Home » Kannada News » ಚಂಡಮಾರುತದ ರೌದ್ರ ರೂಪ ಕಂಡಾಗ.. ಶ್ರೀನಾಥ್ ಭಲ್ಲೆ ಅಮೆರಿಕ ಅನುಭವ ಕಥನ – ಭಾಗ 20

ಚಂಡಮಾರುತದ ರೌದ್ರ ರೂಪ ಕಂಡಾಗ.. ಶ್ರೀನಾಥ್ ಭಲ್ಲೆ ಅಮೆರಿಕ ಅನುಭವ ಕಥನ – ಭಾಗ 20

ಕಳೆದ ವಾರ ಮನುಷ್ಯನ ಮಾನಸಿಕ ಅಸ್ವಸ್ಥತೆಯಿಂದ ಆದ ವೈಪರೀತ್ಯ ನೋಡಿದ್ದೆವು. ಅವನಿಂದ ಗುಂಡುಗಳು ಹಾರಿದವು, ಸಿಕ್ಕಿಕೊಂಡ ಮೇಲೆ ವಿಚಾರಣೆಯಾಯ್ತು, ಇಂಜೆಕ್ಷನ್ ನೀಡಿ ಈ ಲೋಕದಿಂದ ಅವನನ್ನು ಕಳಿಸಿಯೂ ಆಯ್ತು. ಮನುಷ್ಯನ ತಪ್ಪಿಗೆ ಶಿಕ್ಷೆ ಇದೆ, ಆದರೆ ಪ್ರಕೃತಿಯ ವಿಕೋಪಕ್ಕೆ ಸಿಲುಕಿದರೆ, ಏನು ಪರಿಹಾರ? ಮುನಿದಾಗ ಹೀಗಾಗುವುದೇ? ಬಹುಶಃ ಹಾಗೇನಿಲ್ಲ! ಹಚ್ಚನೆ ಹಸಿರು, ತಂಗಾಳಿ, ಮಳೆ-ಬಿಸಿಲು-ಗಾಳಿ ಎಲ್ಲವೂ ಪ್ರಕೃತಿಯ ರೂಪಗಳೇ ಹೌದು.

ಇದರಂತೆಯೇ ಸುಳಿಗಾಳಿ, ಬಿರುಗಾಳಿ, ಸುಂಟರಗಾಳಿ ಎಂಬುದೆಲ್ಲಾ ಗಾಳಿಯ ಸ್ವರೂಪಗಳೇ ಅಲ್ಲವೇ? ಮಳೆಯಲ್ಲೂ ಅದೆಷ್ಟು ವಿಧಗಳು? ಜಡಿಮಳೆಯೂ ಆಗಬಹುದು, ಕುಂಭದ್ರೋಣವೂ ಆಗಬಹುದು. ತುಂತುರು ಆಗಬಹುದು, ಚಿಟಪಟವೂ ಆಗಬಹುದು. ಆದರೆ ಈ ಎರಡು ಸೇರಿದಾಗಲೇ ಉಂಟಾಗೋದು ಚಂಡಮಾರುತ. ಇದು ಯಾವ ಹಂತ ಎಂಬುದರ ಆಧಾರದ ಮೇಲೆ ಅದು ಎಷ್ಟು ಭೀಕರ ಚಂಡಮಾರುತ ಎಂಬುದನ್ನು ನಿರ್ಧರಿಸಬಹುದು. ಚಂಡಮಾರುತವು ಮಹಾಸಮುದ್ರದ ಮೇಲೆ ಇದ್ದಾಗ ನೀರಿನೊಡನೆ ಒಡನಾಟದಿಂದಾಗಿ ಅತೀ ಹೆಚ್ಚು ಪ್ರಬಲ. ಇದೇ ಚಂಡಮಾರುತ ನೆಲಕ್ಕೆ ಅಪ್ಪಳಿಸಿದಾಗ ಅಲ್ಲಿನ ಪ್ರಕೃತಿಯೊಂದಿಗೆ ಹೋರಾಡುವಾಗ ರಭಸ ಇಳಿಯುತ್ತದೆ. ತನ್ನ ಪ್ರಾಬಲ್ಯತೆ ಉಳಿಸಿಕೊಳ್ಳಲು ಅವು ಹಲವಾರು ಅಡೆತಡೆಗಳನ್ನು ಎದುರಿಸಿ ಹೆಣಗಾಡಬೇಕು. ಪ್ರಕೃತಿಯ ವಿವಿಧ ಅಂಶಗಳು ಹೀಗೆ ಹೋರಾಡುವಾಗ, ಮಾನವ ನಿರ್ಮಿತಗಳು ಧರೆಗೆ ಉರುಳುತ್ತವೆ.

