Home » Malayalam News » ഇൻഡിഗോയിൽ സൗജന്യയാത്ര, ഹരിയാനയുടെ 6 കോടി, ആഡംബര കാറും; നീരജിന് സമ്മാനപ്പെരുമഴ

ഇൻഡിഗോയിൽ സൗജന്യയാത്ര, ഹരിയാനയുടെ 6 കോടി, ആഡംബര കാറും; നീരജിന് സമ്മാനപ്പെരുമഴ

ഹൈലൈറ്റ്:

  • നീരജ് ചോപ്രയ്ക്ക് ആറു കോടി രൂപ നല്‍കുമെന്ന് ഹരിയാണ സര്‍ക്കാര്‍
  • നീരജിന് ബിസിസിഐയും സിഎസ്‌കെയും ഒരു കോടി രൂപ വീതം നല്‍കും
  • ആനന്ദ് മഹീന്ദ്രയുടെ വക പുതിയ ബ്രാന്‍ഡ് കാര്‍ നീരജിന് സമ്മാനം

ന്യൂഡല്‍ഹി: ഇന്ത്യയ്ക്കുവേണ്ടി ചരിത്രത്തിലാദ്യമായി ഒളിമ്പിക്‌സില്‍ മെഡല്‍ നേടിയ നീരജ് ചോപ്രയ്ക്ക് സമ്മാനപ്പെരുമഴ. വിവിധ സംസ്ഥാനങ്ങളും സംഘടനകളുമെല്ലാം ചരിത്രനേട്ടത്തിലെത്തിയ കായിക താരത്തിന് പിന്നാലെയുണ്ട്. ഒളിമ്പിക്‌സ് ജാവലിന്‍ ത്രോയില്‍ സ്വര്‍ണം നേടിക്കൊണ്ടാണ് നീരജ് ഇന്ത്യന്‍ കായിക ചരിത്രത്തില്‍ ഇടംപിടിച്ചത്. അത്യപൂര്‍വ നേട്ടം സമ്മാനിച്ച കായിക താരം അടുത്തദിവസം ഇന്ത്യയില്‍ തിരിച്ചെത്തും.

നീരജിന്റെ സംസ്ഥാനമായ ഹരിയാണ 6 കോടി രൂപയാണ് പാരിതോഷികമായി പ്രഖ്യാപിച്ചിരിക്കുന്നത്. ഒളിമ്പിക്‌സ് ആരംഭിക്കുന്നതിന് മുന്‍പേ സ്വര്‍ണം നേടുന്നവര്‍ക്ക് 6 കോടി രൂപ നല്‍കുമെന്ന് സംസ്ഥാന സര്‍ക്കാര്‍ അറിയിച്ചിരുന്നു. ഹരിയാണയിലെ പാനിപ്പത്ത് സ്വദേശിയാണ് നീരജ്. കൂടാതെ ഉയര്‍ന്ന സര്‍ക്കാര്‍ ഉദ്യോഗവും വാഗ്ദാനം ചെയ്തിട്ടുണ്ട്. സംസ്ഥാനത്ത് എവിടെയും പകുതിവിലയ്ക്ക് ഭൂമി നല്‍കാമെന്നും സര്‍ക്കാര്‍ വാഗ്ദാനം ചെയ്തു.

ഇന്ത്യന്‍ ക്രിക്കറ്റ് കണ്‍ട്രോണ്‍ ബോര്‍ഡ് ഒരു കോടി രൂപയാണ് സ്വര്‍ണം നേടിയ നീരജിന് നല്‍കുക. വെള്ളി മെഡല്‍ നേടിയവര്‍ക്ക് 50 ലക്ഷം രൂപ വീതവും വെങ്കലം നേടിയവര്‍ക്ക് 25 ലക്ഷം രൂപ വീതവും സമ്പത്തിന്റെ കാര്യത്തില്‍ ലോകത്തെ ഉയര്‍ന്ന കായിക സംഘടനകളിലൊന്നായ ബിസിസിഐ നല്‍കും. ചരിത്ര നേട്ടത്തിലെത്തിയ ഇന്ത്യന്‍ പുരുഷ ഹോക്കി ടീമിന് 1.5 കോടി രൂപയാണ് ബിസിസിഐ പ്രഖ്യാപിച്ചത്.

Also Read: തടി കുറയ്ക്കാനായി ജാവലിൻ എടുത്തു, എട്ട് വർഷത്തോളം കഠിന പരിശ്രമം; ഒളിമ്പിക‍്‍സ് ഹീറോയുടെ ജീവിതം ഇങ്ങനെ!!

നീരജിന് പഞ്ചാബ് സര്‍ക്കാര്‍ 2 കോടി രൂപ വാഗ്ദാനം ചെയ്തിട്ടുണ്ട്. ഐപിഎല്‍ ടീമായ ചെന്നൈ സൂപ്പര്‍ കിങ്‌സ് 1 കോടി രൂപ നീരജിന് പ്രഖ്യാപിച്ചു കഴിഞ്ഞു. ഒളിമ്പിക് ഹീറോ നീരജിന് ഒരു കോടി രൂപ നല്‍കുമെന്ന് മണിപ്പൂര്‍ സര്‍ക്കാരും വാഗ്ദാനം ചെയ്യുന്നു. വ്യവസായ പ്രമുഖന്‍ ആനന്ദ് മഹീന്ദ്ര ഏറ്റവും പുതിയ ബ്രാന്‍ഡായ XUV 700 കാര്‍ ആണ് നീരജിന് സമ്മാനമായി നല്‍കുക. ഇന്‍ഡിഗോ എയര്‍ലൈന്‍ നീരജിന്റെ സ്വര്‍ണനേട്ടത്തിന്റെ ബഹുമാനാര്‍ഥം ഒരുവര്‍ഷം മുഴവന്‍ തങ്ങളുടെ വിമാനത്തില്‍ സൗജന്യ യാത്രയും വാഗ്ദാനം ചെയ്തിട്ടുണ്ട്.

ലയണൽ മെസ്സി ഫ്രഞ്ച് ക്ലബ്ബ് പി.എസ്.ജിയിലേയ്ക്ക്?


Source link

x

Check Also

മുഖം തിളങ്ങാനും ചെറുപ്പത്തിനും പൊട്ടെറ്റോ ക്രീം പായ്ക്ക്

മുഖത്തിന്റെ സൗന്ദര്യത്തിന്, ചര്‍മ സൗന്ദര്യത്തിന് അടുക്കളയിലെ കൂട്ടുകളെന്നത് ഏറെ പ്രധാനമാണ്. നാം വലിയ വില കൊടുത്ത് വാങ്ങുന്ന കെമിക്കലുകള്‍ ഉള്ള ...