Home » Kannada News » ಪತ್ನಿ ಹೋದ್ಮೇಲೆ ತನಗಿಂತ 14 ವರ್ಷ ಚಿಕ್ಕವಳ ಜೊತೆ ರಿಲೇಶನ್‌ಶಿಪ್‌ನಲ್ಲಿ ಇದ್ದಿದ್ದಕ್ಕೆ ಪಶ್ಚಾತ್ತಾಪ ಆಯ್ತು: ರಾಹುಲ್ ದೇವ್

ಪತ್ನಿ ಹೋದ್ಮೇಲೆ ತನಗಿಂತ 14 ವರ್ಷ ಚಿಕ್ಕವಳ ಜೊತೆ ರಿಲೇಶನ್‌ಶಿಪ್‌ನಲ್ಲಿ ಇದ್ದಿದ್ದಕ್ಕೆ ಪಶ್ಚಾತ್ತಾಪ ಆಯ್ತು: ರಾಹುಲ್ ದೇವ್

ಪತ್ನಿ ಸತ್ತಮೇಲೆ ಇನ್ನೊಬ್ಬಳ ಜೊತೆ ಡೇಟ್‌ನಲ್ಲಿ ಇದ್ದಿದ್ದಕ್ಕೆ ಪಶ್ಚಾತ್ತಾಪ ಪಟ್ಟುಕೊಂಡೆ ಎಂದು ಖ್ಯಾತ ನಟ ರಾಹುಲ್ ದೇವ್ ಅವರು ಇತ್ತೀಚೆಗೆ ನೀಡಿದ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ. ಯಾಕೆ ರಾಹುಲ್ ಹೀಗೆ ಹೇಳಿದರು? ರಾಹುಲ್ ಪತ್ನಿ ಹೇಗೆ ತೀರಿಕೊಂಡರು? ಎಂಬ ಬಗ್ಗೆ ಮಾಹಿತಿ ಇಲ್ಲಿದೆ.

ಖ್ಯಾತ ಖಳನಟ ರಾಹುಲ್ ದೇವ್ ಅವರು ನಟಿ ಮುಗ್ಧಾ ಗೋಡ್ಸೆ ಜೊತೆ ಎಂಟು ವರ್ಷಗಳ ಕಾಲ ಡೇಟ್ ಮಾಡಿದ್ದರು. ಆ ಬಗ್ಗೆ ನನಗೆ ಪಶ್ಚಾತ್ತಾಪವಿದೆ ಎಂದು ಹೇಳಿಕೊಂಡಿದ್ದಾರೆ. ರಾಹುಲ್ ಪತ್ನಿ ರೀನಾ ದೇವ್ ಅವರು ಕ್ಯಾನ್ಸರ್ ವಿರುದ್ಧ ಹೋರಾಡಿ ಕೊನೆಗೆ 2009ರಲ್ಲಿ ತೀರಿಕೊಂಡಿದ್ದರು. 2013ರಿಂದ ರಾಹುಲ್, ನಟಿ ಮುಗ್ಧಾ ಜೊತೆ ಡೇಟ್‌ನಲ್ಲಿದ್ದರು. ಎಂಟು ವರ್ಷಗಳ ಕಾಲದಿಂದ ಈ ಜೋಡಿ ಒಟ್ಟಿಗಿದೆ.

33 ವರ್ಷದ ನಟಿಯೊಂದಿಗೆ ಡೇಟಿಂಗ್ ಮಾಡುತ್ತಿರುವ 51 ವರ್ಷದ ಖಳನಟನ ರಿಯಾಕ್ಷನ್ ಇದು!

“ನಾನು ಮದುವೆಯಾದಾಗ ನಾನು ಮದುವೆಯಾಗಿದ್ದೇನೆ ಅಂತ ಹೇಳದೆ ಮುಚ್ಚಿಟ್ಟುಕೊಳ್ಳಲೇ ಇಲ್ಲ. ಆ ಸಮಯದಲ್ಲಿ ನಾನು ಸಿನಿಮಾ ಕೂಡ ಮಾಡಿರಲಿಲ್ಲ. ಜೀವನದಲ್ಲಿ ಕೆಲವೇ ಕೆಲವು ನಿಜವಾದ ವಿಷಯಗಳಿರುತ್ತವೆ. ನಮಗೂ ಕನಸಿದ್ದು, ಈಡೇರಿಸಿಕೊಳ್ಳಲು ಓಡುತ್ತಿರುತ್ತೇವೆ, ನಿಮಗೆ ನಿಮ್ಮ ಜೀವನದಲ್ಲಿ ಯಾರಾದರೂ ಮುಖ್ಯವಾದ ವ್ಯಕ್ತಿಯಿದ್ದರೆ ಯಾಕೆ ನೀವು ಮುಚ್ಚಿಟ್ಟುಕೊಳ್ಳುತ್ತೀರಿ ಅಂತ ನನಗೆ ಅರ್ಥ ಆಗೋದಿಲ್ಲ. ನನ್ನ ಡೇಟಿಂಗ್ ವಿಚಾರ ನನ್ನ ಮಗನಿಗೆ ತಿಳಿದಾಗ ಅವನು ಯಾವ ರೀತಿ ಪ್ರತಿಕ್ರಿಯಿಸುತ್ತಾನೆ ಎಂಬುದಿತ್ತು, ಆದರೆ ಆ ವಿಚಾರ ಅವನಿಗೆ ತಿಳಿದಾಗ ಏನೂ ಹೇಳಲಿಲ್ಲ” ಎಂದು ರಾಹುಲ್ ದೇವ್ ಹೇಳಿದ್ದಾರೆ.

