Home » Kannada News » ಭಾರತದಲ್ಲಿ 2030ಕ್ಕೆ ಇ-ಕಾಮರ್ಸ್‌ ಮಾರುಕಟ್ಟೆ 2.96 ಲಕ್ಷ ಕೋಟಿ ರೂ.ಗೆ ವೃದ್ಧಿ

ಭಾರತದಲ್ಲಿ 2030ಕ್ಕೆ ಇ-ಕಾಮರ್ಸ್‌ ಮಾರುಕಟ್ಟೆ 2.96 ಲಕ್ಷ ಕೋಟಿ ರೂ.ಗೆ ವೃದ್ಧಿ

ಹೈಲೈಟ್ಸ್‌:

  • 2019ರಲ್ಲಿ ಸುಮಾರು 29,600 ಕೋಟಿ ರೂ. ಮೌಲ್ಯವಿದ್ದ ಭಾರತದ ಇ-ಕಾಮರ್ಸ್‌ ಮಾರುಕಟ್ಟೆ
  • ಮುಂಬರುವ ವರ್ಷಗಳಲ್ಲಿ ಇ-ಕಾಮರ್ಸ್‌ ಮಾರುಕಟ್ಟೆ ಭಾರಿ ಬೆಳವಣಿಗೆ ದಾಖಲಿಸಲಿದೆ ಎಂದ ವರದಿ
  • 2030ರ ವೇಳೆಗೆ ಸುಮಾರು 2.96 ಲಕ್ಷ ಕೋಟಿ ರೂ. ಏರಿಕೆಯಾಗಬಹುದು ಎಂದ ಕಿಯಾರ್ನೆ ಏಜೆನ್ಸಿ

ಹೊಸದಿಲ್ಲಿ: ಭಾರತದಲ್ಲಿ ಇ-ಕಾಮರ್ಸ್‌ ಮಾರುಕಟ್ಟೆಯ ಮೌಲ್ಯ 2030ರ ವೇಳೆಗೆ 40 ಶತಕೋಟಿ ಡಾಲರ್‌ಗೆ (ಸುಮಾರು 2.96 ಲಕ್ಷ ಕೋಟಿ ರೂ.) ಏರಿಕೆಯಾಗಬಹುದು ಎಂದು ಕಿಯಾರ್ನೆ ಏಜೆನ್ಸಿ ತಿಳಿಸಿದೆ.

2019ರಲ್ಲಿ 4 ಶತಕೋಟಿ ಡಾಲರ್‌ (ಸುಮಾರು 29,600 ಕೋಟಿ ರೂ.) ಮೌಲ್ಯವಿದ್ದ ದೇಶದ ಇ-ಕಾಮರ್ಸ್‌ ಮಾರುಕಟ್ಟೆ ಮುಂಬರುವ ವರ್ಷಗಳಲ್ಲಿ ಭಾರಿ ಬೆಳವಣಿಗೆ ದಾಖಲಿಸಲಿದೆ ಎಂದು ವರದಿಯು ಅಂದಾಜಿಸಿದೆ.

ಕಾರಣವೇನು?

ಭಾರತದಲ್ಲಿ ಇ-ಕಾಮರ್ಸ್‌ ನಗರ ಪ್ರದೇಶಗಳಿಗೆ ಸೀಮಿತವಾಗಿರದೆ, ಎರಡನೇ ಸ್ತರದ ನಗರಗಳನ್ನು ದಾಟಿ ಮೂರು ಮತ್ತು ನಾಲ್ಕನೇ ಸ್ತರದ ಪಟ್ಟಣಗಳಿಗೂ ವಿಸ್ತರಿಸುತ್ತಿದೆ. ಜನರೂ ಆನ್‌ಲೈನ್‌ ಮೂಲಕ ಉತ್ಪನ್ನಗಳ ಖರೀದಿಗೆ ಒಲವು ವ್ಯಕ್ತಪಡಿಸುತ್ತಿದ್ದಾರೆ. ಇದು ಭಾರತದ ರಿಟೇಲ್‌ ಮಾರುಕಟ್ಟೆಯಲ್ಲಿ ಭಾರಿ ಬದಲಾವಣೆಗೆ ಕಾರಣವಾಗುತ್ತಿದೆ.

ಇ-ಕಾಮರ್ಸ್ ದೈತ್ಯ ಅಮೆಜಾನ್, ಫ್ಲಿಪ್‌ಕಾರ್ಟ್‌ ಎದುರು ‘ಯುಪಿಐ’ ಇ-ಕಾಮರ್ಸ್‌ ಯೋಜಿಸಲಿದೆ ಮೋದಿ ಸರಕಾರ!
ಲೈಫ್‌ಸ್ಟೈಲ್‌ ರಿಟೇಲ್‌, ಅಪಾರೆಲ್‌, ಪಾದರಕ್ಷೆ, ಫ್ಯಾಷನ್‌ ಆಕ್ಸೆಸರೀಸ್‌, ಕಾಸ್ಮೆಟಿಕ್ಸ್‌ ವಲಯದಲ್ಲಿ ಆನ್‌ಲೈನ್‌ ವಹಿವಾಟು ಗಣನೀಯವಾಗಿ ವೃದ್ಧಿಸುತ್ತಿದೆ ಎಂದು ಕಿಯಾರ್ನೆ ಪಾರ್ಟ್ನರ್‌ನ ಸಿದ್ಧಾರ್ಥ್‌ ಜೈನ್‌ ತಿಳಿಸಿದ್ದಾರೆ.


Source link

x

Check Also

ಫೋರ್ಬ್ಸ್‌ 100 ಶ್ರೀಮಂತರ ಪಟ್ಟಿ: ಮೊದಲ ಸ್ಥಾನದಲ್ಲೇ ಮುಂದುವರಿದ ಮುಕೇಶ್‌ ಅಂಬಾನಿ

ಹೈಲೈಟ್ಸ್‌: ಫೋರ್ಬ್ಸ್‌ 100 ಶ್ರೀಮಂತರ ಪಟ್ಟಿ ಪ್ರಕಟ ಮೊದಲ ಸ್ಥಾನದಲ್ಲೇ ಮುಂದಿವರಿದ ರಿಲಯನ್ಸ್‌ ಅಧ್ಯಕ್ಷ ಮುಕೇಶ್‌ ಅಂಬಾನಿ ಗೌತಮ್‌ ಅದಾನಿಗೆ ...