Home » Kannada News » ಕಡೆಯ ಕ್ಷಣದಲ್ಲಿ ಶಿವಣ್ಣ ‘ತಥಾಸ್ತು’ ಎಂದಿದ್ದು ಮಂಜು ಪಾವಗಡಗೆ ವರದಾನವಾಯಿತೇ?

ಕಡೆಯ ಕ್ಷಣದಲ್ಲಿ ಶಿವಣ್ಣ ‘ತಥಾಸ್ತು’ ಎಂದಿದ್ದು ಮಂಜು ಪಾವಗಡಗೆ ವರದಾನವಾಯಿತೇ?

ಹೈಲೈಟ್ಸ್‌:

  • ‘ಬಿಗ್ ಬಾಸ್ ಕನ್ನಡ 8’ ಕಾರ್ಯಕ್ರಮದ ವಿನ್ನರ್ ಆದ ಮಂಜು ಪಾವಗಡ
  • ಗ್ರ್ಯಾಂಡ್ ಫಿನಾಲೆಗೂ ಮುನ್ನ ಮಂಜು ಪಾವಗಡಗೆ ಶುಭ ಸಂದೇಶ ಕಳುಹಿಸಿದ್ದ ಶಿವರಾಜ್‌ಕುಮಾರ್
  • ಶಿವರಾಜ್‌ಕುಮಾರ್ ಆಶೀರ್ವಾದ ಮಂಜುಗೆ ವರದಾನವಾಯಿತೇ?

ಬಿಗ್ ಬಾಸ್ ಕನ್ನಡ 8‘ ಕಾರ್ಯಕ್ರಮದಲ್ಲಿ ಹಳ್ಳಿಹೈದ… ‘ಮಜಾಭಾರತ’ ಖ್ಯಾತಿಯ ಮಂಜು ಪಾವಗಡ ವಿಜೇತರಾಗಿ ಹೊರಹೊಮ್ಮಿದ್ದಾರೆ. ಸದಾ ತಮ್ಮ ಪಂಚ್‌ಲೈನ್‌ಗಳಿಂದ ಎಲ್ಲರಿಗೂ ಕಚಗುಳಿ ಇಡುತ್ತಿದ್ದ ಮಂಜು ಪಾವಗಡ ‘ಬಿಗ್ ಬಾಸ್’ ವಿನ್ನರ್ ಟ್ರೋಫಿಗೆ ಮುತ್ತಿಟ್ಟಿದ್ದಾರೆ. ವೀಕ್ಷಕರಿಂದ ಅತಿ ಹೆಚ್ಚು ಮತಗಳನ್ನು ಪಡೆದಿದ್ದ ಮಂಜು ಪಾವಗಡ ಗೆಲುವಿನ ನಗೆ ಬೀರಿದ್ದಾರೆ.

ಶುಭ ಹಾರೈಸಿದ್ದ ಶಿವರಾಜ್‌ಕುಮಾರ್
‘ಬಿಗ್ ಬಾಸ್ ಕನ್ನಡ 8’ ಕಾರ್ಯಕ್ರಮದಲ್ಲಿ ಗ್ರ್ಯಾಂಡ್ ಫಿನಾಲೆಗೂ ಎರಡು ದಿನಗಳ ಮುನ್ನ ಮಂಜು ಪಾವಗಡಗೆ ಶಿವಣ್ಣ ಕಡೆಯಿಂದ ವಿಡಿಯೋ ಸಂದೇಶ ಲಭಿಸಿತ್ತು. ಫಿನಾಲೆ ತಲುಪಿದ್ದ ಮಂಜು ಪಾವಗಡಗೆ ಶಿವಣ್ಣ ಮನಸಾರೆ ಶುಭ ಹಾರೈಸಿದ್ದರು.

