Home » Telugu News » వర్షాకాలంలో పల్లీలు తినాలట.. ఎందుకంటే..

వర్షాకాలంలో పల్లీలు తినాలట.. ఎందుకంటే..

ప్రధానాంశాలు:

  • వర్షాలు పడేటప్పుడు జాగ్రత్తలు అవసరం
  • కొన్ని ఫుడ్ ఐటెమ్స్ తీసుకుంటే మంచిదంటున్న నిపుణులు

ప్రతి ఒక్కరూ వానాకాలం గురించి బెంగ పడుతుంటారు. కారణం ఈ కాలంలో ఆరోగ్యం గురించిన చింత అందరికీ ఉండే ఉంటుంది. వర్షంలో తడిసిన ప్రతి సారి జలుబు చేయడం, జ్వరం రావడం సర్వ సాధారణంగా జరుగుతూ ఉంటుంది. ఇక అటువంటిది ప్రస్తుత రోజుల్లో మహమ్మారితో జనాలు జలుబు చేసి జ్వరం వచ్చిన వారిని చూస్తేనే ఆమడ దూరం పరుగెడుతున్నారు.

ప్రముఖ న్యూట్రీషియనిస్ట్ ఒకరు సోషల్ మీడియా ప్లాట్ఫాం ఇన్స్టాలో వర్షాకాలంలో ఎటువంటి ఆహారం తీసుకోవాలనే విషయాలను గురించి వివరిస్తూ మన్ సూన్ ఫుడ్ గైడ్ పేరిట ఒక జాబితాను విడుదల చేశారు. ఆ జాబితాలోని ఆహార పదార్థాలను ఈ మన్ సూన్ సీజన్లో తీసుకోవడం వల్ల ఆరోగ్యానికి చాలా మంచిదని ఆయన వివరించారు. ప్రతి ఒక్కరూ ఈ సీజన్ లో ఆరోగ్యంగా ఉండాలంటే తప్పనిసరిగా ఈ మన్ సూన్ ఫుడ్ గైడ్ను పాటించాలని సూచించాడు.
వ్యాక్సిన్ వల్ల ఈ సమస్య తగ్గుతుందట..
నెలల పాటు ఎండ వేడిమిని భరించిన తర్వాత ఒక్క సారిగా ప్రకృతి చల్లబడి రెయినీ సీజన్ ఆరంభమవుతుంది. ఈ సీజన్లో మన పరిసరాలు మొత్తం ఒక్క సారిగా మారిపోతాయి. ఇన్నాళ్లు ఉక్కపోతగా ఉన్న వాతావరణం సడెన్గా చేంజ్ అవుతుంది. వర్షాకాలం వచ్చింది.. వేడి తగ్గిందని సంతోషపడేలోపే మనలో చాలా రకాల జబ్బులు వస్తాయి. మలేరియా, డెంగీ, టైఫాయిడ్, జలుబుతో కూడిన దగ్గు, జ్వరం, డయేరియా ఇలా చెప్పుకుంటూ పోతే అనేక రకాల వ్యాధులు మనల్ని ఉక్కిరిబిక్కిరి చేస్తాయి. కావున మనం ఇటువంటి రోజుల్లో తీసుకునే ఆహారాన్ని ఒకటికి రెండు సార్లు చెక్ చేసుకోవడం చాలా ఉత్తమం. మన ఆహారపు అలవాట్లను మార్చుకోవడం ద్వారా అనేక రకాల వ్యాధుల బారి నుంచి మనం ఈజీగా బయటపడొచ్చు. కావున రెయినీ సీజన్లో ఆహారపు అలవాట్లపై శ్రద్ధ పెట్టడం ఉత్తమం.

ప్రముఖ న్యూట్రీషియనిస్ట్ సోషల్ మీడియాలో షేర్ చేసిన ఫుడ్ గైడ్‌ను పాటించడం వలన మనం ఈ రెయినీ సీజన్లో ఆరోగ్యాన్ని పాడవకుండా కాపాడుకోవచ్చు. జబ్బుల బారిన పడకుండా కాపాడుకోవచ్చు. మనం ఈ రెయినీ సీజన్లో ఆహారం తీసుకునే ముందు ఒక్కసారి న్యూట్రీషియనిస్ట్ విడుదల చేసిన ఫుడ్ గైడ్ను ఫాలో అవడం వలన మనం ఇబ్బందుల పాలవుకుండా ఉండగలుగుతాం.

ఈ మన్ సూన్ సీజన్ నాలుగు నెలల పాటు పప్పుధాన్యాలు, కూరగాయలతో కూడిన ఆహారాన్ని తీసుకుంటూ ఉండడం వలన ఆరోగ్యాన్ని కాపాడుకోవచ్చునని ఆమె తెలిపింది. ఈ మన్ సూన్ సీజన్ లో ఎటువంటి ఆహార పదార్థాలు తీసుకోవాలని న్యూట్రీషియన్ చెప్పిందో ఇప్పుడు చూద్దాం.

