Home » Malayalam News » നരച്ച മുടി പിഴുതു കളയാറുണ്ടോ, എന്താ കാര്യം…..

നരച്ച മുടി പിഴുതു കളയാറുണ്ടോ, എന്താ കാര്യം…..

മുടി നരയ്ക്കുക എന്നു പറയുന്നത് ആര്‍ക്കും ഇഷ്ടപ്പെടുന്ന കാര്യമല്ല. പ്രായമാകുമ്പോള്‍ മുടി നരയ്ക്കുന്നത് സാധാരണയാണ്. എന്നാല്‍ ചിലപ്പോള്‍ അകാലനര, അതായത് ചെറുപ്പത്തില്‍ തന്നെ തല നരയ്ക്കുന്ന അവസ്ഥയും പലര്‍ക്കുമുണ്ടാകാം. ഇതിന് പല കാരണങ്ങളുമുണ്ട്. കഴിയ്ക്കുന്ന ഭക്ഷണത്തിലെ പോഷകക്കുറവ്, കെമിക്കല്‍ പ്രയോഗം, മുടിയില്‍ ഒഴിയ്ക്കുന്ന വെള്ളം എന്നിങ്ങനെ പല തരം കാരണങ്ങള്‍ ഇതിനു പുറകിലുണ്ടാകും. വാസ്തവത്തില്‍ മുടിയ്ക്ക് നിറം നല്‍കുന്ന മെലാട്ടനിന്‍ കുറയുന്നതാണ് മുടി നരയ്ക്കാന്‍ കാരണമാകുന്നത്. പ്രായമാകുമ്പോള്‍ ഇത് കുറയും, ഇതു പോലെ മേല്‍പ്പറഞ്ഞ ചില അവസ്ഥകളും ഇതിന് കാരണമാകും.

മുടി നരച്ചതു കാണുമ്പോള്‍

മുടി നരച്ചതു കാണുമ്പോള്‍ അത് പൊട്ടിച്ചു കളയുന്നതും വേരോടെ പിഴുതു കളയുന്നതും പലരും ചെയ്യുന്നത് കാണാം. മറ്റുളളവര്‍ പറയുന്നത് നമ്മള്‍ കേള്‍ക്കാറുമുണ്ട്. മുടി നരച്ചത് പിഴുതെടുത്താല്‍ കൂടുതല്‍ മുടി നരയ്ക്കും, അതായത് കൂടുതല്‍ എണ്ണം നരയ്ക്കുമെന്നത്. ഇതിനാല്‍ മുടി പിഴുതെടുക്കുന്നത് ഒഴിവാക്കണം എന്നും. എന്നാല്‍ വാസ്തവത്തില്‍ നരച്ച ഒരു മുടി പിഴുതെടുത്താല്‍ വീണ്ടും കൂടുതല്‍ എണ്ണം നരച്ച മുടി വരുമോ. ഇതെക്കുറിച്ചറിയൂ. ഇതിനു പുറകിലെ യാഥാര്‍ത്ഥ്യം അറിയൂ.

​വാസ്തവത്തില്‍

വാസ്തവത്തില്‍ ശിരോചര്‍മത്തിലെ ഫോളിക്കിളുകള്‍, അതായത് രോമകൂപങ്ങളില്‍ നിന്നാണ് മുടി വളരുന്നത്. ഒരു ഫോളിക്കിളില്‍ നിന്നും ഒരു മുടി മാത്രമാണ് വളരുക. ഫോളിക്കിളിലെ പിഗ്മെന്റ് കോശങ്ങള്‍ നശിക്കുമ്പോഴാണ് മുടിയുടെ നിറം കുറഞ്ഞ് നര വരുന്നത്. പ്രായമേറുമ്പോള്‍ എല്ലാ ഫോളിക്കിളുകളിലും പിഗ്മെന്റ് കുറയും. ഇതാണ് നരയ്ക്കാന്‍ ഇടയാക്കുന്നത്. അകാല നരയ്ക്കു കാരണം നേരത്തെ തന്നെ ഇത്തരം പിഗ്മെന്റുകള്‍ കുറയുന്നതാണ്.

കുറേ മുടി നരയ്ക്കും

നരച്ച ഒരു മുടി പിഴുതെടുത്താല്‍ വേറെ കുറേ മുടി നരയ്ക്കും എന്ന പഴഞ്ചൊല്ലുണ്ട്. ഇതില്‍ വാസ്തവമില്ലെന്നതാണ് സത്യം. മുടി പിഴുതു മാറ്റിയാല്‍ കാര്യമില്ല. കാരണം വീണ്ടും അതേ ഫോളിക്കിളില്‍ നിന്നും മുടി വരുമ്പോള്‍ നരച്ചു തന്നെയാണ് വരുന്നത്. കാരണം ഫോളിക്കിളിലെ പിഗ്മെന്റേഷന്‍ കുറവ്. ഇതിനാല്‍ നരച്ച മുടി പിഴുതു കളയുന്നത് കൊണ്ട് ഗുണം ലഭിയ്ക്കുന്നില്ല. വീണ്ടും വരുന്ന മുടി നരച്ചു തന്നെയാകും.

മുടി പറിച്ചു കളഞ്ഞാല്‍

എന്നാല്‍ ഒരു മുടി പറിച്ചു കളഞ്ഞാല്‍ ബാക്കി നരയ്ക്കുമെന്ന് പറയുന്നതില്‍ വാസ്തവമില്ല. കാരണം ഈ ഒരു ഫോളിക്കിളില്‍ നിന്ന് ഈ ഒരു നരച്ച മുടിയേ വളരൂ. മററു ഫോളിക്കിളുകളില്‍ പിഗ്മന്റുകള്‍ കുറവെങ്കില്‍ മാത്രമേ അവ നരച്ചു വരൂ. എന്നാല്‍ ഇതു പോലെ നരച്ച മുടി പിഴുതെടുക്കുന്നത് കൊണ്ട് താല്‍ക്കാലിക ആശ്വാസമേ കാണൂ. കാരണം വീണ്ടും ഈ മുടി വളര്‍ന്നാല്‍ നരച്ചതു തന്നെയാകും. ഇതു പോലെ ഇതു പോലെ മുടി പറിച്ചെടുക്കുമ്പോള്‍ ഈ ഫോളിക്കിളും സമീപത്തുള്ള മറ്റു ഫോളിക്കിളുകളും കേടാകാന്‍ സാധ്യത ഏറെയാണ്. ഇത് മുടിയുടെ ആരോഗ്യത്തെ ബാധിയ്ക്കുന്നതുമാണ് Also read: ഗർഭിണി കുടിക്കണം കാഷ്യൂ മിൽക്ക്, കാരണം


Source link

x

Check Also

അടുത്ത സീസണില്‍ ധോണി കളിച്ചേക്കില്ല; ആരാധകരെ കുഴയ്ക്കുന്ന സൂചന നല്‍കി സിഎസ്‌കെ ക്യാപ്റ്റന്‍!

ഹൈലൈറ്റ്: ഐപിഎല്‍ 2022ല്‍ ധോണി കളിക്കുന്ന കാര്യത്തില്‍ വ്യക്തതയില്ല അടുത്ത സീസണ്‍ ഐപിഎല്ലില്‍ പുതിയ രണ്ടു ടീമുകള്‍ കൂടി അന്താരാഷ്ട്ര ...