‘ತಥಾಸ್ತು’ ಎಂದ ಶಿವಣ್ಣ: ಅಭಿಮಾನಿ ಮಂಜುಗೆ ಸಿಕ್ತು ಹ್ಯಾಟ್ರಿಕ್ ಹೀರೋ ಕಡೆಯಿಂದ ಶುಭ ಸಂದೇಶ!
ತಮ್ಮ ವಿಡಿಯೋ ಸಂದೇಶದಲ್ಲಿ, ”ಹಾಯ್ ಮಂಜು.. ಬಹಳ ಖುಷಿ ಆಯ್ತು ನೀವು ‘ಬಿಗ್ ಬಾಸ್’ ಫೈನಲ್‌ಗೆ ಬಂದಿದ್ದು. ಒಳ್ಳೆಯದಾಗಲಿ.. ಆಲ್ ದಿ ಬೆಸ್ಟ್.. ಗುಡ್ ಲಕ್ ಅಂಡ್ ವಿನ್ ಆಗಿ ಬನ್ನಿ. ಯಾರ್ಯಾರು ಫಿನಾಲೆಗೆ ಬಂದಿದ್ದಾರೋ, ಎಲ್ಲರಿಗೂ ಆಲ್ ದಿ ಬೆಸ್ಟ್. ಮಂಜು ಒನ್ಸ್ ಅಗೇನ್ ಲವ್ ಯು. ಆಲ್ ದಿ ಬೆಸ್ಟ್. ಗಾಡ್ ಬ್ಲೆಸ್” ಎಂದು ಮಂಜು ಪಾವಗಡಗೆ ಶಿವರಾಜ್‌ಕುಮಾರ್ ತಿಳಿಸಿದ್ದರು. ಶಿವರಾಜ್‌ಕುಮಾರ್ ಅವರ ಮಾತುಗಳನ್ನು ಕೇಳಿ ಮಂಜು ಪಾವಗಡ ಸಿಕ್ಕಾಪಟ್ಟೆ ಖುಷಿ ಪಟ್ಟಿದ್ದರು.

‘ಬಿಗ್ ಬಾಸ್’ ಕಿವಿಯಲ್ಲಿ ಈಡೇರದ ಆಸೆಗಳನ್ನು ಹೇಳಿಕೊಂಡ ಸ್ಪರ್ಧಿಗಳು! ತಥಾಸ್ತು ಅಂತಾರಾ ಶಿವಣ್ಣ?
ಶಿವಣ್ಣನ ಆಶೀರ್ವಾದ ಮಂಜು ಕೋರಿಕೆ ಆಗಿತ್ತು!
‘ಬಿಗ್ ಬಾಸ್ ಕನ್ನಡ 8’ ಕಾರ್ಯಕ್ರಮದ ಕೊನೆಯ ವಾರಕ್ಕೆ ಲಗ್ಗೆ ಇಟ್ಟ ಆರು ಸ್ಪರ್ಧಿಗಳಿಗೆ ‘ಬಿಗ್ ಬಾಸ್’ ವಿಶೇಷ ಅವಕಾಶವನ್ನು ನೀಡಿದ್ದರು. ‘ಬಿಗ್ ಬಾಸ್’ ಮನೆಯಲ್ಲಿ ಈಡೇರದ ಆಸೆಯನ್ನು ಹಂಚಿಕೊಳ್ಳುವ ಅವಕಾಶವನ್ನು ಸ್ಪರ್ಧಿಗಳಿಗೆ ನೀಡಲಾಗಿತ್ತು. ಈ ಸಲುವಾಗಿ ಗಾರ್ಡನ್ ಏರಿಯಾದಲ್ಲಿ ಬೃಹತ್ ಗಾತ್ರದ ‘ಕಿವಿ’ ಇರಿಸಲಾಗಿತ್ತು. ‘ಕಿವಿ’ ಬಳಿ ಸ್ಪರ್ಧಿಗಳು ಒಬ್ಬೊಬ್ಬರೇ ಹೋಗಿ ತಮ್ಮ ಆಸೆಯನ್ನು ಹೇಳಬೇಕಿತ್ತು.

