Home » Malayalam News » അടുത്ത സീസണില്‍ ധോണി കളിച്ചേക്കില്ല; ആരാധകരെ കുഴയ്ക്കുന്ന സൂചന നല്‍കി സിഎസ്‌കെ ക്യാപ്റ്റന്‍!

അടുത്ത സീസണില്‍ ധോണി കളിച്ചേക്കില്ല; ആരാധകരെ കുഴയ്ക്കുന്ന സൂചന നല്‍കി സിഎസ്‌കെ ക്യാപ്റ്റന്‍!

ഹൈലൈറ്റ്:

  • ഐപിഎല്‍ 2022ല്‍ ധോണി കളിക്കുന്ന കാര്യത്തില്‍ വ്യക്തതയില്ല
  • അടുത്ത സീസണ്‍ ഐപിഎല്ലില്‍ പുതിയ രണ്ടു ടീമുകള്‍ കൂടി
  • അന്താരാഷ്ട്ര ക്രിക്കറ്റില്‍ നിന്നും 2020 ഓഗസ്ത് 15ന് വിരമിച്ചു

ദുബായ്: അടുത്ത സീസണിലെ ഐപിഎല്ലില്‍ കളിച്ചേക്കില്ലെന്ന സൂചനയുമായി ചെന്നൈ സൂപ്പര്‍ കിങ്‌സ് ക്യാപ്റ്റന്‍ എംഎസ് ധോണി. ഐപിഎല്ലില്‍ ധോണി തുടരുമോ എന്നറിയണമെങ്കില്‍ അടുത്ത സീസണിലേക്കുള്ള ബിസിസിഐ നിയമാവലി പുറത്തുവരേണ്ടതുണ്ട്. കളിക്കാരെ നിലനിര്‍ത്തുന്നത് സംബന്ധിച്ച ബിസിസിഐ പോളിസി പുറത്തുവിട്ടാല്‍ മാത്രമേ ഇക്കാര്യത്തില്‍ അന്തിമ തീരുമാനമെടുക്കൂ എന്നാണ് ധോണി നല്‍കുന്ന വിവരം.

തന്നെ അടുത്ത വര്‍ഷവും മഞ്ഞ ജഴ്‌സിയില്‍ കാണാമെന്ന് ധോണി ഉറപ്പു നല്‍കുന്നു. എന്നാല്‍, കളിക്കാനാകുമോ എന്ന് വ്യക്തമല്ല. കാരണം പുതിയ രണ്ടു ടീമുകള്‍ കൂടി വരികയാണ്. അങ്ങിനെയാണെങ്കില്‍ ബിസിസിഐയുടെ നിലനിര്‍ത്തല്‍ പോളിസി എന്താണെന്നുകൂടി അറിയേണ്ടതുണ്ട്. എത്ര വിദേശ കളിക്കാരേയും ഇന്ത്യന്‍ കളിക്കാരേയുമാണ് നിലനിര്‍ത്താന്‍ സാധിക്കുകയെന്നത് ഇപ്പോഴറിയില്ലെന്നും ധോണി വ്യക്തമാക്കുന്നു.

ഈ വര്‍ഷം ഡിസംബറിലാണ് മെഗാലേലം നടക്കുന്നത്. രണ്ട് പുതിയ ടീമുകള്‍ കൂടി ഐപിഎല്ലിലലേക്ക് എത്തുകയാണ്. ഈ ടീമുകളുടെ പ്രഖ്യാപനം ഒക്ടോബറിലുണ്ടാകും. ഇതിനുശേഷമാകും എത്ര കളിക്കാരെ നിലനിര്‍ത്താമെന്നത് ഉള്‍പ്പെടെയുള്ള വിവരങ്ങള്‍ ബിസിസിഐ പുറത്തുവിടുക. നിലനിര്‍ത്താവുന്ന കളിക്കാരുടെ എണ്ണവും ഈ കളിക്കാര്‍ക്ക് നല്‍കേണ്ടുന്ന തുകയുമെല്ലാം തീരുമാനമായിക്കഴിഞ്ഞാല്‍ മാത്രമേ ധോണി ടീമിലുണ്ടാകുമോ എന്ന കാര്യത്തില്‍ വ്യക്തതയുണ്ടാവുകയുള്ളൂ.

വെടിക്കെട്ട് പ്രകടനവുമായി രാഹുൽ, പറത്തിയത് 8 സിക്സർ; പഞ്ചാബിന് 6 വിക്കറ്റ് വിജയം
അതേസമയം, ചെന്നൈയില്‍ തന്റെ വിരമിക്കല്‍ മത്സരം കളിക്കണമെന്നാണ് ആഗ്രഹമെന്ന് ധോണി കഴിഞ്ഞദിവസം പറഞ്ഞിരുന്നു. വിരമിക്കല്‍ മത്സരം നേരിട്ട് കാണാന്‍ ആരാധകര്‍ക്ക് അവസരമുണ്ടാകും. ചെന്നൈയില്‍ ഒടുവിലത്തെ മത്സരം കളിക്കണമെന്നാണ് ആഗ്രഹം. എല്ലാ ആരാധകരേയും അവിടെ കാണാമെന്നാണ് പ്രതീക്ഷയെന്നും ധോണി.

ഇന്ത്യ സിമെന്റ്‌സ് പ്ലാറ്റിനം ജൂബിലിയുമായി ബന്ധപ്പെട്ട് സംസാരിക്കവെ അറിയിച്ചിരുന്നു. എത്രവര്‍ഷം വേണമെങ്കിലും ധോണിക്ക് സിഎസ്‌കെയില്‍ കളിക്കാമെന്നാണ് ടീം മാനേജ്‌മെന്റ് നല്‍കിയ വാഗ്ദാനം. ബാറ്റിങ്ങില്‍ ഫോമിലല്ലെങ്കിലും ധോണിയെ ക്യാപ്റ്റനായി സിഎസ്‌കെ കൂടെനിര്‍ത്തും. വിരമിച്ചാലും ധോണി സിഎസ്‌കെ പരിശീലകനായി തുടരുമെന്നാണ് റിപ്പോര്‍ട്ട്.

ടി-20 ലോകകപ്പിൽ കാണികൾക്ക് പ്രവേശനം അനുവദിക്കും


Source link

x

Check Also

പാലിയേക്കര ടോളിലെ പഞ്ചവാദ്യം കേൾക്കണോ? ഇന്നോവ പുല്ലാങ്കുഴലൂതുന്നതോ?

ഇടപ്പള്ളി കവലയിലോ പാലിയേക്കര ടോളിലോ ചെന്നാൽ ഹോണടി ശബ്ദംകാരണം ഇനി തലമണ്ട പൊളിയില്ല. കേന്ദ്ര ഗതാഗത വകുപ്പ് മന്ത്രി ജീ ...