Home » Kannada News » ರಹಾನೆಗಿಂತಲೂ ಪೂಜಾರಗೆ ಈ ಸರಣಿ ಅಗ್ನಿ ಪರೀಕ್ಷೆಯಾಗಿದೆ ಎಂದ ಚೋಪ್ರಾ!

ರಹಾನೆಗಿಂತಲೂ ಪೂಜಾರಗೆ ಈ ಸರಣಿ ಅಗ್ನಿ ಪರೀಕ್ಷೆಯಾಗಿದೆ ಎಂದ ಚೋಪ್ರಾ!

ಹೈಲೈಟ್ಸ್‌:

  • ಭಾರತ-ಇಂಗ್ಲೆಂಡ್‌ ನಡುವಣ ಐದು ಪಂದ್ಯಗಳ ಟೆಸ್ಟ್ ಕ್ರಿಕೆಟ್ ಸರಣಿ.
  • ಟೀಮ್ ಇಂಡಿಯಾದ ಅನುಭವಿ ಬ್ಯಾಟ್ಸ್‌ಮನ್‌ಗಳಿಗೆ ಅಗ್ನಿ ಪರೀಕ್ಷೆ.
  • ಚೇತೇಶ್ವರ್‌ ಪೂಜಾರ ಎದುರು ಇರುವ ಸವಾಲಿನ ಬಗ್ಗೆ ಚೋಪ್ರಾ ಮಾತು.

ಹೊಸದಿಲ್ಲಿ: ಇಂಗ್ಲೆಂಡ್ ವಿರುದ್ಧ ನಡೆಯುತ್ತಿರುವ ಐದು ಪಂದ್ಯಗಳ ಟೆಸ್ಟ್‌ ಸರಣಿ ಟೀಮ್ ಇಂಡಿಯಾದ ಅನುಭವಿ ಬ್ಯಾಟ್ಸ್‌ಮನ್‌ ಚೇತೇಶ್ವರ್‌ ಪೂಜಾರ ಅವರಿಗೆ ಅತ್ಯಂತ ಮಹತ್ವದ್ದಾಗಿದೆ ಎಂದು ಮಾಜಿ ಆರಂಭಿಕ ಬ್ಯಾಟ್ಸ್‌ಮನ್‌ ಆಕಾಶ್ ಚೋಪ್ರಾ ಹೇಳಿದ್ದಾರೆ.

ಟೀಮ್ ಇಂಡಿಯಾ ಸ್ಟಾರ್‌ ಬ್ಯಾಟ್ಸ್‌ಮನ್‌ಗಳಾದ ಚೇತೇಶ್ವರ್‌ ಪೂಜಾರ ಮತ್ತು ಅಜಿಂಕ್ಯ ರಹಾನೆ ಇಬ್ಬರೂ ಅಸ್ಥಿರ ಪ್ರದರ್ಶನಗಳಿಂದಾಗಿ ಭಾರತ ತಂಡದಲ್ಲಿ ಸ್ಥಾನ ಕಳೆದುಕೊಳ್ಳುವ ಸಂಕಷ್ಟದಲ್ಲಿದ್ದಾರೆ. ಆದರೆ, ರಹಾನೆಗಿಂತಲೂ ಪೂಜಾರಗೆ ಹೆಚ್ಚು ಅಪಾಯವಿದೆ ಎಂದು ಆಕಾಶ್ ಅಭಿಪ್ರಾಯ ಪಟ್ಟಿದ್ದಾರೆ.

2019ರಲ್ಲಿ ನಡೆದ ಸಿಡ್ನಿ ಟೆಸ್ಟ್‌ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಎದುರು 193 ರನ್‌ ಗಳಿಸಿದ್ದು ಪೂಜಾರ ಅವರ ಕೊನೇ ಶತಕವಾಗಿದೆ. ಅಂದಿನಿಂದ ಇಂದಿನವರೆಗೆ ಪೂಜಾರ ಶತಕ ಬಾರಿಸಿಲ್ಲ. ಈ ಬಗ್ಗೆ ಆಕಾಶ್‌ ಚೋಪ್ರಾ ತಮ್ಮ ಯೂಟ್ಯೂಬ್‌ ಕಾರ್ಯಕ್ರಮದಲ್ಲಿ ಮಾತನಾಡಿದ್ದಾರೆ.