ಸಪ್ತ ಸಾಗರಗಳ ಆಚೆಯೂ ಕನ್ನಡದ ಕಂಪು: ಶ್ರೀನಾಥ್ ಭಲ್ಲೆ ಅಮೆರಿಕ ಅನುಭವ ಕಥನ – ಭಾಗ 14
ಈಗ ಈ ವಿಷಯದ ಬಗ್ಗೆ ಕೊಂಚ ಆಳಕ್ಕೆ ಇಳಿದು ನೋಡೋಣ. ದೇವನೊಬ್ಬ ನಾಮ ಹಲವು ಎಂಬುದು ಈ ಮಳೆ-ಗಾಳಿ ಜೋಡಿಯ ವಿಷಯದಲ್ಲಿ ಕೂಡಾ ಚೆನ್ನಾಗಿ ಹೊಂದುತ್ತದೆ. ಧಾರಾಕಾರ ಮಳೆಯೂ ಭೀಕರ ಮಳೆಯಾಗಿ ಸೈಕ್ಲೋನ್ ರೂಪ ಪಡೆದಾಗ ಅಲ್ಲಿನ ಗಾಳಿಯ ವೇಗ ಬಹುಶ ಎಪ್ಪತ್ತು ಮೈಲಿಗಿಂತಾ ಕೆಳಕ್ಕೆ ಇರುತ್ತದೆ. ಆಗ ಅವು ಸೈಕ್ಲೋನ್ ಎನಿಸಿಕೊಳ್ಳುತ್ತದೆ. ಇದೇ ಗಾಳಿಯ ವೇಗ ಘಂಟೆಗೆ ಎಪ್ಪತ್ತನಾಲ್ಕು-ಎಪ್ಪತ್ತೈದು ಮೈಲಿಯಾದಾಗ ಅವು ಹರಿಕೇನ್ ಅಥವಾ ಚಂಡಮಾರುತ ಎನಿಸಿಕೊಳ್ಳುತ್ತದೆ. ಈ ಚಂಡಮಾರುತದಲ್ಲೂ ಐದು ಪ್ರಭೇದಗಳಿವೆ. ಗಾಳಿಯ ವೇಗ ಘಂಟೆಗೆ 74 ರಿಂದ 95 ಮೈಲುಗಳಾದರೆ ಅದು ಕೆಟಗರಿ 01 ಅಂತಾಗುತ್ತದೆ. ಇದೇ ಗಾಳಿಯ ವೇಗವು ಘಂಟೆಗೆ 157ಕ್ಕೂ ಅಧಿಕವಾದರೆ ಅದು ಕೆಟಗರಿ 05 ಎಂದಾಗುತ್ತದೆ. ಸಾಮಾನ್ಯವಾಗಿ ಭೂಪ್ರದೇಶ ಹೊಕ್ಕ ಕೆಟಗರಿ 01ರ ವೇಗವೇ ತಡೆದುಕೊಳ್ಳಲು ಮಹಾ ಕಷ್ಟ, ಅಂಥದ್ರಲ್ಲಿ, ಕೆಟಗರಿ 5ರ ಬಗ್ಗೆ ಊಹಿಸಿಕೊಳ್ಳದಿರುವುದೇ ಒಳಿತು.

