Home » Telugu News » మహిళలకి ఈ సమస్యలుంటే పిల్లలు పుట్టరట..

మహిళలకి ఈ సమస్యలుంటే పిల్లలు పుట్టరట..

ప్రధానాంశాలు:

  • ఐదు హార్మ‌న్ల‌పై ఆధార‌ప‌డే స్త్రీల పున‌రుత్ప‌త్తి వ్యవ‌స్థ
  • పీఎంఎస్, పిసిఓఎస్ రాకుండా జాగ్రత్తలు తీసుకోవాలంటున్న నిపుణులు

ఈ మహమ్మారి కాలంలో చాలా మంది వర్క్ ఫ్రమ్ హోమ్ చేస్తుండటం వల్ల పగలు, రాత్రి అనే తేడా లేకుండా కంప్యూటర్ల ముందు కూర్చుని ఒత్తిడితో పనిచేస్తున్నారు. ఇది వారి లైంగిక జీవితంపై ప్రభావితం చేస్తోందని పలు అధ్యయనాలు స్పష్టం చేస్తున్నాయి. ఎందుకంటే దీర్ఘకాలంలో ఒత్తిడి అనేక సమస్యలను తెచ్చిపెడుతుంది. ఇందులో లైంగిక జీవితం కూడా ఉంటుంది. పురుషుల్లో వీర్యకణాల ఉత్పత్తి, మహిళల్లో అండాశయాల ఉత్పత్తిపై ఇది ప్రభావితం చేస్తుంది.
వర్షాకాలంలో పల్లీలు తినాలట.. ఎందుకంటే..
ముఖ్యంగా మహిళలు పీసీఓఎస్, పీఎంఎస్ సమస్యలతో బాధపడుతుంటారు. పీసీఓఎస్ అనేది పిల్ల‌లు పుట్టే వ‌య‌సులో ఉన్న ఆడ‌వారిలో ఎదుర‌య్యే స‌మ‌స్య‌. మ‌న దేశంలో ఈ స‌మ‌స్య‌కి గురైన వారు ప్ర‌తి న‌లుగురిలో ఒక‌రు ఉన్నారంటేనే ఈ స‌మ‌స్య తీవ్ర‌త ఎంతో అర్థం చేసుకోవ‌చ్చు. మహిళల శరీరం సాధారణం కంటే ఎక్కువ పురుష హార్మోన్లను ఉత్పత్తి చేసినప్పుడు పీసీఓఎస్ వస్తుంది, దీనివల్ల అండాశయాల్లో తిత్తిలాంటి సాక్స్ అభివృద్ధి చెందుతాయి.

సాధార‌ణంగా స్త్రీల పున‌రుత్ప‌త్తి వ్యవ‌స్థ ఐదు హార్మ‌న్ల‌పై ఆధార‌ప‌డి ఉంటుంది. ఈ ఐదు హార్మోన్లు సరైన స్థాయిలో విడుద‌లైతేనే సరైన ఆరోగ్యం మ‌న సొంత‌మ‌వుతుంది. వీటిలోని అస‌మ‌తౌల్య‌త వ‌ల్ల మ‌న అండాశ‌యాల్లో స‌మ‌స్య ఏర్ప‌డుతుంది. అండాశ‌యాల్లో అండాలు విడుద‌లయ్యే ఫాలిక‌ల్స్ చుట్టూ నీటి బుడ‌గ‌లు ఏర్ప‌డ‌డం వ‌ల్ల అండాలు విడుద‌ల కావు. దీంతో సంతాన‌లేమి స‌మ‌స్య ఏర్ప‌డుతుంది. పీసీఓఎస్ ఉన్న మహిళలకు వంధ్యత్వం, డయాబెటిస్, అధికంగా జుట్టు పెరుగుదల, మొటిమలు, గుండె జబ్బులు వచ్చే ప్రమాదం ఉంది.

iStock-1268053213

పీసీఓఎస్ రావడానికి గల కారణాలు:

