Home » Malayalam News » ‘മോദി 24കാരറ്റ് സ്വർണം, അദ്ദേഹത്തിൻ്റെ ജീവിതം സ്കൂളുകളിൽ പഠിപ്പിക്കണം’; രാജ്‌നാഥ് സിംഗ്

‘മോദി 24കാരറ്റ് സ്വർണം, അദ്ദേഹത്തിൻ്റെ ജീവിതം സ്കൂളുകളിൽ പഠിപ്പിക്കണം’; രാജ്‌നാഥ് സിംഗ്

ഹൈലൈറ്റ്:

  • പ്രധാനമന്ത്രി മോദി 24 കാരറ്റ് സ്വർണമാണെന്ന് രാജ്‌നാഥ് സിംഗ്.
  • മോദിയുടെ രാഷ്ട്രീയ ജീവിതം വിദ്യാർഥികളെ പഠിപ്പിക്കണം.
  • നിരവധി പുതിയ വെല്ലുവിളികൾ നേരിട്ട വ്യക്തിയാണ് മോദി.

ന്യൂഡൽഹി ഇന്ത്യൻ പ്രധാനമന്ത്രി നരേന്ദ്ര മോദി 24 കാരറ്റ് സ്വർണമാണെന്ന് പ്രതിരോധ മന്ത്രി രാജ്‌നാഥ് സിംഗ്. പ്രധാനമന്ത്രി മോദിയുടെ രാഷ്ട്രീയ യാത്ര മാനേജ്മെൻ്റ് സ്കൂളുകളിലെ വിദ്യാർഥികളെ പഠിപ്പിക്കണം. കഴിഞ്ഞ 20 വർഷമായി സർക്കാരിൻ്റെ തലവനായിട്ടും ഒരു തരത്തിലുള്ള അഴിമതിയുടെയും കറപോലും അദ്ദേഹത്തിന് മേൽ പതിഞ്ഞിട്ടില്ല. ഒരു യഥാർഥ നേതൃത്വത്തെ തിരിച്ചറിയുന്നത് അതിൻ്റെ ഉദ്ദേശശുദ്ധിയും സത്യസന്ധതയും കൊണ്ടാണെന്നും അദ്ദേഹം പറഞ്ഞു.

ബിജെപി സര്‍ക്കാര്‍ പ്രവര്‍ത്തിക്കുന്നത് പാവങ്ങള്‍ക്ക് വേണ്ടി: അമിത് ഷാ
പ്രധാനമന്ത്രി മോദിയുടെ കഴിഞ്ഞ രണ്ട് ദശാബ്ദങ്ങളിലെ രാഷ്ട്രീയ യാത്ര പരിശോധിച്ചാൽ നിരവധി പുതിയ വെല്ലുവിളികൾ നേരിടുന്നതായി കാണാനാകും. എന്നാൽ, അത്തരം സാഹചര്യങ്ങളെയും വെല്ലുവിളികളെയും ഫലപ്രദമായിട്ടാണ് പ്രധാനമന്ത്രി നേരിടുന്നത്. അദ്ദേഹത്തിൻ്റെ ഈ രീതി മാനേജ്മെൻ്റ് സ്കൂളുകളിൽ ഫലപ്രദമായി നേതൃത്വത്തെയും കാര്യക്ഷമമായ ഭരണത്തെയും കുറിച്ചുള്ള ഒരു പാഠ്യവിഷയമായി പഠിപ്പിക്കണമെന്നും പ്രതിരോധ മന്ത്രി വ്യക്തമാക്കി.