hurricane

ಮಹಾಸಮುದ್ರದ ಸಾಂಗತ್ಯದಲ್ಲಿನ ಒಂದು ಹರಿಕೇನ್ ನೂರಾರು ಮೈಲಿ ವ್ಯಾಸ ಹೊಂದಿದ್ದು, ದೀಪಾವಳಿಯ ಸಮಯದಲ್ಲಿನ ಭೂಚಕ್ರ ಪಟಾಕಿಯನ್ನು ನೆನಪಿಸುವಂತೆ ಕಾಣುತ್ತದೆ. ಚಂಡಮಾರುತವೂ ಇದೇ ರೀತಿ ಸುರುಳಿಯಾಕಾರದಿ ಸುತ್ತುತ್ತಾ ಚಲಿಸುತ್ತದೆ. ಆರಂಭವಾಗೋದು ಸಾಮಾನ್ಯವಾಗಿಯೇ ಆರಂಭವಾದರೂ ಹಲವೊಮ್ಮೆ ಬೆಳೆಯುತ್ತಾ ಸಾಗಿ ಅತೀ ಪ್ರಬಲವಾಗಿ ಸಾಗುತ್ತಾ ಭೂಪ್ರದೇಶದತ್ತ ಸಾಗಲೂ ಬಹುದು ಅಥವಾ ಮಧ್ಯೆ ಎಲ್ಲೋ ಎಕ್ಸಿಟ್ ತೆಗೆದುಕೊಂಡು ಇನ್ನೆಲ್ಲೋ ಹೋಗಬಹುದು ಕೂಡಾ. ಎಷ್ಟೋ ಚಂಡಮಾರುತಗಳು ಮಹಾಸಮುದ್ರದಲ್ಲೇ ಹುಟ್ಟಿ ಅಲ್ಲೇ ಮುಕ್ತಿ ಕಾಣುತ್ತದೆ. ಕೆಲವೊಂದು ಹೇಳಹೆಸರಿಲ್ಲದೆ ಹೋಗುತ್ತವೆ ಕೂಡ. ಸಾಮಾನ್ಯವಾಗಿ ಜೂನ್ ಮತ್ತು ನವೆಂಬರ್ ತಿಂಗಳ ಮಧ್ಯೆ ಉಂಟಾಗುವ ಈ ಚಂಡಮಾರುತಕ್ಕೆ ಸಮುದ್ರದ ಒಳಗಿನ ಹಬೆಯೇ ಮೂಲಾಧಾರ. ಚಂಡಮಾರುತವು ಒಕ್ಕಣ್ಣ. ಇದರ ಕಣ್ಣು ಯಾವ ಪ್ರದೇಶದಲ್ಲಿ ಇರುತ್ತದೋ ಆ ಪ್ರದೇಶದಲ್ಲಿ ತೀವ್ರತೆ ಅತೀ ಹೆಚ್ಚು. ಈ ಕಣ್ಣಿನಿಂದ ವ್ಯಾಸದ ಒಳಗೆ ಯಾವ ಪ್ರದೇಶ ಎಷ್ಟು ದೂರದಲ್ಲಿದೆ ಎಂಬುದರ ಮೇಲೆ ಪ್ರಬಲತೆಯು ವ್ಯತ್ಯಾಸ ಹೊಂದುತ್ತದೆ.

