Home » Malayalam News » കുടിശിക 2 ലക്ഷം, ദേവസ്വം സ്റ്റാൾ വിജിലൻസ് പൂട്ടി സീൽ ചെയ്തു; പൂട്ടുപൊളിച്ച് വാടകക്കാരൻ്റെ ബന്ധു! മലയാലപ്പുഴയിൽ വിവാദം

കുടിശിക 2 ലക്ഷം, ദേവസ്വം സ്റ്റാൾ വിജിലൻസ് പൂട്ടി സീൽ ചെയ്തു; പൂട്ടുപൊളിച്ച് വാടകക്കാരൻ്റെ ബന്ധു! മലയാലപ്പുഴയിൽ വിവാദം

ഹൈലൈറ്റ്:

  • ദേവസ്വം ബോർഡ് അധികൃർ പൂട്ടിയ സ്റ്റാൾ തുറന്നു.
  • പൂട്ടി സീൽ ചെയ്ത സ്റ്റാളാണ് മിനിറ്റുകൾക്കകം തുറന്നത്.
  • മലയാലപ്പുഴയിലാണ് സംഭവം.

പത്തനംതിട്ട: തിരുവിതാംകൂർ ദേവസ്വം ബോർഡിൻ്റെ മലയാലപ്പുഴ ഷോപ്പിങ്‌ കോംപ്ലക്സിൽ പ്രവർത്തിക്കുന്ന വ്യാപാര സ്ഥാപനം വാടക കുടിശികയെ തുടർന്ന് അധികൃതർ പൂട്ടി സീൽ ചെയ്ത് മിനിറ്റുകൾക്കകം ഉടമയുടെ ബന്ധു പൂട്ട് പൊളിച്ചു. ദേവസ്വം ബോർഡ് വിജിലൻസ് വിഭാഗത്തിൻ്റെയും പോലീസിൻ്റെയും നേതൃത്വത്തിലായിരുന്നു മുറി പൂട്ടി സീൽ ചെയ്തത്. ദേവസ്വം ബോർഡിൻ്റെ ഉടമസ്ഥതയിലുള്ള മലയാലപ്പുഴ ക്ഷേത്രത്തിൻ്റെ പടിഞ്ഞാറേ നടയിലുള്ള ഷോപ്പിങ്‌ കോംപ്ലക്സിലെ നാലാം നമ്പർ മുറിയാണ് നടപടികൾ പൂർത്തിയാക്കി സീൽ ചെയ്തത്.

എംവിഡിക്കെതിരെ ​ഗണേഷ് കുമാറിനോട് പരാതി പറഞ്ഞു, ലോറി ഡ്രൈവർക്കെതിരെ കേസെടുത്ത് ഉദ്യോ​ഗസ്ഥർ, വീഡിയോ കാണാം

11 മുറികളാണ്‌ ഷോപ്പിങ്‌ കോംപ്ലക്സിൽ ഉള്ളത്. ഇതിൽ നാലാം നമ്പർ മുറി മലയാലപ്പുഴ താഴം ജ്യോതിഭവനിൽ അച്യുതൻ നായരുടെ ഉടമസ്ഥയിലുള്ള പട്ടും പൂജാസാധനങ്ങളും വിൽക്കുന്നതാണ്. വ്യാപാരസ്ഥാപനം സീൽ ചെയ്തതിനു പിന്നാലെ ഇതിനെ ചോദ്യം ചെയ്ത് കടയുടമ അച്യുതൻ നായരുടെ ബന്ധു അരുൺ ദാസ് സീൽ ചെയ്ത താഴ് ഇളക്കി മാറ്റി. തുടർന്ന് ഇദ്ദേഹത്തിനെതിരെ ദേവസ്വം ബോർഡ് പോലീസിൽ പരാതി നൽകി. ഇത് അൽപ സമയം വാക്കേറ്റത്തിനും കാരണമായി.

