Home » Telugu News » రైల్లో బ్యాగ్ పోయింది, యువకుడి అతి తెలివి.. కానీ చివర్లో దిమ్మ తిరిగే ట్విస్ట్

రైల్లో బ్యాగ్ పోయింది, యువకుడి అతి తెలివి.. కానీ చివర్లో దిమ్మ తిరిగే ట్విస్ట్

ప్రధానాంశాలు:

  • శ్రీకాకుళంలో రైలెక్కిన యువకుడు
  • ఇంతలో బ్యాగ్ మాయమైంది
  • మరో యువకుడి బ్యాగ్ చోరీ

ఓ యువకుడు రైల్లో తన బ్యాగు పోయిందని ప్రయాణికుడి బ్యాగును చోరీ చేశాడు. వాష్‌రూమ్‌కు వెళ్ళొచ్చేసరికి తన బ్యాగు, దుస్తులు లేకపోవడంతో బాధితుడు టవల్‌తోనే వెళ్లి ఫిర్యాదు చేశాడు.. నిందితుడిని రైల్వే పోలీసులు అరెస్ట్ చేశారు. శ్రీకాకుళానికి చెందిన మూల సునీల్‌కుమార్‌ సోమవారం హైదరాబాద్‌కు రైల్లో వస్తుండగా అతని బ్యాగు పోయింది. తాను బ్యాగ్ పోవడంతో యువకుడికి చిర్రెత్తుకొచ్చింది. అప్పుడే ఓ వింత ఆలోచన వచ్చింది.

సునీల్ మరొకరి బ్యాగును చోరీ చేయాలని నిర్ణయించుకున్నాడు. మంగళవారం ఉదయం స్టేషన్‌కు వచ్చాడు. ఆ సమయంలో విజయనగరంలో రిపోర్టర్‌గా పనిచేస్తున్న మరో యువకుడు సికింద్రాబాదులో రైలు దిగాడు. మీటింగ్‌ కోసం నేరుగా ఆఫీసుకి వెళ్లాల్సి ఉండటంతో వెయిటింగ్‌ హాల్‌లో తన బ్యాగును ఉంచి వాష్‌రూమ్‌కు వెళ్లాడు. అతడు తిరిగొచ్చే లోపు డ్రెస్‌లు, మొబైల్, రూ.7వేలు డబ్బు ఉన్న బ్యాగు మాయమైంది. ఒంటిపై టవల్‌తో మాత్రమే ఉన్న అతడు అలాగే రైల్వే పోలీసులకు తన బ్యాగ్ కనిపించడం లేదని ఫిర్యాదు చేశాడు.

పోలీసులు అతడికి వారి దగ్గరున్న దుస్తులు ఇచ్చారు. పోలీసుల మొబైల్‌ నుంచి బాధితుడు తన స్నేహితులకు ఫోన్‌ చేశాడు. వారు వచ్చాక దుస్తులు కొనుక్కొని ఆఫీసుకు వెళ్లాడు. బాధితుడి ఫిర్యాదుతో కేసు నమోదు చేనిన పోలీసులు సీసీ ఫుటేజ్ ఆధారంగా దర్యాప్తు చేపట్టారు. బుధవారం ఉదయం తిరిగి రైల్వేస్టేషన్‌కు వచ్చాడు.. ప్లాట్ ఫాంపై ఉన్న నిందితుడిని అదుపులోకి తీసుకుని ప్రశ్నించడంతో బ్యాగ్ చోరీ చేసినట్లు అంగీకరించాడు. నిందితుడి దగ్గర బ్యాగ్, మొబైల్ రూ.7వేల డబ్బు స్వాధీనం చేసుకున్నారు.


Source link

x

Check Also

గల్ఫ్ తెలుగు సంఘాల సమాఖ్య ఆధ్వర్యంలో ఉపాధ్యాయ దినోత్సవ వేడుకలు

Nri oi-Rajashekhar Garrepally | Updated: Tuesday, September 7, 2021, 20:06 [IST] దేశవ్యాప్తంగా ప్రతి సంవత్సరం సెప్టెంబర్ ...