‘ಬಿಗ್ ಬಾಸ್’ ಕೊಟ್ಟ ಅವಕಾಶವನ್ನು ಸದುಪಯೋಗ ಪಡಿಸಿಕೊಂಡ ಮಂಜು ಪಾವಗಡ, ‘ಕಿವಿ’ ಬಳಿ ಹೋಗಿ, ”ನನಗಿರುವ ಒಂದೇ ಒಂದು ಆಸೆ ಅಂದ್ರೆ… ಶಿವಣ್ಣ ಅಂದ್ರೆ ನನಗೆ ತುಂಬಾ ಇಷ್ಟ. ಈ ವಾರ ನಾನು ಫಿನಾಲೆಯಲ್ಲಿ ಇರೋದ್ರಿಂದ ಅವರ ಕಡೆಯಿಂದ ಒಂದೇ ಒಂದು ಆಶೀರ್ವಾದ ಬೇಕಾಗಿತ್ತು. ಅವರಿಂದ ಒಂದು ವಿಡಿಯೋ ಸಿಕ್ಕರೂ ನನಗೆ ತುಂಬಾ ಖುಷಿ ಆಗುತ್ತೆ. ಇದೊಂದನ್ನ ನೆರವೇರಿಸಿದರೆ ನನಗೆ ತುಂಬಾ ಖುಷಿ ಆಗುತ್ತದೆ” ಎಂದು ಹೇಳಿದರು.

ಮಂಜು ಪಾವಗಡ ಅವರ ಕೋರಿಕೆಯನ್ನು ಶಿವಣ್ಣ ಈಡೇರಿಸುತ್ತಾರಾ ಎಂಬ ಕುತೂಹಲ ಹಲವರಿಗೆ ಇತ್ತು. ಕಡೆಗೆ ಮಂಜು ಪಾವಗಡ ಅವರ ಆಸೆಯನ್ನು ಶಿವಣ್ಣ ಪೂರೈಸಿದರು.

“ಅಂದು ಧರ್ಮಸ್ಥಳದ ಮಂಜುನಾಥನ ತೀರ್ಥದಿಂದ ಹುಷಾರಾದೆ” ಎಂದ ಬಿಗ್ ಬಾಸ್ ಮಂಜು ಪಾವಗಡ
ಶಿವಣ್ಣನ ಶುಭಾಶಯ ವರದಾನವಾಯಿತೇ?
ಶಿವರಾಜ್‌ಕುಮಾರ್ ಶುಭ ಸಂದೇಶ ಕಳುಹಿಸಿದ್ದು ಮಂಜು ಪಾವಗಡಗೆ ವರದಾನವಾಯಿತೇ? ಸದ್ಯ ಹೀಗೊಂದು ಚರ್ಚೆ ನಡೆಯುತ್ತಿದೆ. ಶಿವಣ್ಣ ಮನಸಾರೆ ಶುಭ ಹಾರೈಸಿದ್ದರಿಂದ ಹ್ಯಾಟ್ರಿಕ್ ಹೀರೋ ಅಭಿಮಾನಿಗಳು ಮಂಜು ಪಾವಗಡಗೆ ಬೆಂಬಲ ನೀಡಿರುವ ಸಾಧ್ಯತೆ ಇದೆ. ಮಂಜು ಪಾವಗಡ ಕೂಡ ಶಿವಣ್ಣ ಅವರ ಅಭಿಮಾನಿಯಾಗಿರುವುದರಿಂದ, ಸೆಂಚುರಿ ಸ್ಟಾರ್ ಫ್ಯಾನ್ಸ್ ಮಂಜು ಪಾವಗಡಗೆ ಮತ ಹಾಕಿರುವ ಸಾಧ್ಯತೆಯನ್ನು ತಳ್ಳಿ ಹಾಕುವಂತಿಲ್ಲ ಎಂಬ ವಾದ ಕೇಳಿಬರುತ್ತಿದೆ.

