Home » Malayalam News » മുഖം തിളങ്ങാനും ചെറുപ്പത്തിനും പൊട്ടെറ്റോ ക്രീം പായ്ക്ക്

മുഖം തിളങ്ങാനും ചെറുപ്പത്തിനും പൊട്ടെറ്റോ ക്രീം പായ്ക്ക്


മുഖത്തിന്റെ സൗന്ദര്യത്തിന്, ചര്‍മ സൗന്ദര്യത്തിന് അടുക്കളയിലെ കൂട്ടുകളെന്നത് ഏറെ പ്രധാനമാണ്. നാം വലിയ വില കൊടുത്ത് വാങ്ങുന്ന കെമിക്കലുകള്‍ ഉള്ള ക്രീമുകളേക്കാള്‍ കൂടുതല്‍ നല്ലതാണ് ഇത്തരം പല ചേരുവകളും വലിയ ചിലവില്ലാതെ വീട്ടില്‍ തന്നെ തയ്യാറാക്കാന്‍ സാധിയ്ക്കുന്നവരാണ് ഇവ പലതും. ഒന്നല്ല, ഒരുപാട് ഗുണങ്ങള്‍ ചര്‍മത്തിന് നല്‍കുന്ന ചിലത്. ഇത്തരത്തില്‍ വീട്ടില്‍ തന്നെ തയ്യാറാക്കാന്‍ സാധിയ്ക്കുന്ന ഒരു പ്രത്യേക ക്രീമിനെ കുറിച്ചറിയൂ.

ഇതിനായി വേണ്ടത് മൂന്ന് ചേരുവകളാണ്. ഉരുളക്കിഴങ്ങ്, കറ്റാര്‍ വാഴ, വൈറ്റമിന്‍ ഇ ഓയില്‍ എന്നിവയാണിവ.കറുപ്പ് നിറം അകറ്റാനും കഴുത്തിന് ചുറ്റും ഉണ്ടാകുന്ന ഇരുണ്ട നിറം മാറാനുമൊക്കെ ഉരുളക്കിഴങ്ങ് നീര് പതിവായി പുരട്ടുന്നത് നല്ലതാണ്.മുഖത്തുണ്ടാകുന്ന കരുവാളിപ്പ് ഇല്ലാതാകാൻ ഏറെ സഹായിക്കുന്ന ഒന്നാണ് ഉരുളക്കിഴങ്ങ് നീര്. ഇത് കണ്ണിന്റെ ക്ഷീണം അകറ്റി തിളക്കം നല്‍കാന്‍ സഹായിക്കുന്നു.ഫ്രീ റാഡിക്കലുകളെ ചെറുക്കാനും അണുക്കളെയും ബാക്ടീരിയകളെയും ചർമ്മത്തിൽ നിന്ന് അകറ്റി നിർത്താനും സഹായിക്കുന്ന ആന്റി ഓക്‌സിഡന്റുകളെല്ലാം ഉരുളക്കിഴങ്ങിലും അടങ്ങിയിട്ടുണ്ട്. കൂടാതെ ഇവയിലെ അസിഡിക് ഗുണങ്ങൾ അടഞ്ഞുപോയ ചർമ്മ സുഷിരങ്ങളെ തുറക്കാൻ അനുവദിക്കുന്നു.ചര്‍മ സുഷിരങ്ങളില്‍ അടിഞ്ഞു കൂടുന്ന അഴുക്കാണ് പലപ്പോഴും മുഖക്കുരു പോലുള്ള പ്രശ്‌നങ്ങള്‍ക്കു കാരണമാകുന്നത്. ഇതിനുളള നല്ലൊരു പരിഹാരമാണ് ഇത്.

ചുളിവുകളില്ലാത്ത, പ്രായം തോന്നാത്ത ചര്‍മത്തിന് അവശ്യം വേണ്ട ഒന്നാണ് വൈറ്റമിന്‍ ഇ. ഇതു ചില ഭക്ഷണങ്ങളില്‍ നിന്നും ലഭിയ്ക്കും. ഇതല്ലാതെ വൈറ്റമിന്‍ ഇ ക്യാപ്‌സൂള്‍ രൂപത്തിലും ലഭിയ്ക്കും. ഇതു പൊട്ടിച്ചു മുഖത്തു പുരട്ടി മസാജ് ചെയ്യുന്നത്, അതായത് വൈറ്റമിന്‍ ഇ ഓയില്‍ മുഖത്തു പുരട്ടുന്നത് സൗന്ദര്യപരമായ പല ഗുണങ്ങളും നല്‍കുന്ന ഒന്നാണ്. വൈറ്റമിന്‍ ഇ ഓയില്‍ നാഡികളെ കരുത്തുറ്റതാക്കുന്നു. ഇതു വഴി ഉള്ളില്‍ നിന്നു തന്നെ ചര്‍മത്തെ ഏറെ ശക്തിയുള്ളതാക്കുകയും ചെയ്യുന്നു. ചര്‍മത്തിനുള്ളില്‍ നിന്നു തന്നെ ഇതു ചര്‍മത്തെ കരുത്തുള്ളതാക്കും. മുഖത്തിന് തിളക്കം നല്‍കാന്‍ ഇത് ഏറെ നല്ലതാണ്.