ತವರಲ್ಲಿ ಹೆಂಡತಿ, ಮಗ, ಕುಟುಂಬಸ್ಥರ ಜೊತೆ ಬೆರೆತಾಗ..: ಶ್ರೀನಾಥ್ ಭಲ್ಲೆ ಅಮೆರಿಕ ಅನುಭವ ಕಥನ – ಭಾಗ 15
ಹರಿಕೇನ್ ಹೆಸರುಗಳನ್ನು A ಇಂದ ಹಿಡಿದು Z ವರೆಗೂ ಇಡಲಾಗುತ್ತದೆ. ಈ ಹೆಸರುಗಳ ಪಟ್ಟಿಯು ಒಟ್ಟು ಆರು ಇರುತ್ತವೆ, ಅರ್ಥಾತ್ ಆರು ವರ್ಷಗಳ ಕಾಲದವರೆಗೆ ಈ ಲಿಸ್ಟ್ ತಯಾರಿರುತ್ತದೆ. ಪ್ರತೀ ಆರು ವರ್ಷದ ನಂತರ ಮತ್ತೆ ಆರು ವರ್ಷದ ಆ ಹಿಂದಿನ ಲಿಸ್ಟ್ ಚಾಲ್ತಿಗೆ ಬರುತ್ತದೆ. ಆ ವರ್ಷದ ಲಿಸ್ಟ್‌ನಲ್ಲಿರುವ ಹೆಸರಿನ ಆ ಒಂದು ಹರಿಕೇನ್ ಹಾನಿಕಾರಕವಾದರೆ, ಮತ್ತೊಮ್ಮೆ ಈ ಹೆಸರಿನಿಂದ ಯಾವುದೇ ಹಾನಿಯಾಗದಿರಲಿ ಎಂಬ ಉದ್ದೇಶದಿಂದ, ಆ ಪಟ್ಟಿಯಿಂದ ಆ ಹೆಸರನ್ನು ಕಿತ್ತು ಹಾಕಲಾಗುತ್ತದೆ. ಆ ಜಾಗದಲ್ಲಿ ಬೇರೊಂದು ಹೆಸರು ಸೇರಿಕೊಳ್ಳುತ್ತದೆ. ಆರು ವರ್ಷದ ನಂತರ ಆ ಹೆಸರು ಚಾಲ್ತಿಗೆ ಬರುತ್ತದೆ.

ಈಗ ಒಂದು ಉದಾಹರಣೆ. 2003ರ ಲಿಸ್ಟ್‌ನ ಒಂಬತ್ತನೆಯ ಹೆಸರು, ಆ ವರ್ಷದ ಐದನೆಯ ಹರಿಕೇನ್, ಮತ್ತು ಆ ವರ್ಷದ ಎರಡನೆಯ ಹಾನಿಕಾರಕ ಹರಿಕೇನ್ ಆದ ಇಸಾಬೆಲ್. ಮುನ್ನೂರು ಮಿಲಿಯನ್ ಹಾನಿ ಮಾಡಿದ ಹರಿಕೇನ್ ಫ್ಯಾಬಿಯನ್ (Fabian) ನಂತರ ಬಂದ ಹರಿಕೇನ್ ಎಂದರೆ ಇಸಾಬೆಲ್ (Isabel). 2009ರ ಲಿಸ್ಟ್‌ನಿಂದ ಈ ಎರಡೂ ಹೆಸರುಗಳನ್ನು ಹೊರಹಾಕಲಾಗಿದೆ. ಫ್ಯಾಬಿಯನ್ ಜಾಗದಲ್ಲಿ ಫ್ರೆಡ್ (Fred) ಬಂತು, ಇಸಾಬೆಲ್ ಜಾಗದಲ್ಲಿ ಇಡಾ (Ida) ಬಂತು.

