Home » Malayalam News » ലോകത്തെ മുഴുവൻ നടുക്കിയ ആക്രമണത്തിൻ്റെ ഓർമ്മയിൽ ഹിരോഷിമ ദിനം

ലോകത്തെ മുഴുവൻ നടുക്കിയ ആക്രമണത്തിൻ്റെ ഓർമ്മയിൽ ഹിരോഷിമ ദിനം

1945 ൽ‍ ജപ്പാനെ നശിപ്പിച്ച് ഹിരോഷിമയിൽ ലിറ്റിൽ ബോയ് എന്ന അണുബോംബ് അമേരിക്ക വിക്ഷേപിച്ചതിന്റെ ഓർമ്മ ദിവസമാണ് ഓഗസ്റ്റ് 6. ഹിരോഷിമ ദിനമെന്ന് ഈ ദിനം അറിയപ്പെടുന്നു. ഒന്നര ലക്ഷത്തോളം മനുഷ്യജീവനുകളാണ് അണുബോംബിന്റെ ആഘാതത്തിൽ പിടഞ്ഞു വീണ് മരിച്ചത്. അണുവികിരണം ഏൽപ്പിച്ച ആഘാതം ഇപ്പോഴും അവർ അനുഭവിക്കുകയാണ്. രണ്ടാം ലോക മഹായുദ്ധവും ബന്ധപ്പെട്ട വിവരങ്ങളും പഠിക്കുമ്പോൾ ഏറ്റവും പ്രധാനപ്പെട്ട ഭാഗമാണ് ഹിരോഷിമ സംഭവം. ഹിരോഷിമയിൽ അണുബോംബ് വീണതുമായി ബന്ധപ്പെട്ട ചില ചോദ്യങ്ങൾ പരിശോധിക്കാം.

ബോംബിന്റെ പേര്

ചോദ്യം- ഹിരോഷിമയിൽ അമേരിക്ക വർഷിച്ച അണുബോംബിന്റെ പേര് എന്തായിരുന്നു?

ഉത്തരം- ലിറ്റിൽ ബോയ്

മൂന്നു മീറ്റർ നീളവും 4400 കിലോഗ്രാം ഭാരവുമുള്ളതായിരുന്നു ലിറ്റിൽ ബോയ്. ലിറ്റിൽ ബോയ് എന്ന അണുബോംബിന്റെ നിർമ്മാണത്തിന് ഉപയോഗിച്ച മൂലകം യുറേനിയം 235 ആണ്.

വിമാനം

ചോദ്യം- ഹിരോഷിമയിൽ അണുബോംബ് വർഷിക്കാൻ ഉപയോഗിച്ച യുദ്ധ വിമാനം?

ഉത്തരം- എനലോ ഗേ ബി-29

ഹിരോഷിമ നഗരത്തിലെ അയോയ് ബ്രിഡ്ജ് ആയിരുന്നു ബി-29 വിമാനത്തിന്റെ ലക്ഷ്യസ്ഥാനം. പോൾ ഡബ്ള്യൂ ടിബറ്റ്സ് ആയിരുന്നു വൈമാനികൻ.

പോൾ ഹാർബർ

ചോദ്യം- പോൾ ഹാർബർ ആക്രമണത്തിൽ ജപ്പാൻ ആക്രമിച്ച അമേരിക്കയുടെ കപ്പൽ?

ഉത്തരം- യു.എസ്.എസ് അരിസോണ

1941 ഡിസംബർ 7ന് ഹവായ് ദ്വീപിലെ അമേരിക്കൻ നാവിക കേന്ദ്രമായ പോൾ ഹാർബർ ജപ്പാൻ ആക്രമിച്ചതാണ് അമേരിക്ക രണ്ടാം ലോക മഹായുദ്ധത്തിൽ പങ്കെടുക്കുവാൻ കാരണം.

സ്ഫോടനം ബാധിച്ചവർ

ചോദ്യം- അണുബോംബാക്രണത്തിന്റെ ദുരന്തം പേറി ജീവിക്കുന്ന ജപ്പാനിലെ മനുഷ്യർ അറിയപ്പെടുന്നത്?

ഉത്തരം- ഹിബാക്കുഷകൾ

ഹിബാക്കുഷ എന്ന ജാപ്പനീസ് വാക്കിന്റെ അർത്ഥം സ്ഫോടന ബാധിത ജനത എന്നാണ്.

Also Read: ഐ.ഡി.ബി.ഐ ബാങ്കിൽ 920 ഒഴിവുകൾ; ഓൺലൈനായി അപേക്ഷ സമർപ്പിക്കാം

പെൺകുട്ടി

ചോദ്യം- ഹിരോഷിമയിൽ ബോംബ് വർഷിച്ചതിന്റെ ഫലമായുണ്ടായ അണുവികിരണത്തിന് ഇരയായ പെൺകുട്ടി?

ഉത്തരം- സഡാക്കോ സസക്കി

ആദ്യത്തെ അണുബോംബ് ആക്രണത്തിന്റെ കെടുതികൾ അനുഭവിച്ചറിഞ്ഞ ജനത സമാധാനത്തിന്റെ പ്രതീകമായി പണിത മ്യൂസിമാണ് ഹിരോഷിമ പീസ് മെമ്മോറിയൽ മ്യൂസിയം.

Also Read: ആർ.ബി.ഐ ജൂനിയർ എഞ്ചിനീയർ പരീക്ഷയുടെ ഫലം പ്രഖ്യാപിച്ചു

പ്രസിഡന്റ്

ചോദ്യം- ജപ്പാനിൽ അണുബോംബ് വർഷിക്കാൻ അമേരിക്കൻ സൈന്യത്തിന് നിർദേശം നൽകിയ അമേരിക്കൻ പ്രസിഡന്റ്?

ഉത്തരം- ഹാരി എസ്. ട്രൂമാൻ

അണുബോംബ് വികസിപ്പിച്ചെടുക്കുന്നതിനുള്ള അമേരിക്കയുടെ പദ്ധതി അറിയപ്പെടുന്നത് മാൻഹട്ടൻ പ്രോജക്ട് എന്നാണ്. റോബർട്ട് ഓപ്പൺ ഹൈമർ ആണ് മാൻഹട്ടൻ പ്രോജക്ടിന്റെ തലവൻ.


Source link

x

Check Also

സ്വപ്നം കണ്ടത് ഒരു വീട്… പ്രവാസി നടത്തിയത് 6 വർഷം നീണ്ട നിയമ പോരാട്ടം! വീഡിയോ കാണാം

ഹൈലൈറ്റ്: വീട് എന്ന സ്വപ്നം സാക്ഷാത്കരിക്കാൻ പ്രവാസി നടത്തിയത് ആറ് വർഷം നീണ്ട നിയമ പോരാട്ടം. ഒടുവിൽ ഡിഡിപി യുടെ ...