വിജ്ഞാനവും വിനോദവും പകർന്ന് വെച്ചൂച്ചിറയിലെ കുരുന്നുകളുടെ എഫ്എം, വീഡിയോ കാണാം

വാടക കുടിശിക ഈടാക്കാൻ ഹൈക്കോടതിയിൽ നിന്ന്‌ ദേവസ്വം ബോർഡിന് ലഭിച്ച ഉത്തരവിൻ്റെ അടിസ്ഥാനത്തിലാണ് കടമുറി സീൽ ചെയ്തത്. 2015 മുതലുള്ള 70 മാസത്തെ വാടക കുടിശികയായ 2,38,000 രൂപ ദേവസ്വം ബോർഡിന് കിട്ടാനുെണ്ടന്നും ദേവസ്വം അഡ്മിനിസ്‌ട്രേറ്റീവ് ഓഫീസർ എം രവികുമാർ പറഞ്ഞു. പലതവണ നോട്ടീസ് നൽകിയിട്ടും മറുപടി ലഭിക്കാത്തതിനെ തുടർന്നാണ് നടപടിയെന്നും വിശദമാക്കി. വാടക കുടിശികയുമായി ബന്ധപ്പെട്ട്‌ ദേവസ്വം ബോർഡ് 2016 ൽ പത്തനംതിട്ട മുൻസിഫ് കോടതിയിൽ കേസ് ഫയൽ ചെയ്തിരുന്നു. ഷോപ്പിങ്‌ കോംപ്ലക്സിലെ വാടക കുടിശിക വരുത്തിയ മറ്റു നാലു കടയുടമകൾക്ക്‌ നേരത്തെ നോട്ടീസ് നൽകിയിരുന്നു.

കൈവരികൾ തകർന്നും തൂണുകൾ ദ്രവിച്ചും തോട്ടടി പാലം, അപകടാവസ്ഥ; മനുഷ്യാവകാശ കമ്മീഷൻ ഇടപെടൽ ഫലം കാണുമോ? വീഡിയോ കാണാം

ഇവർ കുടിശിക അടച്ചുകൊണ്ടിരിക്കുകയുമാണെന്നും ഇവർക്ക് കുടിശികയിൽ ഇളവ് നൽകിയിട്ടുണ്ടെന്നും ദേവസ്വം ബോർഡ് അധികൃതർ പറഞ്ഞു. ദേവസ്വം ബോർഡ് അസിസ്റ്റൻ്റ് കമ്മീഷണർ കെ സൈനുരാജ്, ദേവസ്വം വിജിലൻസ് ഓഫീസർ രാജീവ് കുമാർ, അഡ്മിനിസ്ട്രേറ്റീവ് ഓഫീസർ എം രവികുമാർ, മലയാലപ്പുഴ സിഐ വിജയൻ എന്നിവരുടെ നേതൃത്വത്തിലായിരുന്നു നടപടികൾ. സാമ്പത്തിക പ്രതിസന്ധിയിലായ ദേവസ്വം ബോർഡ് പുറമെ നിന്നും ലഭിക്കാനുള്ള പരമാവധി പണം സമാഹരിക്കുന്നതിൻ്റെ ഭാഗമായാണ് കോടതി ഉത്തരവിലൂടെ വാടക കുടിശികയും പിരിക്കാൻ ഇറങ്ങിയത്. നേരത്തെ നിരവധി തവണ ഉത്തരവിറക്കിയിട്ടും കുടിശിക പിരിഞ്ഞില്ല. കാലാകാലങ്ങളിൽ ചുമതല ഉണ്ടായിരുന്ന ഉദ്യോഗസ്ഥരും വേണ്ടത്ര ഗൗരവം കാണിക്കാത്തതാണ് ഇപ്പോൾ പ്രശ്‌നം രൂക്ഷമാകാൻ ഇടയായത്.

പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

പത്തനംതിട്ട ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

ജില്ലകളെ ബന്ധിപ്പിക്കുന്ന പാലം അപകടാവസ്ഥയിൽ കമ്മീഷൻ ഇടപെടൽ ഫലം കാണുമോ?


Source link

x

Check Also

അടുത്ത സീസണില്‍ ധോണി കളിച്ചേക്കില്ല; ആരാധകരെ കുഴയ്ക്കുന്ന സൂചന നല്‍കി സിഎസ്‌കെ ക്യാപ്റ്റന്‍!

ഹൈലൈറ്റ്: ഐപിഎല്‍ 2022ല്‍ ധോണി കളിക്കുന്ന കാര്യത്തില്‍ വ്യക്തതയില്ല അടുത്ത സീസണ്‍ ഐപിഎല്ലില്‍ പുതിയ രണ്ടു ടീമുകള്‍ കൂടി അന്താരാഷ്ട്ര ...