ಸಂಭ್ರಮದ ಹೊತ್ತಲ್ಲಿ ಅಮೆರಿಕದಿಂದ ಬಂತು ತುರ್ತು ಕರೆ..! ಶ್ರೀನಾಥ್ ಭಲ್ಲೆ ಅಮೆರಿಕ ಅನುಭವ ಕಥನ – ಭಾಗ 16
ಸಾಧಾರಣವಾಗಿ ಆರಂಭವಾಗಿ ಅಸಾಧಾರಣವಾಗಿ ಕೊನೆಗೊಂಡ ಈ ವಿಪತ್ತು ಏಳು ರಾಜ್ಯಗಳ ಮೇಲೆ ತನ್ನ ಪ್ರಭಾವ ಬೀರಿತ್ತು. ಮಹಾಸಮುದ್ರದಲ್ಲಿ Category 5 ಆಗಿದ್ದು ನಾವಿರುವ ರಾಜ್ಯವಾದ ವರ್ಜೀನಿಯಾ ಪ್ರವೇಶವಾದಾಗ Category 2 ಆಗಿತ್ತು. ಈ ಕೆಟಗರಿ 2 ಎಂದರೆ ಗಾಳಿಯ ವೇಗ ಘಂಟೆಗೆ 96ರಿಂದ 110 ಮೈಲಿಗಳು. ಆರಂಭದಿಂದ ಅಂತ್ಯದವರೆಗೆ 5.5 Billion ಡಾಲರ್ ಹಾನಿಯಾಗಿತ್ತು. ಇದರಲ್ಲಿ ನಮ್ಮ ರಾಜ್ಯದ ಕೊಡುಗೆ 2 Billion ಆಸುಪಾಸು. ಹದಿನಾರು ಮಂದಿಯ ಸಾವು ನೇರವಾಗಿ ಆಗಿದ್ದರೆ, 35 ಸಾವು ಹರಿಕೇನ್ ಸಂಬಂಧಿಯಾಗಿತ್ತು.

Category 2 ಗಾಳಿಯ ಜೊತೆ ಧಾರಾಕಾರವಾಗಿ ಸುರಿವ ಮಳೆಯಿಂದಾಗಿ ಏನಾಗುತ್ತೆ? ಭರೋ ಎಂದು ಬೀಸುವ ಗಾಳಿಯಲ್ಲಿ ಯಾವ ಛತ್ರಿಯೂ ಕೆಲಸಕ್ಕೆ ಬರೋದಿಲ್ಲ. ನಿಂತಿರುವ ಗಾಡಿಯನ್ನೇ ಸೆಳೆದು ಬಿಸುಡುವ ಗಾಳಿಗೆ, ಮರಗಳನ್ನು ಬುಡ ಮೇಲಾಗಿಸಿ ಮಲಗಿಸುವ ಗಾಳಿಗೆ, ಪೆಟ್ರೋಲ್ ಪಂಪಿನ ಛಾವಣಿಗಳನ್ನೇ ಕಿತ್ತೊಗೆವ ಗಾಳಿಗೆ, ಒಬ್ಬ ಮನುಷ್ಯನೇ ಒಂದು ಲೆಕ್ಕ ಇಲ್ಲ ಎಂದ ಮೇಲೆ, ಒಂದು ಛತ್ರಿ ಆ ಗಾಳಿಯನ್ನು ತಡೆದೀತೆ? ಹೀಗಿರುವ ಗಾಳಿಯನ್ನು ತಡೆವ ಶಕ್ತಿ ಯಾವುದೇ ಚಲಿಸುವ ವಾಹನಗಳಿಗೆ ಇಲ್ಲಾ ಎಂದೇ ಏರೋಪ್ಲೇನ್‌ಗಳು, ಟ್ರೈನ್‌ಗಳು, ದೊಡ್ಡ ಬಸ್ಸುಗಳು ಯಾವುದೇ ಆಗಲಿ ಕಾರ್ಯಕ್ಕೆ ಇಳಿಯುವುದಿಲ್ಲ. ಹಾಗೆಯೇ ಮಹಾಸಮುದ್ರದ ತೀರದಲ್ಲಿ ಯಾವುದೇ ಹಡಗು ಅಥವಾ ಸಬ್‌ಮರೀನ್‌ಗಳೂ ಇರುವುದಿಲ್ಲ, ಚಲಿಸುವ ಮಾತು ಬಿಡಿ. ಸಕಲ ಶಾಲಾ ಕಾಲೇಜುಗಳೂ ಒಂದು ವಾರದ ಕಾಲ ಬಂದ್ ಆಗಿತ್ತು. ಸಾವಿರಾರು ಮನೆಗಳು ಎಗರಿ ಹೋಗಿತ್ತು. ಇವುಗಳಲ್ಲಿ ಹೆಚ್ಚಿನವು ಸಮುದ್ರದ ತೀರದ beach houses ಸಹಿತ ನಿತ್ಯಜೀವನದ ವಾಸ್ತವ್ಯದ ಮನೆಗಳು ಕೂಡ.

