Home » Kannada News » ಕೋಲ್ಕತ್ತಾ To ಮುಂಬೈ ವಿಮಾನದಲ್ಲಿ ಹಾವು ಕಂಡು ಬೆಚ್ಚಿಬಿದ್ದ ಪ್ರಯಾಣಿಕರು..!

ಕೋಲ್ಕತ್ತಾ To ಮುಂಬೈ ವಿಮಾನದಲ್ಲಿ ಹಾವು ಕಂಡು ಬೆಚ್ಚಿಬಿದ್ದ ಪ್ರಯಾಣಿಕರು..!

ಹೈಲೈಟ್ಸ್‌:

  • ಛತ್ತೀಸ್‌ಗಢದ ರಾಯಪುರದಿಂದ ಕೋಲ್ಕತ್ತಾಗೆ ಬಂದಿದ್ದ ವಿಮಾನ
  • ಕೋಲ್ಕತ್ತಾದಿಂದ ಮುಂಬೈಗೆ ಪ್ರಯಾಣಿಸಬೇಕಿದ್ದ ವಿಮಾನ
  • ಕೋಲ್ಕತ್ತಾದಿಂದ ಹಾರುವ ಮುನ್ನ ಸ್ವಚ್ಛತಾ ಕಾರ್ಯ ನಡೆಸುವ ವೇಳೆ ಹಾವು ಪತ್ತೆ

ಕೋಲ್ಕತ್ತಾ (ಪಶ್ಚಿಮ ಬಂಗಾಳ): ಅಪರೂಪಕ್ಕೊಮ್ಮೆ ಮನೆಯ ಒಳಾಂಗಣದಲ್ಲಿ ಪ್ರತ್ಯಕ್ಷಗೊಂಡು ಗಾಬರಿ ಹುಟ್ಟಿಸುವ ಉರಗ ವಿಮಾನ ಏರಿದರೆ ಹೇಗಿರುತ್ತದೆ ಸನ್ನಿವೇಶ..? ಹೌದು, ಕೋಲ್ಕತ್ತಾ ವಿಮಾನ ನಿಲ್ದಾಣದಲ್ಲಿ ನಿಂತಿದ್ದ ಇಂಡಿಗೊ ವಿಮಾನದ ಒಳಗೆ ಹಾವೊಂದು ಪವಡಿಸಿ ಫಜೀತಿ ಸೃಷ್ಟಿಸಿದ ಪ್ರಸಂಗ ನಡೆದಿದೆ.

ಛತ್ತೀಸ್‌ಗಢದ ರಾಯಪುರದಿಂದ ಬಂದು ಮುಂಬಯಿಗೆ ಹಾರಲು ಅಣಿಯಾಗಿದ್ದ ಇಂಡಿಗೊ ಪ್ರಯಾಣಿಕ ವಿಮಾನದಲ್ಲಿ ಹಾವು ಪತ್ತೆಯಾಗಿ ನಿಲ್ದಾಣದಲ್ಲಿ ಕೆಲ ಕಾಲ ಗಲಿಬಿಲಿಯ ಸನ್ನಿವೇಶ ಸೃಷ್ಟಿಯಾಗಿತ್ತು.

ಶಂಷಾಬಾದ್ ಏರ್‌ಪೋರ್ಟ್.. ವಿಮಾನ ಹತ್ತಿದ ಹಾವು
ಕೋಲ್ಕತ್ತಾ ವಿಮಾನ ನಿಲ್ದಾಣದಲ್ಲಿ ಪ್ರಯಾಣಿಕರನ್ನು ಹತ್ತಿಸಿಕೊಳ್ಳುವ ಮುನ್ನ ವಿಮಾನದಲ್ಲಿ ಸ್ವಚ್ಛತಾ ಕಾರ್ಯ ಕೈಗೊಳ್ಳಲಾಗಿತ್ತು. ಆ ವೇಳೆ ಬ್ಯಾಗೇಜ್‌ ಕ್ಯಾಬಿನ್‌ ಪರಿಶೀಲಿಸುತ್ತಿದ್ದ ಸಿಬ್ಬಂದಿಗೆ ಹಾವು ಕಾಣಿಸಿಕೊಂಡಿದೆ..!

ಬ್ಯಾಗೇಜ್‌ ಕಂಬಿಗೆ ಸುರಳಿ ಸುತ್ತಿಕೊಂಡಿದ್ದ ಹಾವನ್ನು ಕಂಡು ಹೌಹಾರಿದ ಸಿಬ್ಬಂದಿ, ಥಟ್ಟನೆ ವಿಮಾನ ಇಳಿದು ಮೇಲಾಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ನಂತರ ಅರಣ್ಯ ಸಿಬ್ಬಂದಿಯನ್ನು ಕರೆಸಿ ಹಾವನ್ನು ಹಿಡಿದು ಸುರಕ್ಷಿತವಾಗಿ ಅರಣ್ಯ ಸೇರಿಸಲಾಗಿದೆ.

ವಿಮಾನ ಪ್ರಯಾಣಿಕನ ಹ್ಯಾಂಡ್‌ಬ್ಯಾಗ್‌ನಲ್ಲಿ ವಿಷಕಾರಿ ಹಾವು
‘ಅದು ವಿಷಕಾರಿ ಹಾವು ಅಲ್ಲ. ಇಲಿ, ಕಪ್ಪೆಗಳನ್ನು ಬೇಟೆಯಾಡುವ ಕೇರೆ ಹಾವು’ ಎಂದು ಅರಣ್ಯಾಧಿಕಾರಿಗಳು ಹೇಳಿದ್ದಾರೆ. ಲಗೇಜ್‌ ತೆರವುಗೊಳಿಸಿದ ನಂತರ ಖಾಲಿ ಜಾಗ ಹುಡುಕಿ ಬಂದು ಅದು ಕುಳಿತಿರಬಹುದು ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಅಂತೂ ಹಾವಿನ ಕಾರಣದಿಂದಾಗಿ ಮುಂಬಯಿಗೆ ಹಾರಬೇಕಿದ್ದ ಆ ವಿಮಾನದ ಪಯಣ ರದ್ದಾಗಿದೆ. ಪ್ರಯಾಣಿಕರಿಗೆ ಬೇರೊಂದು ವಿಮಾನ ವ್ಯವಸ್ಥೆ ಮಾಡಿ ಕಳಿಸಿಕೊಡಲಾಗಿದೆ.

ವಿಮಾನದೊಳಗಿತ್ತು ಬೃಹತ್ ಹಾವು! : `ಭಯಾನಕ’ ಅತಿಥಿಯನ್ನು ಕಂಡು ಬೆಚ್ಚಿಬಿದ್ದ ಪ್ರಯಾಣಿಕರು


Source link

x

Check Also

ಶಾಲೆಗಳಲ್ಲಿ ಕಲಿಸುತ್ತಾರೆ ಜೀವನ ಪಾಠ..! ಶ್ರೀನಾಥ್ ಭಲ್ಲೆ ಅಮೆರಿಕ ಅನುಭವ ಕಥನ – ಭಾಗ 23

ಈ ದೇಶಕ್ಕೆ ಬಂದ ಆರಂಭದಲ್ಲೇ ನಮ್ಮ ಕಂಪನಿಯವರು ಅಮೆರಿಕನ್ ಆಂಗ್ಲದ ಪರಿಚಯ ಮಾಡಿಸಲೆಂದೇ ESL – English as Second ...