ఈ కాలంలో వారానికి రెండు, మూడు సార్లు తీసుకోవాల్సిన ఆహార పదార్థాలు

*వేరుశనగ కాయలు (ఉడకబెట్టినవి)
*పప్పు ధాన్యాలు (నానినవి, మొలకెత్తినవి, పప్పు లేదా సబ్జీ గా వండినవి)
*మొక్కజొన్న
*దోసకాయ, గుమ్మడికాయ, మరియు తీగ జాతి కూరగాయలు
*క్యారట్, మరియు బీట్ రూట్ లాంటి రూట్ వెజిటేబుల్స్

పైన సూచించిన ఆహార పదార్థాలను ఈ నాలుగు నెలల పాటు కనీసం వారానికి రెండు మూడు సార్లయినా మన ఆహారంలో ఉండేలా చూసుకోవడం వలన మన ఆరోగ్యానికి ఈ వానాకాలంలో తగిన పోషకాలు అందుతాయని డాక్టర్లు సూచిస్తున్నారు.
ఈ లక్షణాలు ఉంటే వెన్నుపూస డిస్క్ జారినట్లేనట..
వారానికి ఒకసారి తప్పనిసరిగా తీసుకోవాల్సిన ఆహార పదార్థాలు

*రాజ్ గీర లాంటి తృణ ధాన్యాలను తప్పనిసరిగా తీసుకోవాలి.
*సాగు చేయని గోంగూర లాంటి ఆకుకూరలు కూడా తీసుకుంటూ ఉండాలి.

ఇటువంటి ఆహార పదార్థాలను వారానికి ఒకసారి తీసుకోవడం వలన ఈ వర్షాకాలంలో మన శరీరానికి కావాల్సిన పోషకాలు అందుతాయి.

నెలకోసారి తప్పని సరిగా తీసుకోవాల్సిన ఆహార పదార్థాలు

*మనకు స్థానికంగా విరివిగా లభించే మోదక్ లాంటి ఆహార పదార్థాలను తీసుకుంటూ ఉండాలి.
*ప్రత్యేకంగా తయారు చేసిన బజ్జీ, పకోడా వంటి ఆహారం తీసుకోవాలి.
*అడవి పుట్టగొడుగులు, మరియు వెదురుతో తయారు చేసిన ఆహార పదార్థాలు తాజాగా అప్పుడే చేసినవైనా సరే లేక రెండు మూడు నెలల కోసం తయారు చేసిన ఊరగాయలా ఉన్నా సరే అటువంటి ఆహారం తీసుకోవడం మర్చిపోకూడదు.

ఇంకా ఆ న్యూట్రీషియనిస్ట్ ఏమేమి ఆహారాలు తినాలని చెప్పిందంటే…

అర్బి చి కాప్ (చామదుంప ముక్కలు)

అర్బి చి కాప్ అనగానే ఇదేదో బ్రహ్మపదార్థం అని చాలా మంది భావిస్తూ ఉంటారు. కానీ ఇది మనకు విరివిగా లభించే చామ దుంపలతో చేసే ఒక వంటకం పేరు మాత్రమే. ఈ వంటకానికి ఇలా పేరు పెట్టడానికి గల కారణం చామదుంపను హిందీలో అర్బి అని పిలుస్తారు. అందుకోసమే చామ దుంపతో చేసే ఈ వంటకానికి అర్బి చి కాప్ అనే పేరును పెట్టారు.

  • చామ దుంప ముక్కలను నీట్ గా కడిగి.. ప్రెషర్ కుక్కర్ లో రెండు మూడు విసిల్స్ వచ్చే వరకు ఉడికించాలి.
  • ఇవి బాగా ఉడికాయని నిర్ధారించుకున్న తర్వాత వాటిపై ఉన్న పొట్టును తీసేసి.. వాటిని ముక్కలుగా కోసుకోవాలి.
  • ఇలా నీట్ గా కోసిన ముక్కలపై కొంచెం కారం పొడి, పసుపు చల్లి 10 నిమిషాల పాటు పక్కకు ఉంచాలి.
  • అనంతరం వీటిని ఒక ప్యాన్ లో ఫ్రై చేసుకోవాలి. ఫ్రై చేసే ముందు వీటికి తగినంత ఉప్పును కలపాలి.

అంబాడి చి బాజీ

అంబాడి చి బాజీ రెసిపీని అంబాడి ఆకులతో తయారు చేస్తారు. అంబాడి ఆకులంటే ఏవో అనుకుంటూ ఉంటారు. కానీ అంబాడి ఆకులంటే మనం గోంగూరగా పిలిచే ఆకుకూర అనే విషయం గుర్తుంచుకోవాలి. గోంగూరలో అనేక విటమిన్లు ఉంటాయనే విషయం మనందరికీ తెలుసు. కావున ఈ ఆకులతో చేసే అంబాడి చి బాజీ రెసిపీలో కూడా అనేక పోషకాలుంటాయి.