ಸ್ನೇಹಿತರ ದಿನದ ಸ್ಪೆಷಲ್ ಫ್ರೆಂಡ್‌ಗಳ ವೃತ್ತಾಂತ: ಶ್ರೀನಾಥ್ ಭಲ್ಲೆ ಅಮೆರಿಕ ಅನುಭವ ಕಥನ – ಭಾಗ 17
ನಮ್ಮ ವಾಸ್ತವ್ಯ ಇರುವುದು ವರ್ಜೀನಿಯ ಬೀಚ್‌ಗೆ 100 ಮೈಲು ದೂರದಲ್ಲಿ. ಅಟ್ಲಾಂಟಿಕ್ ಮಹಾ ಸಮುದ್ರದಲ್ಲಿ ಉಂಟಾದ ಯಾವುದೇ ಸೈಕ್ಲೋನ್ ಅಥವಾ ಹರಿಕೇನ್, ಈ ಭಾಗದಲ್ಲಿ ಹಾದು ಹೋದಾಗ ನಮಗೆ ಅದರ ಪರಿಣಾಮ ನಿಶ್ಚಿತ. ಒಂದು ರೀತಿ ಈ ಅನುಭವ 2003ರಲ್ಲಿ ನಮಗೆ ಆಗಿದ್ದು ನಿಜ. ಆದರೆ ನಮ್ಮೂರಿನಲ್ಲಿ ಈ ಬಿಸಿ ತಟ್ಟಿದ್ದು 2004ರಲ್ಲಿ ಹರಿಕೇನ್ Gaston ನಮ್ಮೂರಿಗೆ ಹಲೋ ಹೇಳಲು ಬಂದಾಗ. ಸೈಕ್ಲೋನ್ ಆಗಿ ಬರಲು ತೊಡಗಿದ್ದು ನಮ್ಮಲ್ಲಿ ಬಂದಾಗ ಹರಿಕೇನ್ ಆಗಿದ್ದು ದುರಾದೃಷ್ಟ.

Downtownನ ಕನಿಷ್ಠ ಇಪ್ಪತ್ತು ಬ್ಲಾಕ್‌ಗಳು ನೀರಿನಲ್ಲಿ ಮುಳುಗಿತ್ತು. ನೂರಿಪ್ಪತ್ತಕ್ಕೂ ಹೆಚ್ಚು ರಸ್ತೆಗಳು ಬಂದ್ ಆಗಿತ್ತು. ಇದು ಕೆಟಗರಿ 01 ಮಾತ್ರ ಆಗಿದ್ದು ನಮ್ಮ ಪುಣ್ಯ. ಅಮೇರಿಕಾ ಇತಿಹಾಸ ಮರೆಯಲಾಗದ ಹರಿಕೇನ್ ಎಂದರೆ ಕಟ್ರೀನಾ (Katrina). ಲೂಸಿಯಾನಾ ರಾಜ್ಯದ New Orleans ನಗರವನ್ನು ಶೇಖಡಾ 80ರಷ್ಟು ನೀರಿನಲ್ಲಿ ಮುಳುಗಿಸಿ ಅಲ್ಲಿನ ಆರ್ಥಿಕ ವ್ಯವಸ್ಥೆಯನ್ನೇ ಬುಡಮೇಲಾಗಿಸಿತ್ತು. 2012ರ ಹರಿಕೇನ್ ಸ್ಯಾಂಡಿ (Sandy), ಎಂಟು ದೇಶಗಳ ಇಪ್ಪತ್ತ ನಾಲ್ಕು ರಾಜ್ಯಗಳ ಮೇಲೆ ತನ್ನ ಪ್ರಭಾವ ಬೀರಿ, 70 Billion ಡಾಲರ್ ನುಂಗಿ ಹಾಕಿತ್ತು.

