Home » Malayalam News » അത്യപൂര്‍വമായി വിരിയുന്ന താമര… സഹസ്രദള പത്മം കരവാളൂരിലും, വീഡിയോ കാണാം

അത്യപൂര്‍വമായി വിരിയുന്ന താമര… സഹസ്രദള പത്മം കരവാളൂരിലും, വീഡിയോ കാണാം

കൊല്ലം: പുരാണങ്ങളില്‍ കേട്ടുപരിചയിച്ച സഹസ്രദള പത്മം കരവാളൂരിലും. കേരളത്തിന്റെ കാലാവസ്ഥയില്‍ അത്യപൂര്‍വമായി വിരിയുന്ന ഈ താമര, തുമ്പശേരി കുണ്ടുമണ്‍ പ്ലാമൂട്ടില്‍ വത്സാ സജിയുടെ വീടിന്റെ മട്ടുപ്പാവിലാണ് പൂത്തുലഞ്ഞത്. തന്റെ പൂന്തോട്ടത്തില്‍ ആയിരം ഇതള്‍ വിടര്‍ത്തിയ താമര വത്സയ്ക്ക് കാണാനായത് നാലുവര്‍ഷത്തെ കാത്തിരിപ്പിനൊടുവിലും.

Also Read: കൊവിഡില്‍ നിലച്ച് പഴശി സാഗര്‍; ചുവപ്പുനാടയിൽ കുടുങ്ങിയത് 19 മിനി ജലവൈദ്യുതി പദ്ധതികള്‍

പത്തുവര്‍ഷമായി മുറ്റത്തും മട്ടുപ്പാവിലും പൂന്തോട്ടം പരിപാലിക്കുന്ന ഈ വീട്ടമ്മയുടെ നാലുവര്‍ഷം നീണ്ട ശ്രമത്തിനൊടുവിലാണ് ഈ പുഷ്പം വിരിയിച്ചെടുത്തത്. വടക്കേ ഇന്ത്യയില്‍ നിന്നും ആദ്യം കിഴങ്ങെത്തിച്ച് നട്ടു കാത്തിരുന്നിട്ടും ആഗ്രഹം പൂവണിഞ്ഞില്ല. ആറുമാസം മുന്‍പ് ആലപ്പുഴയിലെ സുഹൃത്തില്‍ നിന്നും രണ്ടായിരം രൂപയ്ക്ക് കിഴങ്ങുവാങ്ങി വീണ്ടും നട്ടു. ഈ ചെടിയിലാണ് ആദ്യപൂവിട്ടത്. ഇതിനൊപ്പം മറ്റൊരു മൊട്ടുകൂടി വളരുന്നുമുണ്ട്. പൂ നാലുദിവസം വരെ വാടാതെ നില്‍ക്കും.

Also Read: കൂലിത്തര്‍ക്കം കലാശിച്ചത് സംഘര്‍ഷത്തില്‍; കാഞ്ഞിരപ്പള്ളിയിൽ 3 പേര്‍ക്ക് കുത്തേറ്റു

സോങ്ഷാന്‍ ഹോങ്തായ് ഇനത്തിലുള്ളതാണ് ഈ താമര. ചൈനയിലെ സോങ്ഷാന്‍ നഗരത്തിലത്രേ ഇത് കാണപ്പെടുന്നത്. മട്ടുപ്പാവില്‍ സജ്ജമാക്കിയ വീപ്പയില്‍ മണ്ണും ചാണകപ്പൊടിയും എല്ലുപൊടിയും നിറച്ചാണ് കിഴങ്ങുനട്ടത്. വളരുന്നതനസരിച്ച് വളപ്രയോഗവും നടത്തി. ബുച്ച, മിറാക്കിള്‍ തുടങ്ങിയ താമര ഇനങ്ങള്‍ക്കൊപ്പം നിരവധി അപൂര്‍വ പൂച്ചെടികളും വത്സ തന്റെ തോട്ടത്തില്‍ വളര്‍ത്തുന്നു. പൂന്തോട്ടം വിനോദത്തിനാണെങ്കിലും അത്യാവശ്യക്കാര്‍ക്ക് ചെടികള്‍ വിലയ്ക്കും നല്‍കാറുണ്ട്. ഭര്‍ത്താവ് സജി ലൂക്കോസും എഞ്ചിനീയറിങ് ബിരുദധാരിയായ മകന്‍ ക്രിസ്റ്റിന്‍ സജിയും ഉദ്യാനപാലനത്തില്‍ വത്സയെ സഹായിക്കുന്നു.

കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


Source link

x

Check Also

സ്വപ്നം കണ്ടത് ഒരു വീട്… പ്രവാസി നടത്തിയത് 6 വർഷം നീണ്ട നിയമ പോരാട്ടം! വീഡിയോ കാണാം

ഹൈലൈറ്റ്: വീട് എന്ന സ്വപ്നം സാക്ഷാത്കരിക്കാൻ പ്രവാസി നടത്തിയത് ആറ് വർഷം നീണ്ട നിയമ പോരാട്ടം. ഒടുവിൽ ഡിഡിപി യുടെ ...