Home » Malayalam News » ക്രിക്കറ്റ് ഒളിമ്പിക്‌സില്‍ തിരിച്ചെത്തുമോ? ഇന്ത്യയുടെ നിലപാടെന്ത്? ഐസിസി ലക്ഷ്യം 2028!

ക്രിക്കറ്റ് ഒളിമ്പിക്‌സില്‍ തിരിച്ചെത്തുമോ? ഇന്ത്യയുടെ നിലപാടെന്ത്? ഐസിസി ലക്ഷ്യം 2028!

ഹൈലൈറ്റ്:

  • ഐ സിസി ഒളിമ്പിക് വര്‍ക്കിംഗ് ഗ്രൂപ്പിന്റെ പരിശ്രമം മികച്ചത്.
  • ഒളിമ്പിക്‌സില്‍ ഉള്‍പ്പെട്ടാല്‍ വിട്ടു നില്‍ക്കില്ലെന്ന് ബിസിസിഐ.
  • 1900 ലായിരുന്നു ക്രിക്കറ്റ് ഒളിമ്പിക് ഇനമായത്‌.

ഒളിമ്പിക്‌സിലേക്ക് ക്രിക്കറ്റ് തിരിച്ചെത്തുമോ? അപ്പോള്‍ ഒരു സംശയം തോന്നിയേക്കാം. ക്രിക്കറ്റ് എപ്പോഴാണ് ഒളിമ്പിക്‌സില്‍ പങ്കാളിത്തം അറിയിച്ചത്! 1900 ല്‍ ക്രിക്കറ്റ് ഒളിമ്പിക്‌സില്‍ ഒരിനമായിരുന്നു. രണ്ട് ദിവസ ഗെയിമായി നടന്ന ക്രിക്കറ്റില്‍ ഫ്രാന്‍സിനെ തോല്‍പ്പിച്ച് ഇംഗ്ലണ്ട് സ്വര്‍ണം നേടിയതാണ് ചരിത്രം. അതിന് ശേഷം ക്രിക്കറ്റിനെ ഒളിമ്പിക്‌സില്‍ കണ്ടിട്ടില്ല.

ന്യൂസിലന്‍ഡ് മുന്‍ ഓള്‍റൗണ്ടര്‍ ക്രിസ് കെയിന്‍സ് ഗുരുതരാവസ്ഥയില്‍

നൂറ്റാണ്ട് പിന്നിട്ടു, ക്രിക്കറ്റ് ആഗോള കായികോത്സവത്തിലേക്ക് തിരിച്ചെത്താനുള്ള തയ്യാറെടുപ്പുകളിലാണ്. ഐസിസി ഒളിമ്പിക് വര്‍ക്കിംഗ് ഗ്രൂപ്പ് ഇതിനായി പ്രവര്‍ത്തിക്കുന്നുണ്ട്. ഇംഗ്ലണ്ട് ആന്‍ഡ് വെയില്‍സ് ക്രിക്കറ്റ് ബോര്‍ഡ് ചെയര്‍മാന്‍ ഇയാന്‍ വാട്‌മോര്‍ ആണ് ഈ ഗ്രൂപ്പിന്റെ ചെയര്‍മാന്‍. ഐസിസി സ്വതന്ത്ര ഡയറക്ടര്‍ ഇന്ദ്ര നൂയിയും ഒളിമ്പിക് വര്‍ക്കിംഗ് ഗ്രൂപ്പിന്റെ ഭാഗമാണ്. 2028 ഒളിമ്പിക്‌സ് ലക്ഷ്യമിട്ടാണ് പ്രവര്‍ത്തനം. അന്താരാഷ്ട്ര ക്രിക്കറ്റ് കൗണ്‍സില്‍ (ഐസിസി) യുടെ ശ്രമങ്ങള്‍ക്ക് ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡും (ബിസിസിഐ) പച്ചക്കൊടി കാണിച്ചിട്ടുണ്ട്. നേരത്തെ, ബിസിസിഐ ഒളിമ്പിക്‌സിനോട് വലിയ താത്പര്യം കാണിച്ചിരുന്നില്ല. ഐസിസിയിലെ ഏറ്റവും സമ്പന്നമായ ബോഡിയാണ് ബിസിസിഐ.