పీసీఓఎస్ ఫ‌లానా కార‌ణంతోనే వ‌స్తుంద‌న్న రూలేమీ లేదు. కానీ కొన్ని కార‌ణాలు మాత్రం ఈ స‌మ‌స్య ఎదుర‌య్యేలా చేస్తాయి.. అవేంటంటే.. అండాశ‌యాలు విడుద‌ల చేసే ఆండ్రోజ‌న్ హార్మోన్ ఎక్కువ‌గా విడుద‌ల కావ‌డం వ‌ల్ల ఈ స‌మ‌స్య వ‌చ్చే అవ‌కాశం ఉంటుంది. ఇన్సులిన్ ఎక్కువ‌గా విడుద‌ల కావ‌డం, మ‌న ర‌క్తంలోని చ‌క్కెర స్థాయుల‌ను నియంత్రించే హార్మోన్ ఇన్సులిన్‌. మ‌న శ‌రీర క‌ణాలు ఇన్సులిన్‌కి రెసిస్టెంట్‌గా మారి ర‌క్తంలో చ‌క్కెర స్థాయులు పెరుగుతుంటాయి. దీన్ని త‌ట్టుకోవ‌డానికి శ‌రీరం ఇన్సులిన్ మోతాదును పెంచుతుంది. త‌ద్వారా ర‌క్తంలో చ‌క్కెర స్థాయి మ‌రింత పెరుగుతుంది. ఇన్సులిన్ మోతాదు ఎక్కువ‌వ‌డం వ‌ల్ల సాధార‌ణంగా చాలా త‌క్కువ‌గా విడుద‌ల‌య్యే ఆండ్రోజ‌న్లు స్త్రీల‌లో ఎక్కువ‌గా ఉత్ప‌త్తవుతాయి. జ‌న్యుప‌రంగా మీ కుటుంబంలో పీసీఓఎస్ లేదా డ‌యాబెటిస్ ఉన్న‌వారు ఉంటే మీకూ పీసీఓఎస్ స‌మ‌స్య వ‌చ్చే అవ‌కాశం ఉంటుంది.

పీసీఓఎస్ ల‌క్ష‌ణాలేంటి?

సాధార‌ణంగా పీసీఓఎస్ ల‌క్ష‌ణాలు మొద‌టిసారి రుతుక్ర‌మం ప్రారంభ‌మైన‌ప్ప‌టి నుంచి మెనోపాజ్ వ‌ర‌కూ ఎప్పుడైనా క‌నిపించ‌వ‌చ్చు. ఈ ల‌క్ష‌ణాల‌న్నీ క‌నిపించ‌క‌పోయినా.. కొంత‌మందిలో కొన్ని ల‌క్ష‌ణాలు మాత్ర‌మే క‌నిపిస్తాయి. అవేంటంటే..

★ శరీరంపై నల్లటి మచ్చలు ఏర్పడటం
★ బ‌రువు పెర‌గ‌డం, త‌గ్గేందుకు చాలా స‌మ‌యం ప‌ట్ట‌డం
★ మొటిమ‌లు, పులిపిర్లు ఎక్కువ‌గా రావ‌డం
★ హిర్సుటిజం ( శ‌రీరం, ముఖంపై ఎక్కువ‌గా జుట్టు రావ‌డం)
★ రుతుక్ర‌మం క్ర‌మం త‌ప్ప‌డం
★ జుట్టు రాలిపోవ‌డం
★ పాలీసిస్టిక్ ఓవ‌రీస్ (అండాశ‌యాల్లో నీటి బుడ‌గ‌లు)
★ ఎక్కువ‌గా అల‌సిపోవ‌డం
★ మూడ్‌స్వింగ్స్‌
వ్యాక్సిన్ వల్ల ఈ సమస్య తగ్గుతుందట..
పీసీఓఎస్ వల్ల వచ్చే సమస్యలు:

పీసీఓఎస్ స‌మ‌స్య ఉంద‌ని తెలియ‌గానే చికిత్స తీసుకోవాలి. లేదంటే దీని వల్ల భ‌విష్య‌త్తులో పెద్ద స‌మ‌స్య‌లు ఎదుర‌య్యే అవ‌కాశం ఉంటుంది.

అవేంటంటే..

