Home » Telugu News » కోలీవుడ్‌లో మంచి స్పీడ్‌ మీదున్న కీర్తి.. ఆ స్టార్ హీరోతో కలిసి పని చేయనున్న ‘మహానటి’

కోలీవుడ్‌లో మంచి స్పీడ్‌ మీదున్న కీర్తి.. ఆ స్టార్ హీరోతో కలిసి పని చేయనున్న ‘మహానటి’

‘నేను శైలజ’ సినిమాతో టాలీవుడ్‌లోకి ఎంట్రీ ఇచ్చిన కీర్తి సురేష్.. ఇటు టాలీవుడ్‌లోనూ.. అటు కోలీవుడ్‌లోనూ వరుస సినిమాలతో బిజీగా ఉంది. ‘మహానటి’ సినిమాతో జాతీయస్థాయి గుర్తింపు సంపాదించుకున్న ఈ భామ. ఆ తర్వాత కూడా కొన్ని సినిమాల్లో తన నటనతో ప్రేక్షకులను మెప్పించింది. అందాల ఆరబోతకు దూరంగా ఉంటూ.. కేవలం తన అభినయంతోనే కోట్లాది మంది అభిమానుల మనస్సులో స్థానం సంపాదించుకుంది.

ఈ ఏడాది నితిన్‌తో కలిసి ‘రంగ్‌దే’ అనే సినిమాతో ప్రేక్షకులను పలకరించింది కీర్తి. అయితే ఈ సినిమా బాక్సాఫీస్ ముందు బోల్తా పడింది. ప్రస్తుతం తెలుగులో సూపర్‌స్టార్ మహేష్‌బాబుతో కలిసి ‘సర్కారు వారి పాట’ సినిమాలో నటిస్తోంది కీర్తి. రీసెంట్‌గానే ఈ సినిమా టీజర్ విడుదలైంది. ఈ టీజర్‌లో కీర్తి కనిపించిన సమయం తక్కువే అయినా.. మంచి ఇంపాక్ట్ క్రియేట్ చేసింది. ఇక తమిళంలో రజనీకాంత్‌తో కలిసి ‘అన్నాత్తే’, మణిరత్నం దర్శకత్వంలో వస్తున్న ‘పొన్నియన్ సెల్వన్’ సినిమాలు చేస్తుంది ఈ భామ.

హిందీలో కూడా కీర్తి ‘మైదాన్’ అనే సినిమా చేస్తుంది. ఇక ఈ సినిమాలతో పాటు.. తమిళంలో ఓ స్టార్ హీరోతో కలిసి మరోసారి పని చేయనుందట ఈ భామ. ఆయన మరెవరో కాదు.. ‘సింగం’ సూర్య. గతంలో వీరిద్దరు కలిసి ‘గ్యాంగ్’ అనే సినిమాలో నటించారు. అయితే ఈ సినిమాలో మాత్రం సూర్య హీరో కాదట. ఆయన నిర్మాతగా వ్యవహరిస్తున్నారట. సెన్సేషనల్ దర్శకుడు బాల రూపొందిస్తున్న ఈ ఆసక్తికర ప్రాజెక్టులో హీరోగా అథర్వా నటిస్తున్నట్లు తెలుస్తోంది. త్వరలోనే ఈ సినిమాపై అధికారిక ప్రకటన వెలువడే అవకాశం ఉంది.


Source link

x

Check Also

NBK 107: బాలకృష్ణతో కుదరదు.. ఇద్దరు స్టార్స్ అదే మాట! సినీ వర్గాల్లో ఇప్పుడిదే హాట్ టాపిక్

సాధారణంగా ఓ స్టార్ హీరో సినిమాలో ఛాన్స్ వస్తేనే గ్రేట్ అనుకునే ఈ రోజుల్లో లాంటి బడా స్టార్ సినిమాలో ...