాసిడ్స్ ఉంటాయి. ఇవి కూడా మనకు ఎంతో మేలు చేస్తాయి. అలానే అవకాడో డైట్‌లో తీసుకోవడం వల్ల జీర్ణం సరిగ్గా అయ్యేటట్టు చూసుకుంటుంది. ఇలా అవకాడో వల్ల ఈ ప్రయోజనాలు కూడా మనం పొందొచ్చు.

Also Read : ఎండాకాలంలో ఇవి తాగితే బరువు తగ్గుతారట..

ఈ పండునే పవర్ హౌస్ అని చెప్పవచ్చు. దీనిలో 25 రకాల పోషక పదార్థాలు ఉంటాయి. దీనిలో విటమిన్ ఏ, విటమిన్ బి, విటమిన్ సి, విటమిన్ ఈ మరియు మినరల్స్ ఉంటాయి. అదే విధంగా అవకాడోలో కాపర్, ఐరన్, ఫాస్ఫరస్, మెగ్నీషియం, పొటాషియం, ఫైబర్, ప్రోటీన్స్, మోనో సాచురేటెడ్ దీనిలో ఉంటాయి. ఫోలేట్ కూడా అవకాడోలో ఉంటుంది.

​జీర్ణ సమస్యలకు:

అవకాడోలో విటమిన్ బి కాంప్లెక్స్ ఉంటుంది. ఇది డైజెస్టివ్ ఎంజైమ్స్‌ని విడుదల చేస్తుంది. అవకాడోలో సాల్యుబుల్ మరియు ఇన్ సాల్యుబుల్ ఫైబర్స్ ఉంటాయి. ఇవి గ్యాస్ట్రిక్ సమస్యలు తొలగిస్తాయి. మరియు ఇది పోషక పదార్థాలను తీసుకోవడానికి సహాయం చేస్తాయి. కాన్స్టిపేషన్ సమస్య రాకుండా కూడా ఇది చూసుకుంటుంది.

ఇలా దీనిలో ఎన్నో రకాల పోషక పదార్థాలు ఉన్నాయి. కనుక చాలా పండ్లు మొదలైన వాటితో పోలిస్తే దీనిలో ఎక్కువ పోషక పదార్థాలు ఉన్నట్లు తెలుస్తోంది. ఇది శరీరానికి మరియు మైండ్‌కి కూడా చాలా ఆరోగ్యంని ఇస్తుంది. చాలా రకాల అనారోగ్య సమస్యల నుంచి ఇది కాపాడుతుంది ఇలా చెప్పుకుపోతే దీని వల్ల కలిగే చాలా బెనిఫిట్స్ చాలా ఉన్నాయి.

​హృదయ ఆరోగ్యానికి:

స్టడీస్ ప్రకారం చూసుకున్నట్లయితే హృదయ ఆరోగ్యానికి కూడా అవకాడో ఎంతో మేలు చేస్తుందని నిపుణులు అంటున్నారు. అవకాడోలో విటమిన్ ఈ ఉంటుంది. అది కొలెస్ట్రాల్‌ని ఆక్సిడేషన్ చేస్తుంది. అవకాడోలో అరటి పండుతో పోల్చుకుంటే కూడా ఎక్కువ పొటాషియం ఉంటుంది. ఇది బ్లడ్ ప్రెషర్‌ని రెగ్యులేట్ చేస్తుంది. అదే విధంగా కొలెస్ట్రాల్ ని తగ్గిస్తుంది. హార్ట్ స్ట్రోక్ వంటి సమస్యలు రాకుండా చూసుకుంటుంది. ఇలా హృదయ సంబంధిత సమస్యలు రాకుండా ఎన్నో ప్రయోజనాలు కలిగేలా చేస్తుంది.

​షుగర్ లెవల్స్‌ రెగ్యులేట్:

అవకాడోలోని మోనో అన్ శాచురేటెడ్ ఫ్యాట్స్ కొలెస్ట్రాల్ లెవెల్స్‌ని జాగ్రత్తగా చూసుకుంటుంది. అదే విధంగా టైప్ 2 డయాబెటిస్ వంటి సమస్యలు రాకుండా చూసుకుంటుంది. అవకాడో బ్లడ్ గ్లూకోస్ లెవెల్స్‌ని కంట్రోల్‌లో ఉంచడానికి సహాయం చేస్తుంది. అవకాడో లో గ్లైసీమిక్ ఇండెక్స్ తక్కువ ఉంటుంది. ఇలా అవకాడో ద్వారా ఈ లాభాలు కూడా మనం పొందొచ్చు.

​బ్రెయిన్ హెల్త్‌కు మంచిది:

హెల్త్ ఎక్స్పర్ట్స్ అవకాడో తీసుకోవడం వల్ల మెదడుకు కూడా ఎంతో మేలు కలుగుతుందని అంటున్నారు. అవకాడోలో ఒమేగా 3 ఫ్యాటీ ఆసిడ్స్ మరియు విటమిన్ సి ఉంటుంది ఇవి శాకాహారులకు కూడా చాలా ప్రయోజనాలు కలుగుతాయి. కాబట్టి శాకాహారులు తప్పకుండా తీసుకోవడం మంచిది. అవకాడో కారణంగా బ్లడ్ సప్లైలో ఇంప్రూమెంట్ ఉంటుంది. ఇలా మెదడుకి కూడా మంచి కలుగుతుంది.