★ ర‌క్త‌స్రావం చాలా ఎక్కువ‌గా లేదా త‌క్కువ‌గా అవ్వ‌డం
★ డిప్రెష‌న్‌, ఈటింగ్ డిజార్డ‌ర్ వంటి మాన‌సిక సమ‌స్య‌లు
★ ఎండోమెట్రియ‌ల్ క్యాన్స‌ర్‌
★ డ‌యాబెటిస్‌, ర‌క్త‌పోటు
★ ఇన్‌ఫ‌ర్టిలిటీ
★ మెట‌బాలిక్ సిండ్రోమ్
★ నిద్ర‌లేమి
★ గ‌ర్భ‌స్రావం లేదా నెల‌లు నిండ‌కుండానే పిల్ల‌లు పుట్ట‌డం

పీఎంఎస్ (PMS) అంటే ఏంటి?

పీఎంఎస్ అంటే ప్రీమెన్‌స్ట్రువల్ సిండ్రోమ్. ఇది మహిళల్లో రుతుక్రమం రాబోయే రెండు వారాల ముందు ఏర్పడే ఒక బాధాకరమైన స్థితి. పీరియడ్స్ రాబోయే ముందు సంభవించే మానసిక, శారీరక లక్షణాల సముదాయం

iStock-1198221619

పీఎంఎస్‌లో ఎటువంటి లక్షణాలుంటాయి? ఇది ఎందుకు వస్తుంది?

శరీరపు బడలిక, చిరాకు, విసుగు కలగడం, త్వరగా కోపం రావడం, ఆహారం తీసుకోవడంలో నియంత్రణ కోల్పోవడం వంటి రకరకాల లక్షణాలు ఉంటాయి. కడుపు ఉబ్బరించడం, వక్షస్థలం బరువుగా, నొప్పిగా వుండడంతో బాటు డిప్రెషన్, కంగారు, ఆత్మ విశ్వాసం కోల్పోవడం మరియు మూడ్ స్వింగ్స్‌తో బాధ పడుతుంటారు. ఈ లక్షణాలు రుతుక్రమంలో సహజంగా చోటు చేసుకునే హార్మోన్ల హెచ్చుతగ్గుల వల్ల కలుగుతాయి. నెలనెలా పీరియడ్స్ వచ్చే స్త్రీలలో సుమారుగా నెల మధ్యలో అండం విడుదల అవుతుంది. అప్పటి నుండి, పీరియడ్స్ వచ్చేవరకూ, ప్రోజెస్టిరోన్ అనే హార్మోన్ స్థాయి పెరుగుతుంది. మెదడుపై ఆ హార్మోన్ ప్రభావం వల్ల స్త్రీల ప్రవర్తనలో వ్యత్యాసం కనిపిస్తుంది.

పీఎంఎస్ నివారణకు పద్ధతి ప్రకారం చికిత్స చేయాల్సి ఉంటుంది. ప్రారంభంలో ఔషధాలతో అవసరంలేని పద్ధతులు సూచించాలి. వ్యాయామం, ఆహారంలో మార్పులు, జీవన విధానంలో మార్పులు చేయడం ద్వారా ఉపశమనం కలుగుతుంది. ఆహారంలో రిఫైండ్ కార్బోహైడ్రేట్లను తగ్గించాలి.
ఉదాహరణ: బియ్యం, వైట్ బ్రెడ్, స్వీట్లు, బంగాళా దుంపలు. హెర్బల్ వైద్యం కూడా ఉపయోగపడుతుంది. వీటితో పాటు, విటమిన్ బి6, మెగ్నీషియం, మల్టీవైటమిన్ టాబ్లెట్లు వాడడం వల్ల పీఎంఎస్ లక్షణాలను తగ్గిస్తాయి. మనోవికాసానికి సంబంధించిన చికిత్స, ప్రవర్తనా సరళిలో సూచనలు ఫలితాన్నిస్తాయి. అప్పటికీ బాధ తగ్గని పక్షంలో డిప్రెషన్ తగ్గించే మందులు వాడడం వల్ల పరిస్థితి మెరుగవుతుంది. ఆ పైన, క్లిష్టమైన లక్షణాలకు హార్మోన్ల చికిత్స అవసరం. అండోత్పత్తిని నిరోధించడమే హార్మోనల చికిత్స ముఖ్య ఉద్దేశం.
ఈ లక్షణాలు ఉంటే వెన్నుపూస డిస్క్ జారినట్లేనట..
పీసీఓఎస్, పీఎంఎస్ రాకుండా ఏం చేయాలి?