ಟೀಮ್ ಇಂಡಿಯಾದ ಪ್ರಚಂಡ ಬೌಲರ್‌ನ ಸಾಮರ್ಥ್ಯ ಮೆಚ್ಚಿಕೊಂಡ ಬೈರ್‌ಸ್ಟೋವ್!

“ಪೂಜಾರಾಗೆ ಈ ಸ್ಥಿತಿ ಎದುರಾಗದೇ ಇರಲಿ. ಆದರೆ ಪ್ರತಿ ಸರಣಿಯೂ ಮಹತ್ವದ್ದಾಗಿರುತ್ತದೆ. ಈ ಬಾರಿ ರಹಾನೆಗಿಂತಲೂ ಪೂಜಾರಾಗೆ ಈ ಸರಣಿ ಅಗ್ನಿ ಪರೀಕ್ಷೆಯಾಗಿದೆ. ಟೀಮ್ ಇಂಡಿಯಾ ಪರ ರನ್‌ ಗಳಿಸುವ ಜವಾಬ್ದಾರಿ ಅವರ ಮೇಲೆ ಹೆಚ್ಚಿದೆ. ಸತತ ವೈಫಲ್ಯ ಅವರನ್ನು ಅಪಾಯಕ್ಕೆ ಸಿಲುಕುವಂತೆ ಮಾಡಿದೆ,” ಎಂದು ಚೋಪ್ರಾ ಹೇಳಿದ್ದಾರೆ.

ನಾಟಿಂಗ್‌ಹ್ಯಾಮ್‌ ಟೆಸ್ಟ್‌ ಪಂದ್ಯದಲ್ಲಿ ಕಣಕ್ಕಿಳಿದ ಪೂಜಾರ ಮೊದಲ ಇನಿಂಗ್ಸ್‌ನಲ್ಲಿ 16 ಎಸೆತಗಳಲ್ಲಿ 4 ರನ್‌ಗಳಿಸಿ ವಿಕೆಟ್‌ ಕೈಚೆಲ್ಲಿದರೆ, ಎರಡನೇ ಇನಿಂಗ್ಸ್‌ನಲ್ಲೊ 12 ರನ್‌ಗಳಿಸಿ ಕ್ರೀಸ್‌ನಲ್ಲಿ ಉಳಿದಿದ್ದರು. ಆದರೆ ಪಂದ್ಯ ಮಳೆ ಕಾರಣ ಡ್ರಾ ಫಲಿತಾಂಶ ಕಂಡಿತು.

“ಕೆಲವರು ಹೇಳುತ್ತಿದ್ದಾರೆ, ಮೊದಲ ಇನಿಂಗ್ಸ್‌ನಲ್ಲಿ ಪೂಜಾರ ಔಟ್‌ ಆದ ರೀತಿ ಕಂಡು ಎರಡನೇ ಟೆಸ್ಟ್‌ಗೆ ಅವರನ್ನು ಭಾರತ ತಂಡದ ಆಡುವ ಹನ್ನೊಂದರ ಬಳಗದಿಂದ ಕೈಬಿಡಬೇಕೆಂದು. ನಂತರ ಇದೇ ತೂಗುಗತ್ತಿ ಅಜಿಂಕ್ಯ ರಹಾನೆ ಮೇಲೂ ತೂಗುತ್ತಿದೆ ಎನ್ನಲಾಗಿದೆ. ಆದರೆ, ಈ ಆಟಗಾರರಿಗೆ ತಂಡದಿಂದ ಹೊರ ಬೀಳುವ ಪರಿಸ್ಥಿತಿ ಎದುರಾಗದೇ ಇರಲಿ ಎಂಬುದಷ್ಟೇ ನನ್ನ ಅಭಿಪ್ರಾಯ,” ಎಂದು ಆಕಾಶ್‌ ತಿಳಿಸಿದ್ದಾರೆ.

