Home » Telugu News » పరీక్షలు, రిజల్ట్‌పై CBSE కీలక ప్రకటన.. పూర్తి వివరాలివే

పరీక్షలు, రిజల్ట్‌పై CBSE కీలక ప్రకటన.. పూర్తి వివరాలివే

సెంట్రల్ బోర్డ్ ఆఫ్ సెకండరీ ఎడ్యుకేన్‌ (CBSE) బోర్డు పరీక్షలు, ఫలితాలపై బుధవారం కీలక ప్రకటన చేసింది. సీబీఎస్‌ఈ 10, 12 తరగతి ప్రైవేటు విద్యార్థుల బోర్డు పరీక్షలు ఆగస్ట్‌ 16 నుంచి సెప్టెంబర్‌ 15వ తేదీ వరకు పరీక్షలు నిర్వహించనున్నట్లు ప్రకటించింది. ఉన్నత విద్యలో ప్రవేశాలకు విద్యార్థులకు ఎలాంటి ఇబ్బందులు లేకుండా ఫలితాలను సాధ్యమైనంత తక్కువ సమయంలో ప్రకటించనున్నట్లు స్పష్టం చేసింది.

దేశవ్యాప్తంగా కరోనా మహమ్మారి నేపథ్యంలో 10, 12వ తరగతి బోర్డు పరీక్షలు రద్దు చేసిన విషయం తెలిసిందే. ఈ క్రమంలో గత పరీక్షల ఫలితాల ఆధారంగా ఫలితాలను సిద్ధం చేయాలని నిర్ణయించింది. అయితే, ప్రైవేటు విద్యార్థులకు మాత్రం ఆగస్ట్‌, సెప్టెంబర్‌ మాసాల మధ్య పరీక్షలు నిర్వహించనున్నట్లు తెలిపింది.

టెన్త్‌ క్లాస్‌తో 25,000కు పైగా జాబ్స్‌.. రూ.69,100 వరకు జీతం.. SSC GD Constable 2021 నోటిఫికేషన్‌
గతంలో పలువురు విద్యార్థులు సీబీఎస్‌ఈ బోర్డు పరీక్షల్లో మొదటి, రెండో ప్రయత్నంలో అర్హత సాధించలేకపోయారు. పలువురు మరింత మెరుగైన మార్కుల కోసం మరోసారి పరీక్షలు రాసేందుకు సిద్ధమయ్యారు. ప్రైవేటు విద్యార్థులకు.. రెగ్యులర్‌ విద్యార్థులకు అమలు చేసినట్లుగా అసెస్‌మెంట్ల ఆధారంగా ఫలితాలను నిర్ణయించే అవకాశం లేదని స్పష్టం చేసింది.

ఈ విద్యార్థులకు సంబంధించిన ఎలాంటి అసెస్‌మెంట్‌ రికార్డులు లేకపోవడమే ఇందుకు కారణమని సీబీఎస్‌ఈ పేర్కొంది. పాఠశాలలు సాధారణంగా విద్యార్థులకు యూనిట్‌, మిడ్‌ టర్మ్‌, ప్రీ బోర్డు పరీక్షలు నిర్వహించే విషయం తెలిసిందే. ప్రైవేటు విద్యార్థులకు ఎలాంటి పరీక్షలు నిర్వహించే అవకాశం లేకపోవడంతో.. మార్కుల టాబులేషన్‌ విధానాన్ని అమలు చేయలేమని చెప్పింది. ఈ విషయంపై సుప్రీం కోర్టులో సైతం చర్చించామని.. వారికి పరీక్షలు నిర్వహించాలని నిర్ణయించినట్లు చెప్పింది.

డిగ్రీ పాసైన వారికి ఆర్మీ ఆఫీసర్‌ జాబ్స్‌.. రూ.1,77,500 వరకు జీతం.. ఇలా అప్లయ్‌ చేసుకోండి
12వ తరగతి ఫలితాలు వాయిదా:
సీబీఎస్‌ఈ జూలై 21 న విడుదల చేయాల్సిన 10, 12 తరగతుల ఫలితాలను వాయిదా వేసింది. ఈద్ పండుగ సందర్భంగా ఈరోజు పరీక్షాఫలితాలు వెల్లడి చేయడం లేదని బోర్డు తెలిపింది. అయితే.. ఈద్ సందర్భంగా గెజిట్ లో సెలవు రోజు అనీ, కానీ ఈరోజు సిబిఎస్‌ఈ అధికారులకు మాత్రం సెలవు లేదనీ చెప్పారు.

12 వ తరగతి ఫలితాలను సిద్ధం చేసి విడుదల చేయాల్సి ఉన్నందున ఈ నిర్ణయం తీసుకున్నట్టు పరీక్షా కంట్రోలర్ సన్యం భరద్వాజ్ తెలిపారు. అదేవిధంగా.. సీబీఎస్‌ఈ 12 వ తరగతి ఫలితాన్ని ఖరారు చేసే చివరి తేదీని జూలై 25 సాయంత్రం 5 కు పొడిగించింది. గడువు సమయంలోపు ఫలితాల వెల్లడి కోసం స్కూళ్లకు సహాయం చేయడానికి, సీబీఎస్ఈ ప్రాంతీయ కార్యాలయాలు వారి ప్రధాన కార్యాలయంలోని పరీక్షా విభాగం ఉదయం 10 నుండి సాయంత్రం 5 గంటల వరకు పనిచేస్తుందని సీబీఎస్‌ఈ తెలిపింది.

బోర్డర్ సెక్యూరిటీ ఫోర్స్‌లో 285 జాబ్స్‌.. ఏఎస్‌ఐ, కానిస్టేబుల్‌ తదితర పోస్టుల భర్తీ.. పూర్తి వివరాలివే


Source link

x

Check Also

సస్పెన్స్ కంటిన్యూ -జెడ్పీటీసీ ఫలితాల వెల్లడిపై వాదనలు పూర్తి : హైకోర్టు తీర్పు రిజర్వ్..!!

ఎన్నికల నిర్వహణలో జరిగింది ఇదీ.. మున్సిపల్ ఎలక్షన్ కు నాలుగు వారాల ఎన్నికల నియమావళిని కోడ్ అమలు చేయలేదని..మున్సిపల్ ఎన్నికలకు ...