Home » Telugu News » జగన్ ప్రభుత్వం పడిపోతుందట.. ఎలా? విజయసాయిరెడ్డి సంచలనం!

జగన్ ప్రభుత్వం పడిపోతుందట.. ఎలా? విజయసాయిరెడ్డి సంచలనం!


ఆంధ్రప్రదేశ్‌లో ప్రభుత్వం కుప్పకూలిపోతుందంటూ ఇటీవల కాలంలో పలువురు చేస్తున్న కామెంట్స్‌పై వైఎస్సార్ కాంగ్రెస్ పార్టీ ప్రధాన కార్యదర్శి, ఆ పార్టీ పార్లమెంటరీ నేత తనదైన శైలిలో రియాక్ట్ అయ్యారు. తెలుగు దేశం పార్టీ అధినేత, రాష్ట్ర ప్రతిపక్ష నాయకుడు చంద్రబాబునాయుడును, పలు మీడియా ఛానల్స్‌ను ఉద్దేశించి సెటైర్లు వేశారు.

పచ్చ పార్టీ విసిరే చిల్లర ఏరుకునే ఆత్మాహుతి దళం ‘మహా’భ్రమలు పరమ నికృష్టంగా ఉన్నాయంటూ విజయసాయిరెడ్డి షాకింగ్ కామెంట్స్ చేశారు. అనేక రాష్ట్రాల్లో సంకీర్ణాలు, బొటాబొటీ మెజారిటీ ఉన్న ప్రభుత్వాలే నిక్షేపంగా ఉంటే.. 151మంది ఎమ్మెల్యేలున్న ప్రభుత్వం ఎలా కూలుతుందో చంద్రబాబే చెప్పాలంటూ సెటైర్లు వేశారు. ఈ మేరకు ఆదివారం విజయసాయిరెడ్డి ట్వీట్ చేశారు.

‘‘పచ్చ పార్టీ విసిరే చిల్లర ఏరుకునే ఆత్మాహుతి దళం ‘మహా’భ్రమలు పరమ నికృష్టంగా ఉన్నాయి, ఏపీలో ప్రభుత్వం పడిపోతుందట. అనేక రాష్ట్రాల్లో సంకీర్ణాలు, బొటాబొటి మెజారిటీ ఉన్న ప్రభుత్వాలు నిక్షేపంగా ఉంటే 151మంది ఎమ్మెల్యేలున్న ప్రభుత్వం ‘పగటి కలలతో’ ఎలా కూలుతుందో బాబే చెప్పాలి.’’ అని విజయసాయిరెడ్డి పేర్కొన్నారు.


Source link

x

Check Also

Most Eligible Bachelor : పవన్ కళ్యాణ్‌తో పూజా హెగ్డే!.. దాని కోసం కూడా వెయిట్ చేయాలి.. గుట్టు విప్పిన హరీష్ శంకర్

అఖిల్ అక్కినేని, కాంబోలో రాబోతోన్న సినిమా ప్రీ రిలీజ్ ఈవెంట్‌ను శుక్రవారం సాయంత్రం ఏర్పాటు చేశారు. ఈ క్రమంలో ముఖ్య ...