പണ്ടത്തെ കാലത്ത് അധികമാരും അറിയാതെ പോയ ഒന്നാണ് ഇപ്പോഴത്തെ കാലത്ത് വിപണിയിൽ നിറഞ്ഞു നിൽക്കുന്ന ഒരു പ്രധാന സൌന്ദര്യ വർദ്ധക വസ്തു, കറ്റാർ വാഴ. സൌന്ദര്യത്തിനും ആരോഗ്യത്തിനും മുടി സംരക്ഷണത്തിനുമെല്ലാം തന്നെ ഒരുപോലെ ഉപകാരപ്രദമായ ഒന്നാണിത്. പച്ച നിറത്തില്‍ മാംസളമായി വളരുന്ന ഈ സസ്യത്തിന്റെ കൊഴുപ്പുള്ള ജെല്‍ വൈറ്റമിന്‍ ഇ സമ്പുഷ്ടമാണ്. ഇതിനു പുറമേ ഒരു പിടി വൈറ്റമിനുകളും ധാതുക്കളുമെല്ലാം ഉള്‍ക്കൊള്ളുന്ന ഒന്നു കൂടിയാണ് ഇത്.ഇതിലെ വൈറ്റമിൻ ഇയും മറ്റു പോഷകങ്ങളുമെല്ലാം ഗുണം ഏറെ നൽകുന്നു. തിളക്കമുള്ള ചര്‍മവും മാര്‍ദവമുള്ള ചര്‍മവുമെല്ലാം മറ്റു ഗുണങ്ങളാണ്. ഇതു പുരട്ടി മുഖം മസാജ് ചെയ്യാം. ഇത് രക്തപ്രവാഹം വർദ്ധിപ്പിയ്ക്കാൻ സഹായിക്കുന്ന ഒന്നാണ്.

ഇതിനായി ഉരുളക്കിഴങ്ങ് തൊലി കളഞ്ഞ് മിക്‌സിയില്‍ ജ്യൂസാക്കി എടുക്കുക. ഇത് ഒരു പാത്രത്തില്‍ അല്‍പനേരം അനക്കാതെ വയ്ക്കാം. പിന്നീട് മുകളിലെ ജ്യൂസ് മാറ്റാം. ഇതിനടിയില്‍ കട്ടിയില്‍ ഉരുളക്കിഴങ്ങ് സ്റ്റാര്‍ച്ച് ഉണ്ടാകും. ഇതില്‍ ഇളക്കാതെ വെള്ളമൊഴിച്ച് വയ്ക്കുക. പിന്നീട് ഈ വെള്ളം കളയാം. ഈ സ്റ്റാര്‍ച്ച് വെള്ളനിറത്തിലാകുന്നതു വരെ വെള്ളമൊഴിയ്ക്കാം. ഈ സ്റ്റാര്‍ച്ച് നമുക്കു വേണം. ഈ സ്റ്റാര്‍ച്ചില്‍ അല്‍പം കറ്റാര്‍വാഴ ജെല്‍ ചേര്‍ത്തിളക്കി പതുക്കെ ചൂടാക്കുക. ഇത് നല്ല ജെല്‍ ആകുന്നത് വരെ ഇളക്കാം. ഇത് കട്ടിയായി വരുന്നുവെങ്കില്‍ വാങ്ങാം. കട്ടികള്‍ ഉണ്ടെങ്കില്‍ മിക്‌സിയില്‍ അടിയ്ക്കാം. ഇതില്‍ അല്‍പം വൈറ്റമിന്‍ ഇ ഓയില്‍ കൂടി ചേര്‍ത്ത് ഇളക്കാം. ഇത് ഫ്രിഡ്ജില്‍ വച്ച് മുഖത്ത് പുരട്ടാം.


Source link

x

Check Also

പാലിയേക്കര ടോളിലെ പഞ്ചവാദ്യം കേൾക്കണോ? ഇന്നോവ പുല്ലാങ്കുഴലൂതുന്നതോ?

ഇടപ്പള്ളി കവലയിലോ പാലിയേക്കര ടോളിലോ ചെന്നാൽ ഹോണടി ശബ്ദംകാരണം ഇനി തലമണ്ട പൊളിയില്ല. കേന്ദ്ര ഗതാഗത വകുപ്പ് മന്ത്രി ജീ ...