ಕಣ್ಣಿಗೆ ಹಬ್ಬದಂತೆ ಕಾಣುವ ಡೌನ್‌ಟೌನ್‌ನಲ್ಲಿ ಯಾಮಾರಿದ್ರೆ ಅಪಾಯ..! ಶ್ರೀನಾಥ್ ಭಲ್ಲೆ ಅಮೆರಿಕ ಅನುಭವ ಕಥನ – ಭಾಗ 18
ಈ ಎಲ್ಲಾ ಸಂದರ್ಭಗಳಲ್ಲೂ, ಪ್ರತೀ ಬಾರಿಯೂ ನಾ ಕಂಡಂತೆ, ಪ್ರಕೃತಿಯ ವಿರುದ್ಧ ನಿಲ್ಲಲಾರದೆ ಸೋಲುವ ಮಾನವ, ಮಾನವೀಯತೆಯಲ್ಲಿ ಈ ವಿಕೋಪವನ್ನು ಸಡ್ಡು ಹೊಡೆದು ನಿಲ್ಲುತ್ತಾನೆ. ಸಹಾಯ ಹಸ್ತ ಚಾಚುವಲ್ಲಿ ಸದಾ ಮುಂದಾಗುತ್ತಾನೆ. ದಿನಸಿ ಪದಾರ್ಥಗಳು ದೊರೆಯದೇ ಹೋದ ಸಂದರ್ಭದಲ್ಲಿ, ವಿದ್ಯುತ್ ಇಲ್ಲದೇ ಪದಾರ್ಥಗಳಿದ್ದೂ ಅಡುಗೆ ಮಾಡಿಕೊಳ್ಳಲು ಆಗದೇ ಹೋದಾಗ, ಅನಿಲದ ಬಳಕೆ ಮಾಡಿ ಅಡುಗೆಯನ್ನು ಹಂಚಿದ ಉದಾಹರಣೆಗಳು ಹೇರಳ. ಹಾಲು, ಹಣ್ಣು, ಬ್ರೆಡ್ಡು, ನೀರು ಇತ್ಯಾದಿಗಳನ್ನು ಸಂಘ ಸಂಸ್ಥೆಗಳು ನೀಡಿವೆ. ಮನುಷ್ಯನೂ ಪ್ರಕೃತಿಯ ಒಂದು ಅಂಗವೇ ಅಲ್ಲವೇ?

ಇಂದಿನ ವಿಷಯದ ಬಗ್ಗೆ ನಿಮ್ಮ ಅನಿಸಿಕೆ? ಮುಂದಿನ ವಾರ ಒಂದಷ್ಟು ಖುಷಿ ಕೊಡುವ ಸ್ವಾರಸ್ಯಗಳ ಬಗ್ಗೆ ಮಾತನಾಡೋಣ ಆಯ್ತಾ..?

ಗಾಬರಿ ಹುಟ್ಟಿಸಿದ್ದ ಗ್ಯಾಸ್‌ ಸ್ಟೇಷನ್‌ಗಳು..! ಶ್ರೀನಾಥ್ ಭಲ್ಲೆ ಅಮೆರಿಕ ಅನುಭವ ಕಥನ – ಭಾಗ 19


Source link

x

Check Also

ವರಮಹಾಲಕ್ಷ್ಮೀ ಹಬ್ಬದ ದಿನ ಪ್ರಮುಖ ನಗರಗಳಲ್ಲಿ ಚಿನ್ನಾಭರಣ ಬೆಲೆ ಹೇಗಿದೆ ಗೊತ್ತಾ? ಈ ಸುದ್ದಿ ಓದಿ

ಹೈಲೈಟ್ಸ್‌: ಚಿನ್ನ ಬೆಳ್ಳಿಯ ದರದಲ್ಲಿ ಮತ್ತೆ ಮುಂದುವರಿದ ಹಾವು ಏಣಿಯಾಟ ಈ ವಾರ ಚಿನ್ನಾಭರಣ ಬೆಲೆ ಇಳಿಕೆಯ ಆಸೆ ಕಂಡಿದ್ದ ...