ಅದೇನೇ ಇದ್ದರೂ.. ಎಂಟರ್‌ಟೇನ್ಮೆಂಟ್ ಹಾಗೂ ಟಾಸ್ಕ್.. ಎರಡರಲ್ಲೂ ಮುಂದಿದ್ದ ಮಂಜು ಪಾವಗಡಗೆ ‘ಬಿಗ್ ಬಾಸ್’ ವೀಕ್ಷಕರ ಬೆಂಬಲ ಹಾಗೂ ಅತಿ ಹೆಚ್ಚು ಮತಗಳಿಂದ ಗೆಲುವಿನ ಕಿರೀಟ ಸಿಕ್ಕಿದೆ.

‘ಬಿಗ್ ಬಾಸ್ ಕನ್ನಡ 8’: ಕಿಚ್ಚನಿಂದ ಸೀಸನ್‌ನ ಕಡೆಯ ಮೆಚ್ಚುಗೆಯ ಚಪ್ಪಾಳೆ ಪಡೆದ ಮಂಜು ಪಾವಗಡ
ಮಂಜು-ಅರವಿಂದ್ ಮಧ್ಯೆ ಇರುವ ಮತಗಳ ಅಂತರ ಎಷ್ಟು?
‘ಬಿಗ್ ಬಾಸ್ ಕನ್ನಡ 8’ ಕಾರ್ಯಕ್ರಮದಲ್ಲಿ ಮಂಜು ಪಾವಗಡ ವಿನ್ನರ್ ಆಗಿದ್ದರೆ, ಅರವಿಂದ್ ರನ್ನರ್ ಅಪ್ ಸ್ಥಾನ ಪಡೆದಿದ್ದಾರೆ. ‘ಬಿಗ್ ಬಾಸ್ ಕನ್ನಡ 8’ ಕಾರ್ಯಕ್ರಮದ ಫೈನಲ್ ವೋಟಿಂಗ್‌ನಲ್ಲಿ ಅರವಿಂದ್ ಹಾಗೂ ಮಂಜು ಪಾವಗಡ.. ಇಬ್ಬರಿಗೂ ವೀಕ್ಷಕರಿಂದ ತಲಾ 40 ಲಕ್ಷಕ್ಕೂ ಹೆಚ್ಚು ವೋಟ್ಸ್ ಬಂದಿವೆ. 43,35,957 ಮತಗಳನ್ನು ಪಡೆದ ಅರವಿಂದ್ ‘ರನ್ನರ್ ಅಪ್’ ಸ್ಥಾನ ಪಡೆದರು. 45,03,495 ಮತಗಳನ್ನು ಪಡೆದ ಮಂಜು ಪಾವಗಡ ‘ವಿನ್ನರ್’ ಪಟ್ಟಕ್ಕೇರಿದರು. ಮಂಜು ಪಾವಗಡ ಮತ್ತು ಅರವಿಂದ್ ಮಧ್ಯೆ ಕೇವಲ 167,538 ಮತಗಳ ಅಂತರವಿದೆ.


Source link

x

Check Also

ಶಾಲೆಗಳಲ್ಲಿ ಕಲಿಸುತ್ತಾರೆ ಜೀವನ ಪಾಠ..! ಶ್ರೀನಾಥ್ ಭಲ್ಲೆ ಅಮೆರಿಕ ಅನುಭವ ಕಥನ – ಭಾಗ 23

ಈ ದೇಶಕ್ಕೆ ಬಂದ ಆರಂಭದಲ್ಲೇ ನಮ್ಮ ಕಂಪನಿಯವರು ಅಮೆರಿಕನ್ ಆಂಗ್ಲದ ಪರಿಚಯ ಮಾಡಿಸಲೆಂದೇ ESL – English as Second ...