Home » Telugu News » మోదీ మరింత బలపడటానికి కాంగ్రెస్సే కారణం.. మమత సంచలన వ్యాఖ్యలు

మోదీ మరింత బలపడటానికి కాంగ్రెస్సే కారణం.. మమత సంచలన వ్యాఖ్యలు

ప్రధానాంశాలు:

  • రాజకీయాలపై కాంగ్రెస్‌కు శ్రద్ధలేదని విమర్శ.
  • వచ్చే ఏడాది గోవాలోని అన్నిచోట్లా టీఎంసీ పోటీ.
  • మమతా బెనర్జీ పార్టీకి ప్రశాంత్ కిశోర్ సహకారం.

పశ్చిమ బెంగాల్ ముఖ్యమంత్రి మమతా బెనర్జీ కాంగ్రెస్‌ పార్టీపై విమర్శలు గుప్పించారు. కాంగ్రెస్‌కు రాజకీయాల మీద శ్రద్ధ లేకపోవడం వల్లే ప్రధాని నరేంద్ర మోదీ మాత్రమే మరింత శక్తిమంతుడు కాబోతున్నారని ఆమె వ్యాఖ్యానించారు. గోవాలో శనివారం జరిగిన తృణమూల్ కాంగ్రెస్ కార్యక్రమంలో ఆ పార్టీ అధినేత్రి మాట్లాడుతూ.. కాంగ్రెస్‌కు రాజకీయాల మీద శ్రద్ధ లేకపోవడం వల్ల మాత్రమే నరేంద్ర మోదీ మరింత బలపడుతున్నారని పేర్కొన్నారు. ఆ పార్టీ నిర్ణయాలు తీసుకోలేకపోతోందని, ఫలితంగా దేశం ఇబ్బందులు పడుతోందని దీదీ ఆగ్రహం వ్యక్తం చేశారు.

రాజకీయాల మీద కాంగ్రెస్‌ శ్రద్ధ చూపించడం లేదని, అందువల్ల తాను ఇప్పుడే అన్ని విషయాలు చెప్పలేనని అన్నారు. ఆ పార్టీ వల్లే మోదీ మరింత బలపడబోతున్నారని మమతా ఉద్ఘాటించారు. ఒకరు నిర్ణయం తీసుకోలేకపోతే, దానివల్ల దేశం ఎందుకు బాధపడాలని దీదీ ప్రశ్నించారు. కాంగ్రెస్‌కు గతంలో ఓ అవకాశం వచ్చిందని, అప్పుడు బీజేపీకి వ్యతిరేకంగా పోరాడటానికి బదులు బెంగాల్‌లో టీఎంసీపై పోటీ చేసిందని చెప్పారు.

వచ్చే ఏడాది జరిగే గోవా అసెంబ్లీ ఎన్నికల్లో 40 నియోజకవర్గాల్లోనూ పోటీ చేయబోతున్నట్లు తృణమూల్ కాంగ్రెస్ ప్రకటించింది. ఈ నేపథ్యంలో ప్రాంతీయ పార్టీలు బలంగా ఉండాలని తాను కోరుకుంటున్నట్లు మమత తెలిపారు. భారత దేశ సమాఖ్య వ్యవస్థ పటిష్టంగా ఉండాలని, రాష్ట్రాలను బలోపేతం చేయాలని వివరించారు. రాష్ట్రాలు బలంగా ఉంటేనే, కేంద్రం బలంగా ఉంటుందని అన్నారు.

ప్రతిపక్షాలను ఏకతాటిపైకి తీసుకురావాల్సిన అవసరాన్ని గుర్తించడంలో కాంగ్రెస్ విఫలమైందని ఆరోపించిన మమతా బెనర్జీ.. బీజేపీని ఎదుర్కోవడానికి, భారతదేశ సమాఖ్య నిర్మాణాన్ని బలోపేతం చేయడానికి ప్రాంతీయ పార్టీల ప్రాముఖ్యతను నొక్కి చెప్పారు. ‘నేను కాంగ్రెస్ గురించి చర్చించబోవడం లేదు ఎందుకంటే అది నా పార్టీ కాదు.. నాకు ఎలాంటి మద్దతు లేని ప్రాంతీయ పార్టీ ఉంది.. ప్రజల మద్దతుతో ప్రభుత్వం ఏర్పాటు చేయడం మా అదృష్టం.. వేరే పార్టీ గురించి మాట్లాడను. వారు నిర్ణయించుకోనివ్వండి’ అని కాంగ్రెస్‌కు చురకలంటించారు.

కాగా, పశ్చిమ బెంగాల్‌లో టీఎంసీ విజయంలో కీలక పాత్ర పోషించి ప్రశాంత్ కిశోర్ ప్రస్తుతం గోవా ఎన్నికల్లోనూ ఆ పార్టీకి పనిచేస్తున్నారు. రెండు రోజుల కిందట ఆయన గోవాలో మీడియాతో మాట్లాడుతూ.. ‘అనేక దశాబ్దాలుగా’ బీజేపీ ఎక్కడికీ వెళ్లడం లేదని, రాహుల్‌గాంధీకి ఉన్న సమస్య ఏమిటంటే అది గ్రహించకపోవడమేనని వ్యాఖ్యానించారు. స్వాతంత్ర్యం వచ్చిన మొదటి 40 సంవత్సరాలు కాంగ్రెస్‌ ఉన్నట్లుగానే, గెలిచినా లేదా ఓడిపోయినా రాబోయే సంవత్సరాల్లో భారత రాజకీయాలలో బీజేపీ కేంద్ర బిందువుగా ఉంటుందని అన్నారు.


Source link

x

Check Also

పెట్రోల్ ధరలు పెరిగాయా? అయితే అఫ్గన్ వెళ్లండి.. మీడియాపై బీజేపీ ఎంపీ చిందులు!

పెట్రోల్, డీజిల్ ధరల పెరుగుదలపై మీడియా ప్రతినిధులు ప్రశ్నించినందుకు చిందులు వేసిన ఎంపీ.. వివాదాస్పద వ్యాఖ్యలు చేశారు. పెరిగిపోయాయని భావిస్తే ...