Home » Malayalam News » പാലിയേക്കര ടോളിലെ പഞ്ചവാദ്യം കേൾക്കണോ? ഇന്നോവ പുല്ലാങ്കുഴലൂതുന്നതോ?

പാലിയേക്കര ടോളിലെ പഞ്ചവാദ്യം കേൾക്കണോ? ഇന്നോവ പുല്ലാങ്കുഴലൂതുന്നതോ?

ഇടപ്പള്ളി കവലയിലോ പാലിയേക്കര ടോളിലോ ചെന്നാൽ ഹോണടി ശബ്ദംകാരണം ഇനി തലമണ്ട പൊളിയില്ല. കേന്ദ്ര ഗതാഗത വകുപ്പ് മന്ത്രി ജീ കീ കീ ശബ്ദമില്ലാതാക്കാൻ ഉപായം കണ്ടെത്തിയിട്ടുണ്ട്. അതും തനി നാടൻ രീതി. ചില നേരങ്ങളിൽ ശല്യമുണ്ടാക്കുന്ന ഹോണടി ശബ്ദം ഇല്ലാതാക്കാനാണ് ഗതാഗത വകുപ്പ് പുതിയ മാർഗം കണ്ടെത്തിയിരിക്കുന്നത്. ഹോണുകൾക്ക് പകരം ഭാരതീയ വാദ്യ ശബ്ദങ്ങൾ ഉപയോഗിക്കാമെന്നാണ് നിതിൻ ഗഡ്കരി ജീയുടെ ശുപാർശ.

നാഗ്പൂരിലെ പതിനൊന്നാം നിലയിൽ പുലർച്ചെ പ്രാണായാമം ചെയ്യുമ്പോൾ ഹോണടി ശബ്ദംകാരണം ചെവിതല കേൾക്കുന്നില്ല. പരിഹാരം തേടിയുള്ള അലച്ചിലിനിടെയാണ് ഹോണടി ശബ്ദമില്ലാതെ വാഹനങ്ങളെ ശാന്തമാക്കാനുള്ള വിദ്യ ജീ കണ്ടെത്തിയത്. സംഗതി നടപ്പിൽ വന്നാൽ ടോറസ് മുതൽ ബൈക്ക് വരെയുള്ള വാഹനങ്ങൾ തബലയും ഹാർമോണിയവും വയലിനുമൊക്കെ വായിച്ചതുതന്നെ. ശ്രീകാന്ത് വെട്ടിയാർ മുതൽ ഷിനു ജോൺ ചാക്കോ, സിജു സണ്ണി വരെയുള്ള ട്രോളന്മാർ ജീയുടെ തീരുമാനത്തെ ഏറ്റെടുത്തിട്ടുണ്ട്.

വാർത്ത: നിലവിൽ വാഹനങ്ങളിൽ ഉപയോഗിക്കുന്ന ഹോണിനു പകരം തബല, വയലിൻ, പുല്ലാങ്കുഴൽ തുടങ്ങിയ വാദ്യങ്ങളുടെ ശബ്ദം വാഹനങ്ങളിൽ ഉപയോഗിക്കാനാണ് കേന്ദ്ര ഗതാഗത വകുപ്പിന്റെ നീക്കം. ഹോണടി ശബ്ദം ചില സമയങ്ങളിൽ ശല്യമായി തീരുന്ന പശ്ചാത്തലത്തിലാണ് ഇത്തരമൊരു മാറ്റത്തിന് കേന്ദ്ര റോഡ് ഗതാഗത മന്ത്രാലയം ശുപാർശ ചെയ്തിരിക്കുന്നത്.


Source link

x

Check Also

ഓഗസ്റ്റ് 20 ജന്മദിന ഫലം: ബിസിനസ് മെച്ചപ്പെടും

ഹൈലൈറ്റ്: ഓഗസ്റ്റ് 20 ന് ജനിച്ചവരുടെ ഫലം അഭിവൃദ്ധി വർദ്ധിക്കകയും ജീവിത നിലവാരം മെച്ചപ്പെടുകയും ചെയ്യും. മെച്ചപ്പെട്ട ബിസിനസ്സ് അവസരങ്ങൾ ...