ತನ್ನನ್ನು ‘ಬಂಡೆ’ ಎಂದು ಕರೆಯಲು ಕಾರಣ ಬಹಿರಂಗಪಡಿಸಿದ ಪೂಜಾರ!

ಭಾರತ ತಂಡ ಇದೀಗ ಆಗಸ್ಟ್‌ 12ರಿಂದ 16ರವರೆಗೆ ಕ್ರಿಕೆಟ್‌ ಕಾಶಿ ಲಾರ್ಡ್ಸ್‌ ಕ್ರೀಡಾಂಗಣದಲ್ಲಿ ನಡೆಯಲಿರುವ ದ್ವಿತೀಯ ಟೆಸ್ಟ್‌ ಪಂದ್ಯದಲ್ಲಿ ಕಣಕ್ಕಿಳಿಯಲಿದ್ದು, ಬಹುತೇಕ ಮೊದಲ ಪಂದ್ಯಕ್ಕೆ ಬಳಕೆ ಮಾಡಿದ ಆಡುವ ಹನ್ನೊಂದರ ಬಳಗವನ್ನೇ ಬಳಸಿಕೊಳ್ಳುವ ಸಾಧ್ಯತೆ ಇದೆ.

ದ್ವಿತೀಯ ಟೆಸ್ಟ್‌ಗೆ ಟೀಮ್ ಇಂಡಿಯಾದ ಸಂಭಾವ್ಯ ಪ್ಲೇಯಿಂಗ್ ಇಲೆವೆನ್
1. ರೋಹಿತ್ ಶರ್ಮಾ (ಓಪನರ್‌)
2. ಕೆಎಲ್ ರಾಹುಲ್ (ಓಪನರ್‌)
3. ಚೇತೇಶ್ವರ್ ಪೂಜಾರ (ಬ್ಯಾಟ್ಸ್‌ಮನ್)
4. ವಿರಾಟ್ ಕೊಹ್ಲಿ (ನಾಯಕ/ಬ್ಯಾಟ್ಸ್‌ಮನ್)
5. ಅಜಿಂಕ್ಯ ರಹಾನೆ (ಬ್ಯಾಟ್ಸ್‌ಮನ್)
6. ರಿಷಭ್ ಪಂತ್ (ವಿಕೆಟ್‌ಕೀಪರ್/ಬ್ಯಾಟ್ಸ್‌ಮನ್)
7. ರವೀಂದ್ರ ಜಡೇಜಾ (ಆಲ್‌ರೌಂಡರ್‌)
8. ಶಾರ್ದುಲ್ ಠಾಕೂರ್ (ಬಲಗೈ ಮಧ್ಯಮ ವೇಗಿ)
9. ಜಸ್‌ಪ್ರೀತ್‌ ಬುಮ್ರಾ (ಬಲಗೈ ವೇಗಿ)
10. ಮೊಹಮ್ಮದ್ ಶಮಿ (ಬಲಗೈ ವೇಗಿ)
11. ಮೊಹಮ್ಮದ್ ಸಿರಾಜ್ / ಇಶಾಂತ್‌ ಶರ್ಮಾ (ಬಲಗೈ ವೇಗಿ)


Source link

x

Check Also

ಫೋರ್ಬ್ಸ್‌ 100 ಶ್ರೀಮಂತರ ಪಟ್ಟಿ: ಮೊದಲ ಸ್ಥಾನದಲ್ಲೇ ಮುಂದುವರಿದ ಮುಕೇಶ್‌ ಅಂಬಾನಿ

ಹೈಲೈಟ್ಸ್‌: ಫೋರ್ಬ್ಸ್‌ 100 ಶ್ರೀಮಂತರ ಪಟ್ಟಿ ಪ್ರಕಟ ಮೊದಲ ಸ್ಥಾನದಲ್ಲೇ ಮುಂದಿವರಿದ ರಿಲಯನ್ಸ್‌ ಅಧ್ಯಕ್ಷ ಮುಕೇಶ್‌ ಅಂಬಾನಿ ಗೌತಮ್‌ ಅದಾನಿಗೆ ...