Home » Telugu News » శృంగారం తర్వాత మహిళలు కచ్చితంగా ఈ పనిచేయాల్సిందే..

శృంగారం తర్వాత మహిళలు కచ్చితంగా ఈ పనిచేయాల్సిందే..

ప్రధానాంశాలు:

  • వ్యక్తిగత పరిశుభ్రత చాలా ముఖ్యం
  • ప్రైవేట్ పార్ట్స్‌ని జాగ్రత్తగా ఉంచుకోవాలంటున్న నిపుణులు

ప్రతి వ్యక్తి ముఖ సంరక్షణపై పెట్టినంత శ్రద్ధ ప్రైవేట్ పార్టులపై పెట్టలేరు. కానీ ముఖ్యంగా మహిళలు రెగ్యులర్‌గా ప్రైవేట్ పార్టులు శుభ్రంగా ఉంచుకోకపోతే ఒక్కోసారి ఎలర్జీలు వచ్చే అవకాశం ఉంది. ఫీమేల్ లిటరసీ రేట్ పెరుగుతున్నా కొన్ని పల్లెల్లో మరియు పట్టణాల్లో కూడా ఆడవాళ్ళు హైజీన్ విషయంలో తగిన జాగ్రత్తలు తీసుకోవటం లేదు. ముఖ్యంగా పీరియడ్స్ సమయంలో వీలైనంత శుభ్రంగా ఉండాలి. అలా అని ప్రైవేట్ పార్టుల వద్ద ఇష్టమైన క్రీములు రాయడం వల్ల కూడా అనేక రకాల దద్దుర్లు వచ్చి ఇబ్బంది పడే అవకాశం చాలా ఉంది.
నోరో వైరస్ వచ్చేస్తోంది.. జాగ్రత్త..
మహిళలు ప్రతి దశలోనూ వ్యక్తిగత పరిశుభ్రతకు ప్రాధాన్యం ఇవ్వాలి. చాలామంది యుక్త వయసులో ఉన్నప్పుడు తీసుకునే జాగ్రత్తలను ఆ తరువాత దశల్లో కొనసాగించరు. 30ల వయసు వచ్చే సరికి పెళ్లి, పిల్లలు, కుటుంబ బాధ్యతల సుడిలో పడి వ్యక్తిగత పరిశుభ్రతకు ప్రాధాన్యం ఇవ్వరు. ఫలితంగా అనారోగ్యాల బారిన పడుతుంటారు. అలర్జీలు, ఇన్‌ఫెక్షన్లకు దూరంగా ఉండాలంటే ముందు నుంచి కొన్ని జాగ్రత్తలు తీసుకోవాలి. రుతుక్రమం సమయంలో పరిశుభ్రతను పాటించాలి. దీంతో పాటు కొన్ని చిట్కాలను పాటించాలి. సమస్యలు ఎదురైన తరువాత చికిత్స తీసుకోవడానికి బదులుగా.. ముందు నుంచే జాగ్రత్తలు పాటించాలని డాక్టర్లు సూచిస్తున్నారు.

iStock-1181380451

మన డైజెస్టివ్ సిస్టం తరహాలో మహిళల వెజీనా ప్రాంతంలో కూడా మంచి బ్యాక్టీరియా కూడా ఉంటుంది. అది అచ్చం డైజెస్టివ్ సిస్టంలాగే యాసిడ్స్‌ని ప్రొడ్యూస్ చేస్తుంది. ఈ యాసిడ్ మంచి ఆరోగ్యాన్ని పెంపొందిస్తుంది. చెడు బ్యాక్టీరియాని దరిచేరకుండా ఇన్ఫెక్షన్ బారిన పడకుండా సురక్షితంగా ఉండేటట్టు చూస్తుంది. పరిశుభ్రత ప్రతి ఒక్కరూ అలవాటు చేసుకోవాలి. పీరియడ్స్ సమయంలో కూడా పరిశుభ్రంగా ఉండడానికి తగిన జాగ్రత్తలు తీసుకుంటూ ఉండాలి.
రోజుకి రెండు స్పూన్ల ఈ విత్తనాలు తింటే బరువు తగ్గుతారట..
హైజీన్‌గా ఉండేందుకు మహిళలు తీసుకోవాల్సిన జాగ్రత్తలు