ಸ್ಯಾಂಡಲ್‍ವುಡ್‌ನಲ್ಲಿ ಮತ್ತೆ ಅಬ್ಬರಿಸಲಿರುವ ನಟ ರಾಹುಲ್ ದೇವ್

“ಮುಗ್ಧಾ ಜೊತೆ ನಾನು ಇರೋ ಬಗ್ಗೆ ಮಗನಿಗೆ ಹೇಳಲು ಮುಜುಗರಪಟ್ಟಿದ್ದೆ. ನನ್ನ ಪ್ರಕಾರ ಯಾವ ವ್ಯಕ್ತಿ ಮೊದಲ ಸಂಬಂಧದಲ್ಲಿ ಉತ್ತಮನಾಗಿ ಇರುತ್ತಾನೋ ಅವನಿಗೆ ಈ ದಿನ, ಈ ವಯಸ್ಸಿನಲ್ಲಿ ಯಾವುದು ಸರಿ ಅಂತ ಗೊತ್ತಿರತ್ತೆ. ನೀವು ಜೀವನದಲ್ಲಿ ಮುಂದುವರಿದರೆ ನಿಮ್ಮವರಿಗೆ ಬೇಸರ ಆಗಬಹುದು ಎಂದು ಯೋಚಿಸುತ್ತೀರಿ” ಎಂದು ರಾಹುಲ್ ಹೇಳಿದ್ದರು.

ಮುಗ್ಧಾ 2008ರ ‘ಫ್ಯಾಷನ್’ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಕಾಲಿಟ್ಟರು. ಆಮೇಲೆ ರಾಹುಲ್, ಮುಗ್ಧಾ ಪರಸ್ಪರ ಇಷ್ಟಪಟ್ಟು ಡೇಟ್ ಮಾಡುತ್ತಿದ್ದರು. ಈ ಬಗ್ಗೆ ಮಾತನಾಡಿದ್ದ ಮುಗ್ಧಾ “ನನಗೂ, ರಾಹುಲ್‌ಗೂ 14 ವರ್ಷದ ವಯಸ್ಸಿನ ಅಂತರವಿದೆ. ನನ್ನ ಪಾಲಕರ ಮಧ್ಯೆ 10 ವರ್ಷ ಗ್ಯಾಪ್ ಇತ್ತು. ಹೀಗಾಗಿ ಅದೆಲ್ಲ ಸಮಸ್ಯೆ ಅಲ್ಲ. ನೀವು ಖುಷಿಯಾಗಿದ್ದರೆ ವಯಸ್ಸು ಮುಂತಾದ ವಿಷಯಗಳು ಲೆಕ್ಕಕ್ಕೆ ಬರೋದಿಲ್ಲ” ಎಂದು ಹೇಳಿದ್ದಾರೆ.

ಪುನೀತ್ ರಾಜ್‌ಕುಮಾರ್ ಅಭಿನಯದ ‘ಬಿಂದಾಸ್’, ‘ಓಂಕಾರ್’, ‘ಸೌಂದರ್ಯ’, ‘ಬೊಂಬಾಟ್’, ‘ಯೋಧ’, ‘ಅಭಿಮನ್ಯು’, ‘ರಣಂ’ ಸಿನಿಮಾಗಳಲ್ಲಿ ನಟಿಸಿದ್ದಾರೆ.


Source link

x

Check Also

ಚಂಡಮಾರುತದ ರೌದ್ರ ರೂಪ ಕಂಡಾಗ.. ಶ್ರೀನಾಥ್ ಭಲ್ಲೆ ಅಮೆರಿಕ ಅನುಭವ ಕಥನ – ಭಾಗ 20

ಕಳೆದ ವಾರ ಮನುಷ್ಯನ ಮಾನಸಿಕ ಅಸ್ವಸ್ಥತೆಯಿಂದ ಆದ ವೈಪರೀತ್ಯ ನೋಡಿದ್ದೆವು. ಅವನಿಂದ ಗುಂಡುಗಳು ಹಾರಿದವು, ಸಿಕ್ಕಿಕೊಂಡ ಮೇಲೆ ವಿಚಾರಣೆಯಾಯ್ತು, ಇಂಜೆಕ್ಷನ್ ...