Home » Kannada News » ‘ದ್ರಾವಿಡ್‌ಗೆ ಆಸಕ್ತಿ ಇಲ್ಲ? ‘ : ಮುಖ್ಯ ಕೋಚ್‌ ಆಗಿ ರವಿಶಾಸ್ತ್ರಿ ಮುಂದುವರಿಯಲಿದ್ದಾರೆಂದ ಚೋಪ್ರಾ!

‘ದ್ರಾವಿಡ್‌ಗೆ ಆಸಕ್ತಿ ಇಲ್ಲ? ‘ : ಮುಖ್ಯ ಕೋಚ್‌ ಆಗಿ ರವಿಶಾಸ್ತ್ರಿ ಮುಂದುವರಿಯಲಿದ್ದಾರೆಂದ ಚೋಪ್ರಾ!

ಹೈಲೈಟ್ಸ್‌:

  • ರವಿಶಾಸ್ತ್ರಿ ಹೆಡ್‌ ಕೋಚ್‌ ಹುದ್ದೆಯಲ್ಲಿ ಮುಂದುವರಿಯಲಿದ್ದಾರೆ: ಚೋಪ್ರಾ ಭವಿಷ್ಯ
  • ದ್ರಾವಿಡ್‌ ಸ್ಪರ್ಧೆಗೆ ಇಳಿದರೆ ಮಾತ್ರ ರವಿಶಾಸ್ತ್ರಿಗೆ ಕಠಿಣ ಪೈಪೋಟಿ ಎದುರಾಗಲಿದೆ ಎಂದ ಆಕಾಶ್‌.
  • ರವಿಶಾಸ್ತ್ರಿ ಸದ್ಯ ಇಂಗ್ಲೆಂಡ್‌ ಪ್ರವಾಸದಲ್ಲಿ ಟೀಮ್‌ ಇಂಡಿಯಾ ಜೊತೆ ಇದ್ದಾರೆ.

ಹೊಸದಿಲ್ಲಿ: ರಾಹುಲ್‌ ದ್ರಾವಿಡ್‌ ಮುಖ್ಯ ತರಬೇತುದಾರ ಹುದ್ದೆಗೆ ಆಸಕ್ತಿ ತೋರಿಸುವುದು ಅನುಮಾನ. ಹಾಗಾಗಿ, ರವಿಶಾಸ್ತ್ರಿ ಟೀಮ್‌ ಇಂಡಿಯಾದ ಹೆಡ್‌ ಕೋಚ್‌ ಆಗಿ ಮುಂದುವರಿಯಲಿದ್ದಾರೆಂದು ಭಾರತದ ಮಾಜಿ ಆರಂಭಿಕ ಬ್ಯಾಟ್ಸ್‌ಮನ್‌ ಆಕಾಶ್‌ ಚೋಪ್ರಾ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

2019ರ ಏಕದಿನ ವಿಶ್ವಕಪ್‌ ಟೂರ್ನಿಯ ಬಳಿಕ ರವಿಶಾಸ್ತ್ರಿ ಅವರ ಮುಖ್ಯ ಕೋಚ್‌ ಗುತ್ತಿಗೆ ಅವಧಿಯನ್ನು ಸತತ ಎರಡನೇ ಬಾರಿ ಮುಂದುವರಿಸಲಾಗಿತ್ತು. ಆದರೆ, ಮುಂಬರುವ 2021ರ ಐಸಿಸಿ ಟಿ20 ವಿಶ್ವಕಪ್‌ ಟೂರ್ನಿ ವೇಳೆಗೆ ಅವರ ಅವಧಿ ಅಂತ್ಯವಾಗಲಿದೆ. ಈ ಹಿನ್ನೆಲೆಯಲ್ಲಿ ಬಿಸಿಸಿಐ ಈ ಹುದ್ದೆಯ ಅರ್ಜಿ ಆಹ್ವಾನಿಸಬಹುದು.

ಯೂಟ್ಯೂಬ್‌ ಚಾನೆಲ್‌ನಲ್ಲಿ ಅಪ್‌ಲೋಡ್‌ ಮಾಡಿರುವ ವಿಡಿಯೋದಲ್ಲಿ ಮಾತನಾಡಿರುವ ಆಕಾಶ್‌ ಚೋಪ್ರಾ, ರವಿಶಾಸ್ತ್ರಿ ಅವರಿಂದ ಟೀಮ್‌ ಇಂಡಿಯಾ ಹೆಡ್‌ ಕೋಚ್‌ ಹುದ್ದೆಯನ್ನು ಪಡೆದುಕೊಳ್ಳುವ ನಿಜವಾದ ಸ್ಪರ್ಧಿ ರಾಹುಲ್‌ ದ್ರಾವಿಡ್‌. ಆದರೆ, ಅವರು ಈ ರೇಸ್‌ಗೆ ಬರುವುದು ಅನುಮಾನ ಎಂದು ಹೇಳಿದ್ದಾರೆ.