★ బిగుతుగా ఉండే లోదుస్తులను ధరించవద్దు. సున్నితమైన భాగాలపై ఎలాంటి ఒత్తిడి ఉండని స్కిన్ ఫ్రెండ్లీ, బ్రీతబుల్ ఫ్యాబ్రిక్, కాటన్ వస్త్రాలను ధరించాలి.
★ తడిగా ఉండే లో దుస్తులను వాడకూడదు. బాగా ఆరినవాటినే ధరించాలి. మూత్రవిసర్జన తరువాత యోని వద్ద టాయిలెట్ పేపర్‌తో తుడుచుకోవాలి. అండర్ గార్మెంట్స్‌ కొద్దిపాటి తేమగా ఉన్నా ఇన్‌ఫెక్షన్లు వ్యాపించే అవకాశం ఉంటుంది. అందువల్ల పొడిగా ఉండేవాటినే వాడాలి.
★ రుతుక్రమంలో ఉన్నప్పుడు శానిటరీ ప్యాడ్స్‌ను ప్రతి 4-6 గంటలకు ఒకసారి తప్పనిసరిగా మార్చుకోవాలి. ఒకే ప్యాడ్‌ను ఎక్కువ సమయం ఉంచడం వల్ల అలర్జీలు, ఇన్‌ఫెక్షన్లు వ్యాపించే అవకాశం ఉంటుంది. టాంపూన్లను వాడేవారు వాటిని సరైన పద్ధతుల్లో వాడాలి. అవసరమైతే గైనకాలజిస్టుల సలహా తీసుకోవాలి.
★ శృంగారం తరువాత యోని భాగాన్ని శుభ్రం చేసుకోవాలి. ఇలా చేయడం వల్ల యూరినరీ ట్రాక్ ఇన్ఫెక్షన్ వంటి ప్రమాదాలకు దూరంగా ఉండవచ్చు. కానీ అంతర్గత భాగాలను సబ్బుతో శుభ్రం చేసుకోవద్దు. వీటి వల్ల యోని పొడిబారి కొత్త సమస్యలు ఎదురయ్యే అవకాశం ఉంది. మార్కెట్లో ఎక్కువ గాఢత ఉండే క్లీనింగ్ ఉత్పత్తులను, సువాసనలు వెదజల్లే ప్రొడక్ట్స్‌ను వాడకూడదు. అవసరమైతే నిపుణుల సలహాతోనే వీటిని వాడాలి.
★ అంతర్గత అవయవాల దగ్గర చర్మం చాలా సున్నితంగా ఉంటుంది. ఈ భాగాలను శుభ్రం చేసేటప్పుడు కొన్ని జాగ్రత్తలు తీసుకోవాలి. యోని వద్ద ఎక్కువగా రుద్దకూడదు. ఇన్‌ఫెక్షన్లకు ఎట్టిపరిస్థితుల్లోనూ సొంత వైద్యం చేసుకోకూడదు. ముందు సమస్యను గుర్తించాలి. ఆ తరువాతే చికిత్స పద్ధతులు తెలుసుకోవాలి. అందువల్ల చిన్నపాటి సమస్య అయినా సరే.. తప్పనిసరిగా డాక్టర్లను సంప్రదించాలి.
★ అన్ ప్రొటెక్టెడ్ సెక్స్ వల్ల క్లామిడియా, గనేరియా, హెర్పిస్, వార్ట్స్, సిఫిలిస్ వంటి వ్యాధులు వ్యాపించవచ్చు. లైంగింకంగా సంక్రమించే వ్యాధులు దీర్ఘకాలం వేధిస్తాయి. భాగస్వామికి సుఖవ్యాధులు ఉంటే.. వారు పూర్తిగా కోలుకునే వరకు శృంగారానికి దూరంగా ఉండటం మంచిది.
★ ఇన్ఫెక్షన్లకు దూరంగా ఉంచే కొన్ని రకాల ఆహార పదార్థాలు క్రమం తప్పకుండా తీసుకోవాలి. వైద్యుల సలహాతో ఆరోగ్యకరమైన ఆహారపు అలవాట్లను అనుసరించాలి. వజైనల్ హెల్త్‌కు సంబంధించిన అంశాలపై కనీస అవగాహన పెంచుకోవాలి.
ఈ నూనె వంట చేస్తే ఆరోగ్యానికి మంచిదట..
ఏది ఏమైనా తగిన జాగ్రత్తలు తీసుకుంటూ ఉండాలి. ప్రతి ఒక్కరూ హైజిన్‌పై శ్రద్ధ పెట్టాలి ఒక వేళ కనుక అటువంటి ప్రైవేట్ పార్టులలో ఏ సబ్బునైనా వాడితే పిహెచ్ బ్యాలెన్స్ సరిగా ఉండకుండా మంచి బాక్టీరియాని కూడా తొలగిస్తుంది. ప్రతి ఒక్కరు వాళ్ళ వయసుని వాళ్ళ యొక్క ఈ పరిస్థితిని దృష్టి లో ఉంచుకుని వాళ్ళ పట్ల శ్రద్ధ పెట్టాలి. సరైన కేర్ తీసుకోకపోతే ఇన్ఫెక్షన్స్ లాంటివి వస్తాయని డాక్టర్లు అంటున్నారు. మంచి హైజిన్ ప్రొడక్టులను ఉపయోగించడం వల్ల వాజినల్ పీహెచ్ బ్యాలెన్స్ కూడా ఇబ్బంది లేకుండా ఉంటుంది. దురదలు బాక్టీరియా వంటి సమస్యలు రాకుండా ఉంచుతుంది. అదే విధంగా మంచి బ్యాక్టీరియా అలానే ఉంటుంది కాబట్టి మహిళలు తమ ఆరోగ్యం పైన శ్రద్ధ పెట్టాలి. లేదంటే ఎన్నో ఇబ్బందులు పడాల్సి వస్తుంది. కాబట్టి ప్రతి రోజూ శుభ్రంగా ఉండడం ముఖ్యంగా పీరియడ్స్ సమయంలో ఎక్కువ శ్రద్ధ తీసుకోవడం లాంటి జాగ్రత్తలు తీసుకుంటే ఎటువంటి సమస్యలు రావు.


Source link

x

Check Also

రాసలీలల ఆడియో టేపు… ఖండించిన మంత్రి అవంతి… రాజకీయ ఎదుగుదలనే ఓర్వలేకనే…

Andhra Pradesh oi-Srinivas Mittapalli | Published: Friday, August 20, 2021, 2:10 [IST] మంత్రి అవంతి శ్రీనివాస్ ...