ഗുജറാത്ത് മുഖ്യമന്ത്രിയായി നരേന്ദ്ര മോദി പദവിയിൽ തുടരുമ്പോൾ സംസ്ഥാനത്തെ സമഗ്ര വികസനത്തിലേക്ക് എത്തിക്കാൻ അദ്ദേഹത്തിനായി. സമൂഹത്തിലെ എല്ലാ വിഭാഗങ്ങളുടെയും പുരോഗതിക്കായി അദ്ദേഹം പ്രവർത്തിക്കുകയും ചെയ്തു. “സബ്കാ സാത്ത്, സബ്കാ വികാസ്” എന്ന മുദ്രാവാക്യത്തിലൂടെ നരേന്ദ്ര മോദി ഗുജറാത്തിൽ മതേതരത്വത്തിന്റെ പുതിയ അധ്യായം രചിച്ചുവെന്നും രാജ്‌നാഥ് സിംഗ് കൂട്ടിച്ചേർത്തു.

മോദി ഭരണനിർവഹണത്തിൽ രണ്ട് ദശാബ്ദങ്ങൾ പിന്നിട്ടതുമായി ബന്ധപ്പെട്ട് ബിജെപി നേതൃത്വം സംഘടിപ്പിച്ച ദേശീയ സമ്മേളനത്തിൻ്റെ സമാപന ചടങ്ങിൽ പങ്കെടുത്ത് സംസാരിക്കുന്നതിനിടെയാണ് പ്രധാനമന്ത്രിയെ പുകഴ്ത്തി രാജ്‌നാഥ് സിംഗ് പ്രതികരണം നടത്തിയത്.

റിലീസ് ഓർഡർ എത്തിക്കാൻ വൈകി; ആര്യൻ്റെ ജയിൽ മോചനം ഇന്നില്ല, ജാമ്യം നിന്ന് ജൂഹി ചൗള
ബിജെപി സർക്കാർ പ്രവർത്തിക്കുന്നത് പാവപ്പെട്ടവർക്ക് വേണ്ടിയാണെന്ന് തെളിയിച്ചുവെന്ന് കേന്ദ്ര ആഭ്യന്തര മന്ത്രി അമിത് ഷാ ഉത്തർപ്രദേശിൽ വ്യക്തമാക്കി. ‘ഉത്തര്‍പ്രദേശിന്‍റെ വ്യക്തിത്വം തിരിച്ചുപിടിക്കാനുള്ള പ്രവര്‍ത്തനമാണ് ബിജെപി നടത്തിയത്. യുപിയെ രാജ്യത്തെ മികച്ചതാക്കാന്‍ നിരവധി കാര്യങ്ങള്‍ ബിജെപി ചെയ്തിട്ടുണ്ട്. കുടുംബങ്ങള്‍ക്കു വേണ്ടിയുള്ള സര്‍ക്കാരല്ല ബിജെപിയെന്നത് തെളിയിച്ചതാണ്. സംസ്ഥാനത്തെ ദരിദ്രരിലെ പാവപ്പെട്ടവര്‍ക്കു വേണ്ടിയുള്ള സര്‍ക്കാരാണിത്” – എന്നും അമിത് ഷാ പറഞ്ഞു. ‘മേരാ പരിവാര്‍- ബിജെപി പരിവാര്‍’ അംഗത്വ ക്യാമ്പയിനിന്‍റെ ഉദ്ഘാടന ചടങ്ങില്‍ സംസാരിക്കവെയാണ് കേന്ദ്ര ആഭ്യന്തര മന്ത്രി ഇത്തരത്തിൽ പ്രതികരണം നടത്തിയത്.

പാലക്കാട്ട് വൻ കുഴൽപ്പണവേട്ട


Source link

x

Check Also

അടുത്ത സീസണില്‍ ധോണി കളിച്ചേക്കില്ല; ആരാധകരെ കുഴയ്ക്കുന്ന സൂചന നല്‍കി സിഎസ്‌കെ ക്യാപ്റ്റന്‍!

ഹൈലൈറ്റ്: ഐപിഎല്‍ 2022ല്‍ ധോണി കളിക്കുന്ന കാര്യത്തില്‍ വ്യക്തതയില്ല അടുത്ത സീസണ്‍ ഐപിഎല്ലില്‍ പുതിയ രണ്ടു ടീമുകള്‍ കൂടി അന്താരാഷ്ട്ര ...