​బర్త్ డిఫెక్ట్స్ ఉండవు:

అవకాడోలో ఎక్కువ ఫోలేట్ లేదా పోలిక్ యాసిడ్ ఉంటుంది. ఇది కడుపులో ఉండే బిడ్డకి బాగా సహాయం చేస్తాయి. ఒక కప్పు అవకాడో తీసుకోవడం వల్ల మంచి ఫోలిక్ యాసిడ్ అందుతుంది.

ఫోలిక్ యాసిడ్. విటమిన్ బి కడుపులో ఉండే ఫీటస్‌కి చాలా మంచి చేస్తాయి. బ్రెయిన్‌కి కూడా చాలా మంచిది.

అదే విధంగా గర్భిణీల లో బ్రెస్ట్ మిల్క్ ప్రొడక్షన్ ఉండడానికి కూడా అవకాడో సహాయం చేస్తుంది. కాబట్టి ఈ విధంగా కూడా అవకాడో తీసుకోవడం వల్ల ఎన్నో ప్రయోజనాలు పొందొచ్చు.

​ఆర్థరైటిస్ రాకుండా :

అవకాడో లోయాంటీ ఇన్ఫ్లమేటరీ గుణాలు సమృద్ధిగా ఉంటాయి. ఇది ఇన్ఫ్లమేషన్ రాకుండా చూసుకుంటుంది. అవకాడోని తీసుకోవడం వలన ఆర్థరైటిస్ పేషంట్స్‌కి మంచి ప్రయోజనాలు కలుగుతాయి. మీరు కావాలంటే అవకాడో నూనె కూడా వాడుకోవచ్చు. లేదంటే డైరెక్ట్‌గానే తినొచ్చు. ఇలా వీటి ద్వారా మీకు మంచి ప్రయోజనాలు కలుగుతాయి.

Also Read : మెడిటేషన్ చేస్తే గుండె సమస్యలు రావా..

​కాన్సర్ నుంచి రక్షణ:

నోరు, చర్మం, ప్రోస్టేట్ కాన్సర్ రాకుండా అవకాడో కాపాడుతుంది. దీనిలో యాంటీ కాన్సర్ గుణాలు ఉన్నాయి. అదే విధంగా యాంటీ ఇన్ఫ్లమేటరీ గుణాలు కూడా ఉన్నాయి. అవకాడోలో యాంటీ ఆక్సిడెంట్స్ కూడా ఎక్కువగా ఉంటాయి. ఇన్‌ఫ్లమేషన్ ని తగ్గించడానికి ఇది బాగా ఉపయోగపడుతుంది. అదే ఈ విధంగా ఒత్తిడి లెవెల్స్‌ను కూడా కంట్రోల్‌లో ఉంచుతుంది.

​కంటి ఆరోగ్యానికి:

అవకాడో తీసుకోవడం వల్ల కంటి ఆరోగ్యం కూడా బాగుంటుంది. అవకాడోలో విటమిన్ ఈ కంటికి మరింత మేలు చేస్తుంది. ఈ విధంగా అవకాడో వల్ల ఇన్ని ప్రయోజనాలు మనం పొందొచ్చు.

చూశారు కదా అవకాడో వల్ల ఎన్ని లాభాలు ఉన్నాయో.. ఈ ప్రయోజనాలు పొందాలంటే మీ డైట్లో దీనిని తప్పకుండా తీసుకోండి. కావాలంటే మీరు పచ్చి దానిని కట్ చేసి తినచ్చు లేదు అంటే అవకాడో నూనె వాడొచ్చు. ఇలా తినలేకపోతే టేస్టీ టేస్టీగా సలాడ్ లాంటివి చేసుకోండి. స్మూతీ వంటివి కూడా అవకాడోతో మీరు చేసుకోవచ్చు. ఏ విధంగా తీసుకున్నా పర్వాలేదు కానీ రెగ్యులర్ గా తీసుకుంటూ ఉండండి. తద్వారా అనేక ప్రయోజనాలు పొందొచ్చు. ముఖ్యంగా గర్భిణీలు అవకాడో తీసుకోవడం వల్ల చక్కటి ఫలితాలు కనపడతాయి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.


Source link

x

Check Also

గల్ఫ్ తెలుగు సంఘాల సమాఖ్య ఆధ్వర్యంలో ఉపాధ్యాయ దినోత్సవ వేడుకలు

Nri oi-Rajashekhar Garrepally | Updated: Tuesday, September 7, 2021, 20:06 [IST] దేశవ్యాప్తంగా ప్రతి సంవత్సరం సెప్టెంబర్ ...