ഐപിഎല്‍ മാതൃകയില്‍ ടി20 ടൂര്‍ണമെന്റുമായി ഗൗതം ഗംഭീര്‍, ബിസിസിഐ പണി കൊടുക്കുമോ?

കായിക ബോര്‍ഡുകളിലെ രാഷ്ട്രീയ ഇടപെടലുകളെ പ്രോത്സാഹിപ്പിക്കാത്ത അന്താരാഷ്ട്ര ഒളിമ്പിക് അസോസിയേഷനുമായി (ഐഒഎ) എത്ര കണ്ട് സഹകരിക്കാന്‍ സാധിക്കുമെന്നത് വലിയ ചോദ്യ ചിഹ്നമായിരുന്നു. ക്രിക്കറ്റ് ഭരണ കേന്ദ്രങ്ങള്‍ ഐഒഎയുടെ നിരീക്ഷണത്തിലാകുന്നതും ബിസിസിഐയുടെ താത്പര്യങ്ങള്‍ക്ക് വിരുദ്ധമാണ്. എന്നാല്‍, ഐസിസിയുടെ ശ്രമഫലമായി ഒളിമ്പിക്‌സില്‍ ക്രിക്കറ്റ് ഉള്‍പ്പെട്ടാല്‍ ടീമിനെ അയക്കാന്‍ തയ്യാറാണെന്ന് ബിസിസിഐ സെക്രട്ടറി ജെയ് ഷാ വ്യക്തമാക്കിയിട്ടുണ്ട്.

ലോകകപ്പിനുള്ള ടീമിനെ പ്രഖ്യാപിച്ച ആദ്യ ടീമായി ന്യൂസിലന്‍ഡ്, രണ്ട് വെടിക്കെട്ട് ബാറ്റ്‌സ്മാന്മാര്‍ പുറത്ത്

ആഗോള തലത്തില്‍ നൂറ് കോടിയിലേറെ ആരാധകരുള്ള ക്രിക്കറ്റിന്റെ ഫാന്‍ബേസില്‍ 92 ശതമാനവും കിഴക്കനേഷ്യയില്‍ നിന്നാണ്. അത്‌ലറ്റിക്‌സില്‍ തിളങ്ങുന്ന യുഎസ്എയില്‍ മുപ്പത് ദശലക്ഷം പേര്‍ ക്രിക്കറ്റിനെ പിന്തുടരുന്നവരാണ്. ഇതെല്ലാം ഒളിമ്പിക്‌സില്‍ ഇടം പിടിക്കാന്‍ ക്രിക്കറ്റിനെ സഹായിക്കുന്ന ഘടകങ്ങളാണെന്ന് ഐസിസി ചെയര്‍മാന്‍ ഗ്രെയ്ഗ് ബാര്‍ക്ലേ പറഞ്ഞു. 2028 ലോസ് ഏഞ്ചലസ് ഒളിമ്പിക്‌സില്‍ ക്രിക്കറ്റ് ഉള്‍പ്പെട്ടാല്‍ ഐസിസിയുടെ ശ്രമത്തിനുള്ള വലിയ അംഗീകാരമാകും. 1998 ന് ശേഷം കോമണ്‍വെല്‍ത്ത് ഗെയിംസിലും ക്രിക്കറ്റ് തിരിച്ചെത്തുകയാണ്. 2022 ബിര്‍മിംഗ്ഹാം ഗെയിംസില്‍ വനിതാ ക്രിക്കറ്റും ഒരിനമായിട്ടുണ്ടാകും എന്നതാണ് ശ്രദ്ധേയം.

ഇ ബുള്‍ ജെറ്റ് വിവാദം; അപവാദ പ്രചരണങ്ങൾക്കെതിരെ ശക്തമായ നടപടി!


Source link

x

Check Also

അടുത്ത സീസണില്‍ ധോണി കളിച്ചേക്കില്ല; ആരാധകരെ കുഴയ്ക്കുന്ന സൂചന നല്‍കി സിഎസ്‌കെ ക്യാപ്റ്റന്‍!

ഹൈലൈറ്റ്: ഐപിഎല്‍ 2022ല്‍ ധോണി കളിക്കുന്ന കാര്യത്തില്‍ വ്യക്തതയില്ല അടുത്ത സീസണ്‍ ഐപിഎല്ലില്‍ പുതിയ രണ്ടു ടീമുകള്‍ കൂടി അന്താരാഷ്ട്ര ...