Home » Kannada News » ಮಂಗಳೂರು: ಕೊರಗಜ್ಜ ಭಾವಚಿತ್ರ ಅಶ್ಲೀಲಗೊಳಿಸಿ ಜಾಲತಾಣದಲ್ಲಿ ಹರಿಯಬಿಟ್ಟ ವ್ಯಕ್ತಿ ವಿರುದ್ಧ ದೂರು!

ಮಂಗಳೂರು: ಕೊರಗಜ್ಜ ಭಾವಚಿತ್ರ ಅಶ್ಲೀಲಗೊಳಿಸಿ ಜಾಲತಾಣದಲ್ಲಿ ಹರಿಯಬಿಟ್ಟ ವ್ಯಕ್ತಿ ವಿರುದ್ಧ ದೂರು!

ಹೈಲೈಟ್ಸ್‌:

  • ಕೊರಗಜ್ಜ ಭಾವಚಿತ್ರ ಅಶ್ಲೀಲಗೊಳಿಸಿ ವಿಕೃತಿ ಮೆರೆದ ವ್ಯಕ್ತಿ
  • ವಿದೇಶದಲ್ಲಿ ಕುಳಿತು ಕುಕೃತ್ಯ ಮೆರೆದವನ ವಿರುದ್ಧ ದೂರು
  • ಬಜಪೆ ಠಾಣೆಯಲ್ಲಿ ದೂರು ದಾಖಲಿಸಿದ ಜಾಗರಣ ವೇದಿಕೆ

ಬಜಪೆ: ತುಳುನಾಡಿನ ದೈವ ಕೊರಗಜ್ಜ ಭಾವಚಿತ್ರವನ್ನು ಅಶ್ಲೀಲವಾಗಿ ರಚಿಸಿ ಸಾಮಾಜಿಕ ಜಾಲತಾಣದಲ್ಲಿ ಹರಿಯಬಿಟ್ಟ ಪ್ರಕರಣದ ಬಗ್ಗೆ ಹಿಂದೂ ಜಾಗರಣ ವೇದಿಕೆ ಬಜಪೆ ಠಾಣೆಯಲ್ಲಿ ದೂರು ದಾಖಲಿಸಿದೆ.

ಕೊರಗಜ್ಜ ದೈವದ ಭಾವಚಿತ್ರವನ್ನು ತೀರಾ ಅಸಹ್ಯವಾಗಿ ಚಿತ್ರೀಕರಿಸಿ ಜಾಲತಾಣದಲ್ಲಿ ಹರಿಯಬಿಟ್ಟ ವ್ಯಕ್ತಿಯು ವಿದೇಶದಲ್ಲಿ ನೆಲೆಸಿರುವ ಬಗ್ಗೆ ಸುಳಿವು ದೊರೆತಿದ್ದು ಆತನ ದೂರವಾಣಿ ಸಂಖ್ಯೆ ಲಭ್ಯವಾಗಿದೆ. ಆರೋಪಿಯನ್ನು ಶೀಘ್ರ ಬಂಧಿಸಿ ಕಠಿಣ ಶಿಕ್ಷೆಗೊಳಪಡಿಸಬೇಕು ಎಂದು ಹಿಂದೂ ಜಾಗರಣ ವೇದಿಕೆ ದೂರಿನಲ್ಲಿ ಒತ್ತಾಯಿಸಿದೆ.

ಹಿಂಜಾವೇ ಜಿಲ್ಲಾಕಾರ್ಯದರ್ಶಿ ಹರೀಶ್‌ ಮಟ್ಟಿ, ಸಾಮಾಜಿಕ ಕಾರ್ಯಕರ್ತ ಭರತ್‌ ಎಸ್‌. ಕರ್ಕೇರ, ಹಿಂಜಾವೇ ತಾಲೂಕು ಪ್ರಧಾನ ಕಾರ್ಯದರ್ಶಿ ಸಜೇಶ್‌ ಕಂದಾವರ, ಅಶೋಕ್‌ ಕುಮಾರ್‌, ಸಂದೀಪ್‌ ಮಟ್ಟ, ನವೀನ್‌, ದಿನೇಶ್‌, ನಿಧಿ ಮಳಲಿ ಅವರನ್ನೊಳಗೊಂಡ ತಂಡ ಬಜಪೆ ಇನ್ಸ್‌ಪೆಕ್ಟರ್‌ ಸಂದೇಶ್‌ ಪಿ.ಜಿ. ಅವರಿಗೆ ದೂರು, ಮನವಿ ನೀಡಿದೆ.

ತುಳುನಾಡಲ್ಲಿ ಕೊರಗಜ್ಜ ದೈವದ ಪವಾಡಕ್ಕೆ ಬೆರಗಾದ ಭಕ್ತರು!


Source link

x

Check Also

ವರಮಹಾಲಕ್ಷ್ಮೀ ಹಬ್ಬದ ದಿನ ಪ್ರಮುಖ ನಗರಗಳಲ್ಲಿ ಚಿನ್ನಾಭರಣ ಬೆಲೆ ಹೇಗಿದೆ ಗೊತ್ತಾ? ಈ ಸುದ್ದಿ ಓದಿ

ಹೈಲೈಟ್ಸ್‌: ಚಿನ್ನ ಬೆಳ್ಳಿಯ ದರದಲ್ಲಿ ಮತ್ತೆ ಮುಂದುವರಿದ ಹಾವು ಏಣಿಯಾಟ ಈ ವಾರ ಚಿನ್ನಾಭರಣ ಬೆಲೆ ಇಳಿಕೆಯ ಆಸೆ ಕಂಡಿದ್ದ ...