Home » Malayalam News » വെള്ളമില്ല, വൈദ്യുതി എത്തുന്നത് രണ്ടു മണിക്കൂര്‍; രവി കുമാറിൻെറ മെഡൽ നഹ്രിയിലേക്ക് വികസനം എത്തിക്കുമോ?!

വെള്ളമില്ല, വൈദ്യുതി എത്തുന്നത് രണ്ടു മണിക്കൂര്‍; രവി കുമാറിൻെറ മെഡൽ നഹ്രിയിലേക്ക് വികസനം എത്തിക്കുമോ?!

ഹൈലൈറ്റ്:

  • രവി കുമാര്‍ ദാഹിയ സ്വര്‍ണമെഡലിനായി വ്യാഴാഴ്ച ഇറങ്ങും
  • ഒളിമ്പിക്‌സില്‍ മെഡലുറപ്പിച്ച രവികുമാര്‍ ഹരിയാണ സ്വദേശി
  • നഹ്രി ഗ്രാമത്തിലേക്ക് വികസനമെത്തുമെന്ന പ്രതീക്ഷയില്‍ പിതാവ്

ന്യൂഡല്‍ഹി: കുഗ്രാമമെന്ന് പറയാവുന്ന ഹരിയാണയിലെ നഹ്രി ഗ്രാമവാസികള്‍ ഇപ്പോള്‍ പ്രാര്‍ഥനയിലാണ്. തങ്ങളുടെ ഗ്രാമത്തിന്റെ വീരനായകനായ രവി കുമാര്‍ ദാഹിയ ഒളിമ്പിക്‌സില്‍ സ്വര്‍ണവുമായി മടങ്ങിയെത്താനായാണ് അവരുടെ പ്രാര്‍ഥന. ടോക്യോ ഒളിമ്പിക്‌സില്‍ പുരുഷന്മാരുടെ 57 കിലോഗ്രാം ഗുസ്തിയില്‍ രവി ദാഹിയ വ്യാഴാഴ്ച ഇന്ത്യന്‍ സമയം വൈകിട്ട് 4.15ന് ഫൈനല്‍ മത്സരത്തിനിറങ്ങും.

രവി മത്സരത്തിനിറങ്ങുമ്പോള്‍ പിതാവ് രാകേഷ് ദാഹിയയും ദേശീയ ശ്രദ്ധയിലെത്തുന്നുണ്ട്. മകനുവേണ്ടി പതിമൂന്നുവര്‍ഷത്തോളമായി രാകേഷ് ദാഹിയ പുലര്‍ച്ചെ മൂന്നു മണിമുതല്‍ പ്രയത്‌നത്തിലാണ്. വീട്ടില്‍ നിന്നും 60 കിലോമീറ്റര്‍ അകലെയുള്ള ഛത്രസാല്‍ സ്‌റ്റേഡിയത്തില്‍ പരിശീലിക്കുന്ന മകന് പാലും വെണ്ണയും എത്തിക്കാന്‍ മണിക്കൂറുകളോളം നടന്നും ട്രെയിനില്‍ യാത്ര ചെയ്തും രാകേഷ് നടത്തിയ പ്രയത്‌നമാണ് ഒടുവില്‍ ഒളിമ്പിക്‌സ് മെഡല്‍ നേട്ടത്തിലെത്തി നില്‍ക്കുന്നത്.

രവി ദാഹിയയുടെ മെഡല്‍ നേട്ടം തന്റെ ഗ്രാമത്തിന്റെ ദുരിതങ്ങള്‍ അകറ്റുമെന്ന് രാകേഷ് കരുതുന്നു. വെള്ളവും വൈദ്യുതിയും യാത്രാ സൗകര്യങ്ങളുമില്ലാത്ത ഗ്രാമത്തിലേക്ക് ഇവ എത്തിക്കാന്‍ അധികാരികള്‍ ഇടപെടുമെന്ന പ്രതീക്ഷയും അദ്ദേഹത്തിനുണ്ട്. രൂക്ഷമായ ജലക്ഷാമം അനുഭവിക്കുന്ന ഗ്രാമത്തില്‍ ദിവസം രണ്ടു മണിക്കൂര്‍ മാത്രമാണ് വൈദ്യതി ലഭിക്കുന്നത്.

Also Read: ഇനിയെങ്കിലും ശ്രീജേഷുമാർ അവഗണിക്കപ്പെടരുത്; മലയാളികളുടെ അഭിമാന സ്തംഭമാണ് ഈ ഇതിഹാസം!

സ്വര്‍ണവുമായി മകന്‍ മടങ്ങിയെത്തുമെന്ന കാര്യത്തില്‍ തനിക്ക് സംശയമൊന്നുമില്ലെന്ന് രാകേഷ് ടൈംസ് ഓഫ് ഇന്ത്യയോട് പറഞ്ഞു. ദിവസം 24 മണിക്കൂറും വൈദ്യുതിയും നല്ല റോഡുകളും ഗ്രാമത്തിലുണ്ടാകുമെന്നാണ് പ്രതീക്ഷ. മകന്റെ വിജയം ഗ്രാമത്തിന് വികസനമുണ്ടാക്കുമെന്നും കരുതുന്നു. ഗ്രാമത്തില്‍ ഒരു സര്‍ക്കാര്‍ ആശുപത്രിക്കായി ഏറെനാളായി അഭ്യര്‍ഥിക്കുന്നു. ഇപ്പോള്‍ സോനാപത് ആശുപത്രി മാത്രമാണ് ആശ്രയം. എല്ലാ പിതാക്കന്മാരും മകനു വേണ്ടി ചെയ്യുന്ന കാര്യമേ താനും ചെയ്തിട്ടുള്ളൂ. രാജ്യത്തിനായി മകന്‍ ഏറെ കാര്യങ്ങള്‍ ചെയ്യുമ്പോള്‍ അത് എന്റെ ജോലിയാണെന്നും അദ്ദേഹം പറഞ്ഞു.

രവികുമാർ ദാഹിയയും ദീപക്​ പുനിയയും സെമിയിൽ


Source link

x

Check Also

അടുത്ത സീസണില്‍ ധോണി കളിച്ചേക്കില്ല; ആരാധകരെ കുഴയ്ക്കുന്ന സൂചന നല്‍കി സിഎസ്‌കെ ക്യാപ്റ്റന്‍!

ഹൈലൈറ്റ്: ഐപിഎല്‍ 2022ല്‍ ധോണി കളിക്കുന്ന കാര്യത്തില്‍ വ്യക്തതയില്ല അടുത്ത സീസണ്‍ ഐപിഎല്ലില്‍ പുതിയ രണ്ടു ടീമുകള്‍ കൂടി അന്താരാഷ്ട്ര ...