ಶ್ರೀಲಂಕಾ ವಿರುದ್ಧ 3ನೇ ಪಂದ್ಯಕ್ಕೆ ಭಾರತ ಪ್ಲೇಯಿಂಗ್‌ XIನಲ್ಲಿ ಎರಡು ಬದಲಾವಣೆ?

“ಮುಖ್ಯ ತರಬೇತದಾರ ಹುದ್ದೆಯ ರೇಸ್‌ ಪಟ್ಟಿಯಲ್ಲಿ ತಮ್ಮ ಹೆಸರು ಸೇರಿಸಲು ರಾಹುಲ್‌ ದ್ರಾವಿಡ್‌ ಮುಂದಾಗಲಿದ್ದಾರೆಂದು ನಾನು ಬಯಸುವುದಿಲ್ಲ. ಆದರೆ, ಇಂಡಿಯಾ ಕೋಚ್‌ ಆಗಬೇಕೆಂದು ದ್ರಾವಿಡ್‌ ಬಯಸಿದ್ದೇ ಆದಲ್ಲಿ ರವಿಶಾಸ್ತ್ರಿಗೆ ಒಂದೇ ಒಂದು ಕಠಿಣ ಸ್ಪರ್ಧೆ ಎದುರಾಗಲಿದೆ,” ಎಂದು ಅಭಿಪ್ರಾಯ ಪಟ್ಟರು.

ಮುಖ್ಯ ತರಬೇತುದಾರ ಹುದ್ದೆಯ ರೇಸ್‌ನಲ್ಲಿ ರಾಹುಲ್‌ ದ್ರಾವಿಡ್‌ ಇಲ್ಲವಾದಲ್ಲಿ, ರವಿಶಾಸ್ತ್ರಿ ಸುಲಭವಾಗಿ ತಮ್ಮ ಹುದ್ದೆಯನ್ನು ಉಳಿಸಿಕೊಳ್ಳಲಿದ್ದಾರೆಂದು ಆಕಾಶ್‌ ಚೋಪ್ರಾ ತಿಳಿಸಿದರು.

IND vs ENG: ರಿಷಭ್ ಪಂತ್ ಭಾರತೀಯ ಕ್ರಿಕೆಟ್‌ನ ಭವಿಷ್ಯ ಎಂದ ಪಾರ್ಥಿವ್ ಪಟೇಲ್!

“ರಾಹುಲ್‌ ದ್ರಾವಿಡ್‌ ಹೊರತಾಗಿ ಬೇರೆ ಯಾರೇ ಮುಖ್ಯ ತರಬೇತುದಾರ ಹುದ್ದೆಗೆ ಅರ್ಜೆ ಹಾಕಿದರೂ, ರವಿಶಾಸ್ತ್ರಿ ಅವರನ್ನು ಮೀರಿಸಲು ಸಾಧ್ಯವಿಲ್ಲ. ಹಾಗಾಗಿ, ಅವರು ಸುಲಭವಾಗಿ ತಮ್ಮ ಹುದ್ದೆಯಲ್ಲಿ ಮುಂದುವರಿಯಲಿದ್ದಾರೆ,” ಎಂದು ಮಾಜಿ ಆಟಗಾರ ಹೇಳಿದ್ದಾರೆ.

ಈ ಹಿಂದೆ ರಾಹುಲ್‌ ದ್ರಾವಿಡ್‌ಗೆ ಭಾರತ ತಂಡದ ಮುಖ್ಯ ಕೋಚ್‌ ಆಗುವ ಅವಕಾಶ ಸಿಕ್ಕಿತ್ತು. ಆದರೆ, ಅದನ್ನು ಅವರು ನಿರಾಕರಿಸಿದ್ದರು. ಇದೀಗ ಶ್ರೀಲಂಕಾ ಪ್ರವಾಸ ಮಾಡಿರುವ ಭಾರತ ತಂಡಕ್ಕೆ ಮುಖ್ಯ ಕೋಚ್‌ ಆಗಿ ದ್ರಾವಿಡ್‌ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಅವರ ಅಡಿಯಲ್ಲಿ ಭಾರತ ತಂಡ ಎರಡು ಓಡಿಐ ಪಂದ್ಯಗಳನ್ನು ಗೆದ್ದುಕೊಂಡಿದೆ ಹಾಗೂ ಇನ್ನೂ ಒಂದು ಪಂದ್ಯ ಬಾಕಿ ಇರುವಾಗಲೇ ಓಡಿಐ ಸರಣಿಯನ್ನು ಧವನ್‌ ಪಡೆ ವಶಪಡಿಸಿಕೊಂಡಿದೆ.

