Home » Telugu News » డబ్బిచ్చి జగన్ ఓదార్పు యాత్ర.. క్షుద్ర శవరాజకీయం, బాబాయ్‌ని చంపేసి.. లోకేష్ సంచలనం!

డబ్బిచ్చి జగన్ ఓదార్పు యాత్ర.. క్షుద్ర శవరాజకీయం, బాబాయ్‌ని చంపేసి.. లోకేష్ సంచలనం!

ముఖ్యమంత్రి వైఎస్ జగన్మోహన్ రెడ్డిపై తెలుగు దేశం పార్టీ ప్రధాన కార్యదర్శి నారా లోకేష్ తీవ్రస్థాయిలో ఫైరయ్యారు. రాష్ట్రంలో మృగాళ్ల దాడుల్లో ప్రాణాలు కోల్పోయిన ఆడబిడ్డల కుటుంబాలకు ధైర్యం చెప్పేందుకు లోకేష్ సంకల్పించారు. ఇందులో భాగంగా సోమవారం గుంటూరులో నడిరోడ్డుపై దారుణ హత్యకు గురైన రమ్య కుటుంబ సభ్యులను పరామర్శించిన నారా లోకేష్.. మంగళవారం కర్నూలులో ఏడాది క్రితం షేక్ హజీరా కుటుంబానికి అండగా నిలిచారు. ఈ క్రమంలో నారా లోకేష్ శవ రాజకీయాలు చేస్తున్నారంటూ అధికార వైఎస్సార్ కాంగ్రెస్ పార్టీ నాయకులు ఆరోపిస్తున్నారు. ఈ క్రమంలో లోకేష్ ట్విట్టర్ వేదికగా ఎదురుదాడికి దిగారు.

శవ రాజకీయానికి బ్రాండ్ అంబాసిడర్ వైఎస్ జగన్మోహన్ రెడ్డి అని లోకేష్ తీవ్రస్థాయిలో విరుచుకుపడ్డారు. తండ్రి శవాన్ని పక్కన పెట్టుకొని సీఎం పదవి కోసం సంతకాలు సేకరించిన కొడుకుగా చరిత్రలో నిలిచారని వ్యాఖ్యానించారు. అనారోగ్యంతో చనిపోయిన ఊరిలో వాళ్లందరినీ వైఎస్సార్ ఖాతాలో వేసి ఎదురు డబ్బిచ్చి ఓదార్పు యాత్ర చేయడం జగన్ శవరాజకీయాలకి పరాకాష్ట అని దుయ్యబట్టారు.

‘‘శవ రాజకీయమే పునాదిగా ఏర్పడింది వైకాపా. బాబాయ్‌ని చంపేసి.. చంద్రబాబునాయుడు గారి పైకి తోసేసి క్షుద్ర శవరాజకీయం చేసిన జగన్ రెడ్డి అరాచకపాలనకి రాష్ట్రంలో అక్కాచెల్లెమ్మలు బలైపోతుంటే.. వారి కుటుంబాలకు అండగా నిలబడటం శవ రాజకీయమా?

శవ రాజకీయానికి బ్రాండ్ అంబాసిడర్ వైఎస్ జగన్మోహన్ రెడ్డి. తండ్రి శవం పక్కన పెట్టుకొని సీఎం పదవి కోసం సంతకాలు సేకరించిన కొడుకుగా చరిత్రలో నిలిచాడు. అనారోగ్యంతో చనిపోయిన ఊర్లో వాళ్లందరినీ మహామేత ఖాతాలో వేసి ఎదురు డబ్బిచ్చి ఓదార్పు యాత్ర చేయడం జగన్ శవరాజకీయాలకి పరాకాష్ట.’’ అంటూ నారా లోకేష్ తీవ్ర స్థాయిలో దుయ్యబట్టారు.


Source link

x

Check Also

Most Eligible Bachelor : పవన్ కళ్యాణ్‌తో పూజా హెగ్డే!.. దాని కోసం కూడా వెయిట్ చేయాలి.. గుట్టు విప్పిన హరీష్ శంకర్

అఖిల్ అక్కినేని, కాంబోలో రాబోతోన్న సినిమా ప్రీ రిలీజ్ ఈవెంట్‌ను శుక్రవారం సాయంత్రం ఏర్పాటు చేశారు. ఈ క్రమంలో ముఖ్య ...