  • మొదటగా గోంగూర ఆకులను శుభ్రంగా కడిగి… మరుగుతున్న నీటిలో వేసి ఉడకబెట్టాలి.
  • ఈ ఆకులను ప్రెషర్ కుకర్ లో వేసి బాగా నానబెట్టాలి. వీటిలో నాన బెట్టిన పప్పు ధాన్యాలు వేసుకోవాలి.
  • అనంతరం ఉడికిన ఆకులకు కారంపొడి, పసుపును తగు పాళ్లలో కలపాలి.
  • అంతే కాకుండా ఈ మిశ్రమానికి తగినంత ఉప్పు, బాగా తురిమి పొడి చేసిన కొబ్బరిని యాడ్ చేసుకోవాలి.
  • ఇలా తయారైన మిశ్రమాన్ని వేడి నూనెలో వేయించిన ఎండు మిరపకాయలతో కలుపుకోవాలి.

ఆ ఊరిలో ముసలి మహిళతో పురుషులు శృంగారం చేస్తారట..
మోదక్

మోదక్ అనగా మోదకాలు. మోదకాలు రెసిపీ గురించి అందరికీ తెలిసే ఉంటుంది. వినాయక చవితి వేడుకల్లో ఈ మోదకాలు తయారు చేస్తారు. వినాయకుడికి ఈ మోదకాలు చాలా ఇష్టమని అందరూ చెబుతారు. అందుకే ఈ మోదకాలను తయారు చేసి దేవుడికి నైవేద్యంగా సమర్పిస్తారు. ఇవి తెలుగు వారు చేసుకునే ప్రసిద్ధ వంటకం ఉండ్రాళ్ల లాగే ఉంటుంది. కానీ ఉండ్రాళ్లు తింటే చప్పగా ఉంటాయి. కానీ మోదకాలు తింటే మాత్రం తీపిగా ఉంటాయి. ఇదొక్కటే ఉండ్రాళ్లు మోదకాలను గల ప్రధాన తేడా.

iStock-801040610

మిగతా మొత్తం సేమ్ ఉంటుంది. మోదకాలను కూడా ఉండ్రాళ్ల లాగే వినాయక చవితికి వాడతారు. వినాయక చవితికి వాడే మోదకాలను రెయినీ సీజన్ లో తినడం వలన ఆరోగ్యంగా ఉంటారని అనేక మంది డాక్టర్లు, న్యూట్రీషియనిస్టులు సూచిస్తున్నారు. కావున ఈ మోదకాలను తిని ఆరోగ్యాలను ఈ వర్షాకాలం సీజన్ లో జాగ్రత్తగా కాపాడుకుంటూ ఉండాలి. ఇలా అనేక రకాలుగా మన శరీరానికి మేలు చేసే మోదకాలను తయారు చేయడం చాలా ఈజీగా అయిపోతుంది. ఇప్పుడు ఒకసారి మోదకాలను తయారు చేసే విధానం గురించి చూద్దాం.

  • ఈ మోదకాలను తయారు చేసేందుకు బియ్యం పిండి ( రైస్ ప్లోర్) ని వాడతారు.
  • బియ్యం పిండికి నెయ్యి, బెల్లం, కొబ్బరి తురుమును కలుపుతారు. ఇలా బెల్లాన్ని కలపడం వలన మోదకాలు తియ్యగా తినేందుకు రుచికరంగా ఉంటాయి.
  • మోదకాలను ఒక ప్రత్యేకమైన ఆకారంలో ఆకర్షణీయంగా తయారు చేస్తారు. వీటికి ఇలా సెపరేట్ షేప్ రావడానికి పాత్రలు కూడా లభిస్తాయి. అంతే కాకుండా కొంత మంది మోదకాలను చేతులతో కూడా చేస్తారు.
  • ఇలా ప్రత్యేమైన ఆకారంలో తయారు చేసిన మోదకాలను కుకర్ లోనైనా, లేకపోతే మామూలు పాత్రలోనైనా ఉడకబెట్టవచ్చు. 15–20 నిమిషాల పాటు వీటిని ఆవిరికి ఉంచితే సరిపోతుంది. ఇలా చాలా ఈజీగా మోదకాలను తయారు చేసుకోవచ్చు. వీటిని వానాకాలంలో తినడం వలన ఆరోగ్యంగా ఉంటారని పలువురు న్యూట్రీషియనిస్టులు చెబుతున్నారు.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.


Source link

x

Check Also

Most Eligible Bachelor : పవన్ కళ్యాణ్‌తో పూజా హెగ్డే!.. దాని కోసం కూడా వెయిట్ చేయాలి.. గుట్టు విప్పిన హరీష్ శంకర్

అఖిల్ అక్కినేని, కాంబోలో రాబోతోన్న సినిమా ప్రీ రిలీజ్ ఈవెంట్‌ను శుక్రవారం సాయంత్రం ఏర్పాటు చేశారు. ఈ క్రమంలో ముఖ్య ...