1. జీవన విధానం: ఈ లక్షణాలు దరిచేరకూడదంటే మహిళలకు ఆరోగ్యకరమైన జీవనశైలి అవసరం. మద్యం, ధూమపానం వంటి అలవాట్లు ఉంటే తక్షణమే మానుకోవాలి

2. ఆరోగ్యకరమైన ఆహారం: పీసీఓఎస్‌తో బాధపడుతున్న వారికి మధుమేహం వచ్చే ప్రమాదం ఎక్కువగా ఉంటుంది. వారికి పండ్లు, కూరగాయలు, ప్రోటీన్లు, మంచి కొవ్వులు, అమైనో ఆమ్లాలతో పాటు 2-3 లీటర్ల నీటితో కూడిన పోషకాహారం ముఖ్యం. జంక్ ఫుడ్, ప్రాసెస్ చేయబడ్డ ఫుడ్ తీసుకోవడం వల్ల ఇవి వారికి దీర్ఘకాలంలో హానికరం చేస్తాయి.

3. వ్యాయామం: క్రమం తప్పకుండా వ్యాయామం చేయడం వల్ల రోగనిరోధక శక్తిని పెంపొందించబడుతుంది. అంతేకాకుండా చురుకుగా ఉండటానికి, శరీరంలో హార్మోన్ స్థాయిలను పెంచడానికి వ్యాయామం సహాయపడుతుంది, ముఖ్యంగా డయాబెటిస్, గుండె సంబంధిత వ్యాధుల విషయంలో వ్యాయామం బాగా పనిచేస్తుంది. రోజూ వ్యాయామం చేయడం వల్ల డోపమైన్ వంటి మంచి హార్మోన్లు విడుదల అవుతాయి. ఇవి డిప్రెషన్, ఆత్రుత, ఒత్తిడి, నిద్ర రుగ్మతలు వంటి పీఎంఎస్ లక్షణాలతో పోరాడటానికి సహాయపడతాయి.

4. తగిన విశ్రాంతి: మీ శరీరం విశ్రాంతి తీసుకోవడానికి, తగిన శక్తి తిరిగి పొందడానికి సమయం లభించాలి. ముఖ్యంగా పీరియడ్స్ సమయంలో తగిన విశ్రాంతి తీసుకోవడం అవసరం. ఒకవేళ మీరు తిమ్మిరి, పొత్తికడుపు నొప్పులు, మైగ్రేన్‌లను ఎదుర్కొంటున్నట్లయితే మీ శరీరానికి తగిన విశ్రాంతి అవసరమని వైద్యులు సూచిస్తున్నారు.

5. మెడికేషన్: పీసీఓఎస్, పీఎంఎస్ లక్షణాలు తీవ్రంగా ఉన్న సందర్భాల్లో మీ వ్యక్తిగత వైద్యుడిని సంప్రదించండి. వారిని సంప్రదించడం ద్వారా ఈ లక్షణాలను తగ్గించడం కోసం వారు ఔషధాలు లేదా చికిత్స చర్యలను సిఫారసు చేసే అవకాశం ఉంటుంది.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.


Source link

x

Check Also

Most Eligible Bachelor : పవన్ కళ్యాణ్‌తో పూజా హెగ్డే!.. దాని కోసం కూడా వెయిట్ చేయాలి.. గుట్టు విప్పిన హరీష్ శంకర్

అఖిల్ అక్కినేని, కాంబోలో రాబోతోన్న సినిమా ప్రీ రిలీజ్ ఈవెంట్‌ను శుక్రవారం సాయంత్రం ఏర్పాటు చేశారు. ఈ క్రమంలో ముఖ్య ...