ಭಾರತ-ಇಂಗ್ಲೆಂಡ್‌ ನಡುವೆ ಟೆಸ್ಟ್ ಸರಣಿ ಗೆಲ್ಲುವ ನೆಚ್ಚಿನ ತಂಡ ಹೆಸರಿಸಿದ ಪಟೇಲ್‌!

“ಮುಂದಿನ ಅವಧಿಯಲ್ಲಿ ಕೋಚ್‌ ಹುದ್ದೆ ಬದಲಾವಣೆಯಾಗಲಿದೆ ಎಂದು ನಾನು ಭಾವಿಸುವುದಿಲ್ಲ. ರವಿಶಾಸ್ತ್ರಿ ಅವರೇ ಮುಂದುವರಿಯಬಹುದು. ಏಕೆಂದರೆ, ಅರ್ಜಿ ಆಹ್ವಾನಿಸಬೇಕು, ಸಂದರ್ಶನ ಸೇರಿದಂತೆ ಇದಕ್ಕೆ ಸಾಕಷ್ಟು ಪ್ರಕ್ರಿಯೆಗಳಿವೆ. ಹಾಗಾಗಿ, ರವಿಶಾಸ್ತ್ರಿ ಅವರನ್ನು ಬಿಸಿಸಿಐ ಬದಲಾಯಿಸಲಿದೆ ಎಂದು ನಾನು ಭಾವಿಸುವುದಿಲ್ಲ,” ಎಂದರು.

“ಈ ಟಿ20 ವಿಶ್ವಕಪ್‌ ಜೊತೆಗೆ ಒಂದು ವರ್ಷದ ಅಂತರದಲ್ಲಿ ಮತ್ತೊಂದು ಟಿ20 ವಿಶ್ವಕಪ್‌ ಟೂರ್ನಿ ಬರಲಿದೆ. ಇದಾದ ಬಳಿಕ ಐಸಿಸಿ ಏಕದಿನ ವಿಶ್ವಕಪ್‌ ಟೂರ್ನಿ ಕೂಡ ಇದೆ. ಅದಲ್ಲದೆ, ಭಾರತ ಉದ್ಘಾಟನಾ ಆವೃತ್ತಿಯ ವಿಶ್ವ ಟೆಸ್ಟ್‌ ಚಾಂಪಿಯನ್‌ಷಿಪ್‌ ಫೈನಲ್‌ಗೆ ತಲುಪಿತ್ತು. ಸದ್ಯ ತಂಡ ಉತ್ತಮ ಪ್ರದರ್ಶನವನ್ನೇ ತೋರುತ್ತಿದೆ. ಹಾಗಾಗಿ, ಹೆಡ್‌ ಕೋಚ್‌ ಬದಲಾಯಿಸುವ ಅಗತ್ಯ ಸದ್ಯಕ್ಕೆ ಇಲ್ಲ,” ಎಂದು ಆಕಾಶ್‌ ಚೋಪ್ರಾ ಹೇಳಿದರು.

ಗಿಲ್‌ ಬಳಿಕ ಭಾರತದ ವೇಗಿ ಅವೇಶ್ ಖಾನ್‌ ಕೂಡ ಇಂಗ್ಲೆಂಡ್‌ ಪ್ರವಾಸದಿಂದ ಔಟ್‌!


Source link

x

Check Also

ಟೋಕಿಯೋ ಒಲಿಂಪಿಕ್ಸ್‌: ಭಾರತಕ್ಕೆ ಬೆಳ್ಳಿ ಗೆದ್ದುಕೊಟ್ಟ ಕುಸ್ತಿಪಟು ರವಿ ಕುಮಾರ್!

ಹೈಲೈಟ್ಸ್‌: ಟೋಕಿಯೋ ಒಲಿಂಪಿಕ್ಸ್‌ ಕ್ರೀಡಾ ಕೂಟದ ಕುಸ್ತಿ ಸ್ಪರ್ಧೆ. ಪುರುಷರ 57 ಕೆಜಿ ಫ್ರೀ ಸ್ಟೈಲ್ ಕುಸ್ತಿ ಸ್ಪರ್ಧೆಯಲ್ಲಿ ಭಾರತಕ್ಕೆ ...